دامىپ جاتقان جۇڭگو | ”كورىنىستىك جول“ ”بايۋ جولىنا“ اينالدى 

كۇز ماۋسىمى باستالعاننان بەرى، باشاڭ ساحاراسىندا سالقىن سامال ەسە باستادى. ساحارا توسىندەگى سوناۋ كوكجيەككە قاراي يرەلەڭدەي سوزىلعان تاس جولدا اۆتوموبيلمەن كەتىپ بارا جاتساڭىز، جەل ەلەكتر قۇرىلعىلارى، ساتىلى اتىز، نۋ ورمان كوز الدىڭىزدان كەزەك – كەزەگىمەن وتەدى. جالپى ۇزىندىعى 323.9 كيلومەتر كەلەتىن بۇل كورىنىس ءدالىزىنىڭ حىبەي ولكەسى جاڭجياكوۋ قالاسى جاڭبەي بولىگىنىڭ ۇزىندىعى 149.5 كيلومەتر بولىپ، جىلىنا ورتا ەسەپپەن 5 ميلليون 300 مىڭنان استام ادام (رەت) ساياحاتشى قابىلداپ، بۇكىل ەلىمىز بويىنشا ”ءوز كولىگىمەن ساياحاتتاۋعا ۇيلەسىمدى ەڭ كورىكتى ون جولدىڭ ءبىرى“ دەگەن سياقتى 8 ءتۇرلى مەملەكەتتىك داڭققا يە بولعان.

سۋرەتتە: ساحاراداعى تاس جول بويىنداعى كورىنىس. حالىق تورابى زو يۋانميڭ فوتوسى

بەيجيڭ - جاڭجياكوۋ دەنە تاربيە، مادەنيەت - ساياحات بەلدەۋىندەگى ”التىن ءدالىز“ سانالاتىن ساحارا توسىندەگى بۇل جولدىڭ مادەنيەت پەن ساياحاتتى توعىستىرۋ ونىمدىلىگى جەدەل ارتا تۇسۋدە. ”قىسقى وليمپيادا وتكىزگەن قالا جاڭجياكوۋدىڭ ىقپالىنا، قار - مۇز سپورتىنىڭ، ساحارا مادەنيەتىنىڭ، تاريحي ەسكەرتكىشتەردىڭ وسى ارادا توعىسۋىنا سۇيەنە وتىرىپ، يەحۋلىڭ ناقتى كورىنىستى ات ونەرى تەاترحاناسىنىڭ ءار جولعى ويىن نومىرلەرىن تاماشالايتىندار الاڭعا لىق تولادى، جۇڭدۋ ساحاراسىنىڭ كەشكى ساياحاتى جولاۋشىلاردى وسى ارادا قونۋعا باۋرايدى، جول بويىنداعى قونالقىلار شاشىراڭقى بىرنەشە وتباسىنان نەشە ءجۇز وتباسىنا دەيىن دامىدى“، - دەيدى جاڭبەي اۋداندىق مادەنيەت، راديو - تەلەۆيزيا، ساياحات جانە دەنە تاربيە مەكەمەسى پارتگرۋپپاسىنىڭ شۋجيى، مەكەمە باستىعى لو يىڭزۇڭ.

سۋرەتتە: يەحۋلىڭ ەكولوگيالىق ساياحات رايونىنداعى بيىكتەن كورىنىس تاماشالاۋعا ارنالعان اينەك كوپىر. حالىق تورابى زو يۋانميڭ فوتوسى

سۋرەتتە: ساحارا توسىندەگى تاس جول بويىنداعى كورىنىس. ليان چۇنفەي فوتوسى

جول قاي جەرگە دەيىن سالىنسا، سول جەرگە دەيىن وزگەرىس تۋىلادى. ۇعىسۋعا قاراعاندا، ساحاراداعى تاس جولدىڭ جاڭبەي بولىگىندە سالىنعان 51 جالعاسپالى جول ساياحاتشىلاردى 7 اۋىل - قالاشىققا، 128 قىستاققا باستاپ اپارادى، 100 مىڭعا جۋىق ادام تىكەلەي يگىلىككە كەنەلەدى. جۋىرداعى جىلداردان بەرى، جەرگىلىكتى ورىن ساحاراداعى تاس جول، جۇڭدۋ ساحاراسى، ساحاراداعى مۋزيكا مەرەكەسى سىندى ءۇش ۇلكەن مادەنيەت - ساياحات IP ىن ءتۇيىندى تۇردە قالىپتاستىرىپ، بۇرىنعىداي ”ساحارادا ءبىر كۇن ساياحاتتاۋ“ سىندى جاي عانا كورىنىس تاماشالاۋ ۇلگىسىن وزگەرتىپ، «زەرتتەۋ - ۇيرەنۋ، كورىنىس تاماشالاۋ، ويىن – ساۋىق تاماشالاۋ، ءدامدى تاعام تۇتىنۋ جانە كۇتىنىپ دەمالۋ“ سىندى تۇتاس تىزبەكتى باستان كەشىرۋ جۇيەسىن قالىپتاستىردى.

سۋرەتتە: جاڭبەي ساحارا جولى يەحۋلىڭ ەكولوگيالىق ساياحات رايونىنداعى حالىقتىق قونالقىلار. سۋرەتتى جاڭبەي اۋداندىق پارتكومنىڭ ۇگىت ءبولىمى بەرگەن

سۋرەتتە: جاڭبەي ساحارا جولى يەحۋلىڭ ەكولوگيالىق ساياحات رايونىنداعى حالىقتىق قونالقىلار. حالىق تورابى زو يۋانميڭ فوتوسى

ساحارا جولى باشاڭ ساحاراسىنداعى تاۋ - وزەندەر مەن شىنايى تۇرمىستىڭ اراسىن تۇتاستىرىپ قانا قويماي، جول بويىنداعى سان مىڭداعان جۇرتشىلىقتىڭ بايۋ ارمانىنا دانەكەر بولدى. اۆتوموبيل دوڭگەلەگى العا قاراي جىلجىپ، الىستاعى قوناقتاردى وسى اراعى جەتكىزىپ، ساحارانىڭ تۇرمىسىن سوناۋ شالعايدان كەلگەن قوناقتارعا تانىستىردى. (حى جيڭرۋ، فىڭ ياتاۋ، رىن يان، فۋ جاۋسا، جاۋ ميڭيان، زو يۋانميڭ، يۇي شۋەچيڭ)

كەلۋ قاينارى: حالىق تورابى