اپات سەبەبىنەن 54 مىڭ ادام كوشىرىلدى! گۋاڭشيدە قالىڭ نوسەر، اسا قالىڭ نوسەر جاۋدى 

بيىلعى 19 – ءنومىرلى ”قىزىل ساندال“ اتتى تايفىڭ داۋىلىنىڭ ىقپالىنا ۇشىراعاندىقتان، گۋاڭشيدىڭ كوپ جەرىندە نوسەر نەمەسە قالىڭ نوسەر جاۋدى، ءىشىنارا جەرلەردە اسا قالىڭ نوسەر جاۋىپ، كوپتەگەن وزەندەردە سۋ دەڭگەيى ساقتىق دەڭگەيىنەن اسىپ كەتتى، فاڭچىڭگاڭ قالاسى، چۇڭزو قالاسى قاتارلى جەرلەردە ءىشىنارا اۋىل - قالاشىقتار تاسقىن قاتەرىنە ۇشىرادى.

8 - ايدىڭ 23 - كۇنى، گۋاڭشي تاسقىننان جانە تايفىڭ داۋىلىنان ساقتانۋ جونىندە بەينە كەسكىن ارقىلى كەڭەسۋ – ورنالاستىرۋ ءماجىلىسىن اشقان، ساناققا قاراعاندا، 8 - ايدىڭ 23 - كۇنى ساعات 18 گە دەيىن، فاڭچىڭگاڭ، چۇڭزو، ناننيڭ قاتارلى 6 قالاداعى 17 اۋداننىڭ (قالا، رايون) 64 اۋىل - قالاشىعىندا (مالىسىندە) قالىڭ نوسەر جاۋعان، ءىشىنارا جەرلەردە اسا قالىڭ نوسەر جاۋعان، 10 قالاداعى 30 اۋداننىڭ (قالا، رايون) 92 اۋىل - قالاشىعىندا (مالىسىندە) نوسەر جاۋعان. ميڭجياڭ وزەنى مەن ونىڭ سالالارى گۇڭ - ان وزەنى، پايليان وزەنى، زوجياڭ وزەنى جانە جوعارعى اعارى پيڭ - ىر وزەنى قاتارلى 10 وزەندەگى 15 ستانسيادا سۋ دەڭگەيى ساقتىق شەگىنەن اسىپ، تايفىڭ داۋىلىندا 61 مىڭ ادام اپاتقا ۇشىراعان، اپات سەبەبىنەن 54 مىڭ ادام كوشىرىلگەن، 8087 ادام شۇعىل كوشىرىلىپ ورنالاستىرىلعان، تاسقىننان ساقتانۋ جانە اپاتتان قۇتقارۋ جاعىنداعى ءتۇرلى قىزمەتتەر ءتارتىپتى، تىڭعىلىقتى ورىستەتىلۋدە.

كەلۋ قاينارى: حالىق تورابى