بۇكىل ەلىمىز بويىنشا جيىنى 90 ميلليون توننادان استام ءبيداي ساتىپ الىندى 

شينحۋا اگەنتتىگىنىڭ 8 - ايدىڭ 24 - كۇنى بەيجيڭنەن بەرگەن حابارى (ءتىلشى گۇ يپيڭ). قازىر ەلىمىز جازدىق استىقتى ساتىپ الۋدىڭ قاۋىرت مەزگىلىنە ءوتتى. مەملەكەتتىك استىق جانە زات قورى مەكەمەسى 8 - ايدىڭ 24 - كۇنى جاريالاعان ەڭ جاڭا ساندى مالىمەتكە قاراعاندا، بۇكىل ەلىمىزدەگى استىق تيجاراتىمەن شۇعىلداناتىن ءتۇرلى تۇلعالار ساتىپ العان ءبيداي مولشەرى 90 ميلليون توننادان اسقان. وڭتۇستىكتەگى ەرتە پىساتىن ۇشكىل كۇرىش شوعىرلى تۇردە بازارعا سالىندى. جەر - جەردەگى ساتىپ الۋ قىزمەتى ءتارتىپتى ورىستەتىلىپ، ساتىپ الۋ ءۇردىسى جالپى جاقتان ءساتتى بولدى.

مەملەكەتتىك استىق جانە زات قورى مەكەمەسىندەگى قاتىستى جاۋاپتى جولداس بىلاي دەدى: استىق ەگەتىن ديقانداردىڭ مۇددەسىن قورعاۋ ءۇشىن، 8 - ايدان بەرى، مەملەكەتتىڭ قاتىستى تاراۋلارى ىلگەرىندى – كەيىندى جياڭشي، حۋنان ولكەلەرىندە ەرتە پىساتىن ۇشكىل كۇرىشتى ساتىپ الۋدىڭ ەڭ تومەنگى باعا شەگىن اتقارۋ جوباسىن ىسكە قوسىپ، حىنان ولكەسىندە ءبيدايدى ساتىپ الۋدىڭ ەڭ تومەنگى باعا شەگىن اتقارۋ جوباسىن ىسكە قوسىپ، ساياساتتىڭ تىرەكتىك رولىن ساۋلەلەندىرىپ، بازارداعى مەجەنى ورنىقتىردى.

كەلەسى قادامدا، مەملەكەتتىك استىق جانە زات قورى مەكەمەسى بازارلاندىرىلعان ساتىپ الۋ مەن ساياساتتىق ساقتاۋدى ۇشتاستىرۋعا تاباندى بولىپ، جاڭبىر جاۋۋ سىندى اۋا رايى وزگەرىسىن ۇزدىكسىز باقىلاپ، قاتىستى ولكەلەردىڭ استىقتى قۇرعاتىپ ساقتاۋدى كۇشەيتۋىنە، ساتىپ الۋ جونىندەگى ورنالاستىرۋلاردى ساپالىلاندىرۋىنا جەتەكشىلىك ەتىپ، ديقانداردىڭ استىقتى جيناپ العاننان كەيىنگى زياندى ازايتۋىنا كومەكتەسەدى. سونىمەن بىرگە، استىقتى ءوندىرۋ مەن ساتۋ جاعىنداعى سەلبەستىك پەن اۋىل شارۋاشىلىعى سالاسىنداعى كاسىپورىندارمەن ۇشتاستىرۋدى ىشكەرىلەي ورىستەتىپ، ديقانداردىڭ استىقتى ءساتتى ساتۋىنا كەپىلدىك ەتىپ، بازاردىڭ ورنىقتى جۇمىس جۇرگىزۋىن جەبەيدى.

كەلۋ قاينارى: حالىق تورابى