جىلىنا ەڭ جوعارى بولعاندا 5000 يۋان قاراجات بەرىلەدى! تۇتىنۋ قارىزىنىڭ ءوسىمىن كوتەرۋ ساياساتى ساپالىلاندىرىلدى، اۆتوموبيل ساتىپ الۋ، ءۇي اشەكەيلەۋ قاتارلىلار قوسىمشا قاراجات بەرىلەتىن كولەمگە ەنگىزىلدى 

جۋىردا، جۇڭگو ونەركاسىپ - ساۋدا بانكەسى، جۇڭگو اۋىل شارۋاشىلىعى بانكەسى قاتارلى كوپتەگەن ساۋدا بانكەلەرى تۇتىنۋ قارىزىنىڭ ءوسىمىن كوتەرۋ ساياساتىنا قاتىستى ساپالىلاندىرىلعاننان كەيىنگى اتقارۋ جوباسىن جاريالادى.

الدىمەن ساياساتتاعى وزەكتى وزگەرىستەرگە نازار سالايىق — ”شەگى جوعارىلاتىلىپ، كولەمى كەڭەيتىلدى“. كوتەرىلەتىن ءوسىم سوماسىنىڭ جوعارعى شەگى جىلىنا 3000 يۋاننان تىكەلەي 5000 يۋانعا جوعارىلاتىلدى، ونىڭ ۇستىنە، بۇل 5000 يۋاندى جەكەلىك تۇتىنۋ قارىزى مەن كرەديت كارتۋچكاسىنان العان مەرزىمگە ءبولىپ تولەيتىن قارىز اراسىندا ەركىن ورنالاستىرۋعا بولادى. مۇنان دا ماڭىزدىسى، ءوسىمىن كوتەرۋ كولەمى بۇرىن تەك كرەديت كارتۋچكاسىنان العان قارىزدى مەرزىمگە ءبولىپ تولەۋدى عانا قامتيتىن، بۇل جولى بىردەن اۆتوموبيل ساتىپ الۋدى، ءۇي اشەكەيلەۋدى قامتىعان مەرزىمگە ءبولىپ تولەيتىن ارناۋلى قارىز، مەرزىمگە ءبولىپ تولەيتىن تۇتىنۋ قارىزى، الدىن الا الىنعان قارىزدى مەرزىمگە ءبولىپ تولەۋ قاتارلى مەرزىمگە ءبولىپ تولەۋ تۇرىنە جاتاتىن بارلىق تۇرلەردى قامتيتىن بولىپ كەڭەيتىلگەن.

ساياساتتىڭ اتقارىلۋ دا وتە تەز بولعان، التى ءىرى مەملەكەتتىك بانكە 8 - ايدىڭ 21 - كۇنىنەن 22 - كۇنىنە دەيىن شوعىرلى تۇردە حابارلاندىرۋ جاريالاپ، ەگجەي – تەگجەيلى اتقارۋ ەرەجەسىن ايقىندادى. سونىمەن بىرگە، جارنالىق تۇزىمدەگى بانكەلەر قاتارلىلار دا ىلە – شالا ىسكە كىرىسكەن.

8 - ايدىڭ 1 - كۇنىنەن ساياسات جاريالانعان كۇنگە دەيىن مەرزىمگە ءبولىپ تولەۋ كاسىبىن ءبىتىىرىپ بولعان بولساڭىز، كوپتەگەن بانكەلەر بانكە بولىمشەسىمەن بايلانىس جاساۋ ارقىلى ءوسىمدى كوتەرۋگە ءوتىنىش ەتۋىڭىزگە بولاتىنىن ءبىلدىردى. مۇنان سىرت، بانكەلەر مىنانى ەرەكشە ەسكەرتەدى ءوسىمىن كوتەرۋ كاسىبىن ءبىتىرۋ بارىسىندا قوسىمشا اقى الىنبايدى، الدامكوستىكتەن ساقتانىڭىزدار.

كەلۋ قاينارى: حالىق تورابى