”ستيلى پاك، سالتى دۇرىس ساياسي ەكولوگيا قالىپتاستىرايىق“ (باس شۋجيدىڭ حالىقشىلدىق سۇيىسپەنشىلىگى)

تاماشا ساياسي ەكولوگيا قالىپتاستىرۋ − پارتيامىزدىڭ تاڭداۋلى ءداستۇرى جانە ساياسي ابزالدىعى. 7 - ايدىڭ 30 - كۇنى اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ماجىلىسىندە: ”پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ءار جاقتاعى قۇرىلىسىن جاپپاي ىلگەرىلەتىپ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتىپ، پارتيانىڭ ءوزىن كىرشىكسىزدەندىرۋىن، ءوزىن كەمەلدەندىرۋىن، ءوزىن جاڭارتۋىن، ءوزىن جوعارىلاتۋىن ۇزدىكسىز جۇزەگە اسىرۋ كەرەك“ دەپ باسا دارىپتەلدى. 8 - ايدىڭ 22 - كۇنى وتكىزىلگەن 20 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە بىلاي دەپ اتاپ كورسەتىلدى: ”دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، ساياسي باقىلاۋدى كۇشەيتىپ، ساياسي شارلاۋدى تەرەڭدەتىپ، كەزەك اۋىستىرۋ ءتارتىبىن قاتايتىپ، ستيلدى دۇرىستاۋ،ءتارتىپتى قاتايتۋ، شىرىكتەسۋگە قارسى تۇرۋدان جازباي، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى جونگە سالۋدى ۇزدىكسىز تەرەڭدەتۋ كەرەك“.

”ستيلى پاك، سالتى دۇرىس ساياسي ەكولوگيا قالىپتاستىرۋ“ − پارتيانىڭ ساياسي قۇرىلىسىن كۇشەيتۋدەگى نەگىزدىك، ۇنەمىلىك قىزمەت. باس شۋجي شي جينپيڭ بۇعان ايرىقشا ءمان بەرىپ، بىلاي دەپ اتاپ كورسەتتى: ”ساياسي ەكولوگيا جاقسى بولسا، كادرلار قوسىنىنىڭ ستيلى پاك، سالتى دۇرىس، نيەتى ءتۇزۋ بولادى، قوعامدىق سالت بەلسەنە العا باسادى، وڭ ەنەرگياعا تولى بولادى“.

تابيعات ەكولوگياسىنىڭ تاۋلارى جاسىل، سۋلارى تۇنىق بولۋى كەرەك، ال ساياسي ەكولوگيانىڭ دا تاۋلارى جاسىل، سۋلارى تۇنىق بولۋى كەرەك. ستيلى پاك، سالتى دۇرىس ساياسي ەكولوگيانى ۇزدىكسىز قالىپتاستىرىپ، كىرشىكسىز جاڭا ستيل، دۇرىس سالتتى بۇكىل پارتياعا، بۇكىل قوعامعا جالپىلاستىرىپ، پارتيالى كادرلاردىڭ ءىس تىندىرىپ، شارۋاشىلىق قۇرۋ بەلسەندىلىگىن قوزعاپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كۇش توپتاۋ كەرەك.

پارتيانى جاپپاي قاتاڭ جونگە سالىپ، وزىنە توڭكەرىس جاساۋعا باتىل بولىپ، ساياسي ەكولوگيانىڭ لاستانۋ قاينارىن باتىل الاستاۋ كەرەك.

شىرىكتەسۋ ساياسي ەكولوگيانى لاستايدى، دامۋ ورتاسىن بۇلدىرەدى، ونى،ءسوز جوق، قاتاڭ جازالاۋ كەرەك“. بيىل 1 - ايدا باس شۋجي شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپىءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقىلاۋ كۋرسىندا سويلەگەن سوزىندە وسىلاي دەپ باسا دارىپتەدى.

”ءبىر ساياسي پارتيانىڭ، ءبىر بيلىكتىڭ بولاشاعى مەن تاعدىرى حالىقتىڭ قولداۋ - قولداماۋىنا بايلانىستى. حالىق بۇقاراسى نەگە قارسى تۇرادى، نەنى جەك كورەدى، ءبىز ودان باتىل ساقتانۋىمىز جانە وعان سوققى بەرۋىمىز كەرەك. حالىق بۇقاراسى شىرىكتەسۋ قۇبىلىسىنا قاتتى كەكتەنسە، ءبىز ءسوزسىز شىرىكتەسۋگە قارسى تۇرۋدان جازباۋىمىز كەرەك“.

از ادامعا جاماناتتى بولىپ، ءبىر ميلليارد 400 ميلليون ادامنىڭ ءۇمىتىن اقتاۋدا پارتيانى جاپپاي قاتاڭ جونگە سالۋ، وزىنە توڭكەرىس جاساۋعا باتىل بولۋ بەكىمى قامتىلىپ جاتىر.

پارتيا 18 - قۇرىلتايىنان كەيىن، پىشاقتىڭ ءدۇزىن ىشكە قاراتقان وزىندىك توڭكەرىس دابىرالى بولدى. ”جولبارىس سوعىلدى“، ”شىبىن قاعىلدى“، ”تۇلكى اۋلاندى“، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى ۇزدىكسىز 154 اي مەملەكەت بويىنشا تەكسەرىپ ءبىر جاقتى ەتىلگەن ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى ماسەلەلەردىڭ جيناقتالۋ جاعدايىن جاريالادى، وتكەن جىلى 260 مىڭنان استام ادامعا پارتيا ءتارتىبى، اكىمشىلىك ءتارتىپ جازاسى بەرىلدى.

شىرىكتەسۋگە قارسى تۇرۋدا ماڭگىلىك اتوي دابىلىن قاقتى، پارتيامىز ستيل قۇرىلىسىن تىنباي كۇشەيتتى. بيىلعى كوكتەم مەرەكەسىن توپتىق قۇتتىقتاۋ جينالىسىندا باس شۋجي شي جينپيڭ بىلاي دەپ اتاپ كورسەتتى: ”پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى كورنەكتى ونىمدىلىككە قول جەتكىزدى، ساياسي ەكولوگيا مەن قوعامدىق سالت ۇزدىكسىز جاقساردى“.

پارتيانى باسقارىپ، پارتيانى جونگە سالىپ، پارتيانى كوركەيتىپ، پارتيانى قۇدىرەتتەندىرىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.

”ناشار ستيلدىڭ قالىپتاسۋى وڭاي، پاكتىكتىڭ ورناۋى قيىن“. ساياسي ەكولوگيانى تازارتۋ جاراتىلىستىق ەكولوگيانى قالپىنا كەلتىرۋمەن ۇقساس، مۇلدە دەرەۋ ورىندالمايدى، جالپىلىق شارا قولدانىپ، سايكەستى ىلگەرىلەتۋدى قاجەت ەتەدى.

پارتيا ىشىندەگى جولداستاردىڭ بارىس - كەلىس جاساۋ پرينسيبىن جانە ۇكىمەت پەن ساۋدانىڭ ەتەنە، كىرشىكسىز قاتىناسىن بايىمداعاندا، باس شۋجي شىن ىقىلاسپەن بىلاي دەدى: ”كىرشىكسىز جولداستىق قاتىناستى، قاعيدالى جوعارى مەن تومەن قاتىناسىن، ەتەنە مەن پاكتىك بىرلىككە كەلتىرىلگەن ۇكىمەت پەن ساۋدا قاتىناسىن قالىپتاستىرۋدى ىلگەرىلەتىپ، تاماشا ساياسي ەكولوگيا مەن قوعامدىق سالتتىڭ جەتەكشىسى، جاراتۋشىسى، قورعاۋشىسى بولۋىمىز كەرەك“.

ادام تاڭداۋ، ادام ىستەتۋ − جەل باعدارلاۋىش، ساياسي ەكولوگيانىڭ بەتالىسىنا تىكەلەي ىقپال جاسايدى، باس شۋجي: ”ادام ىستەتۋ ورتاسىنىڭ پاك ستيلى، دۇرىس سالتى ساياسي ەكولوگيانىڭ تاۋى جاسىل، سۋى تۇنىق بولۋىن جەبەيدى“ دەپ باسا دارىپتەدى.

ساياسي ەكولوگيانى نارلەندىرۋدىڭ قاجەتتى شارتىن اشىپ كورسەتكەن باس شۋجي تايازدان تەرەڭگە بويلاپ: ”پارتيا ىشىندەگى ساياسي تۇرمىس، ساياسي ەكولوگيا، ساياسي مادەنيەت ءبىرىن - ءبىرى تولىقتايدى، ساياسي مادەنيەت − ساياسي تۇرمىستىڭ جانى، ول ساياسي ەكولوگياعا بىلىنبەي ىقپال جاسايدى“ دەدى.

ۋىتتى تازالاۋمەن بىرگە رۋحاني ءناردى دە تولىقتاۋ كەرەك. باس شۋجي باتىل پوزيتسيامەن: ”قارىم - قاتىناسقا سۇيەنۋ، قارا قوعام قۇرۋ، ءمانساپ قۇمارلىق، ’كومەسكى ەرەجە‘ سياقتى تۇرپايى، شىرىك ساياسي مادەنيەتتى ايقىن تەجەپ جانە وعان قارسى تۇرىپ، تاماشا ساياسي ەكولوگيانىڭ توپىراعىن ۇزدىكسىز قۇنارلاندىرۋ كەرەك“ دەدى.

ساياسي ەكولوگيا مەن دامۋ ورتاسىنىڭ ديالەكتيكالىق بىرلىگىن يگەرۋ جونىندە باس شۋجي پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ 2 - جالپى ماجىلىسىندە بىلاي دەپ تەرەڭ اتاپ كورسەتتى: ”پارتيانىڭ وزىنە توڭكەرىس جاساۋى ارقىلى جاڭا سالتتى، دۇرىس سالتتى اسقاقتاتىپ، ەسكىلىكتى كىناراتتاردى تۇزەتىپ، تاماشا ساياسي ەكولوگيا قالىپتاستىرىپ، كادرلاردى جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرىپ، حالىق تىلەگىن، حالىق كۇشىن ۇيىستىرعاندا عانا، ەكونوميكالىق، قوعامدىق دامۋعا ۇزدىكسىز وڭ ەنەرگيا ۇستەۋگە بولادى“.

شي جينپيڭنىڭ پارتيا قۇرىلىسى يدەياسىنىڭ عىلمي جەتەكشىلىگىندە، ستيلى پاك، سالتى دۇرىس پارتيا ىشىندەگى ساياسي ەكولوگيا ۇزدىكسىز قالىپتاسىپ جانە دامىپ، عاسىرلىق ۇلى پارتيانىڭ وزىندىك توڭكەرىسىنىڭ جاڭا ءورىسى اشىلدى.

دۇرىس ناتيجە كوزقاراسىن ورناتىپ جانە امالياتتا ايگىلەپ، سانالى تۇردە تاماشا ساياسي ەكولوگيانىڭ پارمەندى جەبەۋشىسى بولۋ كەرەك.

ادامنىڭ ءبارى − ورتا، ادامنىڭ ءبارى − ەكولوگيا.

”ءبىر جەردىڭ پارتيا باسشىلىعى مەن پارتيا قۇرىلىسى دەڭگەيىنىڭ جوعارى - تومەندىگىنە قاراۋدىڭ ماڭىزدى ءبىر جاعى ساياسي ەكولوگيانىڭ جاقسى - جاماندىعىنا قاراۋ“. بىلتىر 3 - ايدا باس شۋجي شي جينپيڭ يۇنناندا قىزمەت تەكسەرگەندە ”ءوزىنىڭ ونەگەلى ارەكەتى ارقىلى ساياسي ەكولوگيانىڭ ۇزدىكسىز تازارۋىن ىلگەرىلەتۋدى“ قاداعالاي تاپسىردى.

دۇرىس ناتيجە كوزقاراسى مەن تاماشا ساياسي ەكولوگيا ءوزارا قابىسىپ، ”سانالى تۇردە تاماشا ساياسي ەكولوگيانىڭ پارمەندى جەبەۋشىسى بولۋعا“، دۇرىس ناتيجە كوزقاراسىن ورناتۋ جانە امالياتتا ايگىلەۋدەگى يدەيا سانالىلىعى مەن ارەكەت سانالىلىعىن كۇشەيتۋگە اناعۇرلىم جوعارى تالاپ قويادى.

حالىق مايدانىندا بەرىك تۇرۋ − ءارى ستيلى پاك، سالتى دۇرىس ساياسي ەكولوگيانى ساقتاۋدىڭ ءتۇبىرلى تالابى، ءارى دۇرىس ناتيجە كوزقاراسىن ورناتۋدىڭ جانە امالياتتا ايگىلەۋدىڭ قۇن ءتۇيىنى.

باس شۋجي شي جينپيڭ باستاماشىلدىقپەن ۇلگى كورسەتىپ، ءوزى جەتەكشىلىك ەتتى، بۇل ۇلگىلەردىڭ، قاھارمانداردىڭ، كادرلاردىڭ دۇرىس ناتيجە كوزقاراسىندا ناقتىلاندى. شانشيدىڭ يان - ان توڭكەرىستىك ەسكەرتكىش سارايىندا باس شۋجي كىدىرىپ، ەگجەي - تەگجەيلى وي جۇگىرتىپ، ”مىزعىماي بۇقارا جاقتا تۇرايىق“، ”ءمانساپتىلار ەمەس، حالىق قىزمەتكەرلەرى بولايىق“ دەدى؛ فۋجياننىڭ دۇڭشان اۋدانىنداعى گۋ ۋىنچاڭ ەسكەرتكىش سارايىندا باس شۋجي شىن ىقىلاسپەن بىلاي دەدى: ” ’ءمانساپتى بولعان كىسى ءوز قاراستىلعىنا باقىت جاراتۋى كەرەك‘، تەك وسى جولمەن جۇرگەندە عانا ادامدار اراسىنداعى دۇرىس جول بولادى“.

ستيلى پاك، سالتى دۇرىس ساياسي ەكولوگيانى ساقتاۋ − ۇزاق ۋاقىتتىق مىندەت. قاي - قاشان دا سەرگەك جانە تاباندى بولىپ، قاجىماي - تالماي، ۇزدىكسىز ىلگەرىلەتىپ، ۇزاق ۋاقىت ۇلەس قوسساق، ساياسي ەكولوگيانىڭ ”جاسىل تاۋ، تۇنىق سۋى“، ءسوز جوق، ماڭگى ساقتالاتىن بولادى.