ازىق - تۇلىك سۋىق تىزبەكتى زات اينالىمى كاسىبىنىڭ جالپى قاجەتسىنۋ مولشەرى 200 ميلليون تونناعا جەتتى

«حالىق گازەتى»، 8 - ايدىڭ 23 - كۇنى، بەيجيڭ (ءتىلشى ۋاڭ دۇڭحۇي). ءتىلشىنىڭ جۇڭگو زات اينالىمى جانە ساتىپ الۋ بىرلەستىگىنىڭ توڭازىتۋ تىزبەگى كاسىپتىك كوميتەتىنەن ۇعىسۋىنشا، بيىل الدىڭعى جارتى جىلدا ازىق - تۇلىك توڭازىتۋ تىزبەگى زات اينالىمى كاسىبىنىڭ جالپى قاجەتسىنۋ مولشەرى 200 ميلليون تونناعا جەتىپ، سايكەس مەزگىلدەگىدەن %4.7 ارتىپ، ارتۋ قارقىنى سايكەس مەزگىلدەگىدەن 0.3 پايىز تەزدەگەن؛ ازىق - تۇلىك سۋىق تىزبەكتى زات اينالىمىنا قىزمەت وتەيتىن كاسىپورىنداردىڭ جالپى كىرىسى 290 ميلليارد 180 ميلليون يۋان بولىپ، سايكەس مەزگىلدەگىدەن %3.7 ارتقان.

جاڭا ەنەرگيالى توڭازىتىپ ساقتاۋ اۆتوموبيلى جەدەل ءسىڭىپ، جاسىل تاسىمال قۋاتىنىڭ سالىستىرماسى تاعى دا تىڭ ورەگە كوتەرىلدى. مەجەگە قاراعاندا، الدىڭعى جارتى جىلدا توڭازىتىپ ساقتايتىن اۆتوموبيلدەردىڭ ساتىلۋ مولشەرى 42 مىڭ 111 بولىپ، سايكەس مەزگىلدەگىدەن %42.9 ارتقان؛ مۇنىڭ ىشىندە جاڭا ەنەرگيالى توڭازىتىپ ساقتايتىن اۆتوموبيلدەردىڭ ساتىلۋ مولشەرى 20 مىڭ 285 بولىپ، سايكەس مەزگىلدەگىدەن %92.3 ارتىپ، جوعارى قارقىنمەن ارتۋ جاعدايىن ساقتاعان. جاڭا ەنەرگيالى توڭازىتىپ ساقتايتىن اۆتوموبيلدەردىڭ ءسىڭۋ شاماسى %48.2 كە جەتىپ، سايكەس مەزگىلدەگىدەن 12.4 پايىز جوعارىلاعان. 2 - توقسانداعى جالاڭ ماۋسىمداعى ءسىڭۋ شاماسى %54.7 كە جەتىپ، جەدەل ءسىڭۋ جاعدايى جارىققا شىققان، جاڭا ەنەرگيالى توڭازىتىپ ساقتاۋ اۆتوموبيلدەرىنىڭ ءسىڭۋ شاماسى ماۋسىمدىق ولشەم جاعىندا تۇڭعىش رەت ءداستۇرلى جانار زات اۆتوموبيلدەرىنەن اسىپ، سۋىق تىزبەكتى تاسىمالدىڭ جاسىلدانۋ اياق الىسى جەدەل دامۋ كەزەڭىنە وتكەن.

ماكرولىق ەكونوميكانىڭ قايتا ورلەۋى جاقسارعان، زات اينالىمى اينالىسىنىڭ سەرپىمدىلىگى ارتقان جاعدايدا، دەمالىس كەزىندەگى تۇتىنۋدىڭ شوعىرلى بوساتىلۋى، جەلىدەگى تۇتىنۋدىڭ ۇزدىكسىز جاندانۋى جانە شەكارا اتتاعان سۋىق تىزبەكتى ساۋدانىڭ ورنىقتى ارتۋى سياقتى فاكتورلار قاباتتاسىپ، الدىڭعى جارتى جىلدا سۋىق تىزبەكتى زات اينالىمى ورنىقتى دامۋ جاعدايىن ساقتاپ، سۋىق تىزبەكتى تۇتىنۋ قاجەتى باياۋ جوعارىلاپ، جاسىل، تومەن كومىرتەكتى تيپكە بۇرىلىس جاساۋ جەدەل ىلگەرىلەتىلگەن.