دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىنىڭ جەتىستىكتەرىن بەكەمدەپ جانە كەڭەيتىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋعا قۇلشىنۋ كەرەك

شينحۋا اگەنتتىگى، 8 - ايدىڭ 24 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ماڭىزدى نۇسقاۋ بەرىپ بىلاي دەپ باسا دارىپتەدى: دۇرىس ناتيجە كوزقاراسىن ورناتۋ جانە امالياتتا ايگىلەۋ − ۇزاق ۋاقىتتىق مىندەت، ءسوز جوق، ۇزاق ۋاقىت ۇلەس قوسىپ، ۇيرەنۋ تاربيەسىنىڭ جەتىستىكتەرىن ۇزدىكسىز بەكەمدەپ، كەڭەيتىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ، كادرلاردىڭ جالپى ءۇشىن پارتيا قۇرۋىن، حالىقتى باقىتقا كەنەلتۋىن، عىلمي شەشىم جاساۋىن، شىنايى يگەرىپ، ناقتى ىستەۋىن ۇزدىكسىز ىلگەرىلەتىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجەلەردى قۇلشىنا جاراتۋ كەرەك.

شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى ءبىر مەزگىلدەگى پارتيا قۇرىلىسىنداعى ماڭىزدى ماسەلەلەرگە، كوكەي تەستى ماسەلەلەرگە قاراتا، بۇكىل پارتيادا ۇيرەنۋ تاربيەسى قيمىلىن ورىستەتۋگە ۇيىمداستىرۋ پارتيا قۇرىلىسىنىڭ ماڭىزدى تۇزىمدىك ورنالاستىرۋىنا اينالدى. وسى رەتكى دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى پارتيا ورتالىق كوميتەتىنىڭ پارمەندى باسشىلىعىندا، نازاريا ۇيرەنۋدى باستان - اياق ساباقتاستىرۋعا تاباندى بولىپ، ناتيجە كوزقاراسىنداعى اعاتتىقتاردى شىنايى تەكسەرىپ، شىنايى تۇزەتىپ، ناقتى، جارامدى ءتۇزىم - قاعيدا ورناتۋدى كوزدە ۇستاپ، قاتاڭ ستيل ارقىلى سوڭىنا دەيىن يگەرىپ، كورنەكتى ونىمدىلىككە قول جەتكىزىپ، مەجەلى ماقساتقا جەتتى.

شي جينپيڭ بىلاي دەپ باسا دارىپتەدى: ناتيجە كوزقاراسى تاربيەسىن ۇنەمى ورىستەتىپ، جەرگىلىكتى پارتيا، ۇكىمەت ورىندارىنىڭ ءبىرىنشى باسشىلارىن، جاڭادان وسىرىلگەن كادرلاردى، جاس كادرلاردى، شەشۋشى قىزمەت ورىندارىنداعى كادرلاردى تاربيەلەۋدى، باۋلۋدى ءتۇيىندى تۇردە ويداعىداي يگەرىپ، ۇلگى كورسەتىپ جەتەكتەۋدى جانە ۇنامسىز جاقتان ساقتاندىرۋدى كۇشەيتىپ، پارتيا مۇشەلەرىن، كادرلاردى باستان - اياق دۇرىس قىزمەت ناتيجەسى كوزقاراسىمەن جاۋاپكەرشىلىك ارقالاپ، ىسكەرلىك كورسەتۋگە، مىندەت اتقارىپ، جاۋاپكەرشىلىكتى ادا ەتۋگە جەتەكتەۋ كەرەك. ماسەلەنى ۇنەمىلىك تەكسەرىپ تۇزەتۋگە تاباندى بولىپ، ۇزاق ۋاقىت رەتتەۋ - تۇزەتۋگە ءتيىستى ناتيجە كوزقاراسىنداعى اعاتتىقتارعا قاداعالاي نازار اۋدارىپ، ونىمدىلىكتى وكشەلەي قۋزاپ، جاڭا ءمانساپتىلاردىڭ كونە ەسەپتى ەلەمەۋىن رەتتەۋ - تۇزەتۋدى تەرەڭدەتۋ كەرەك. شارلاۋ، شارلاپ تەكسەرۋ، قازىنالىق باقىلاۋ، ساناقتىق باقىلاۋ سياقتىلارمەن ۇشتاستىرىپ، ماسەلەلەردى دالمە - ءدال بايقاپ، باعىتتامالىلىقتى مەن ءوتۋ قابىلەتىن كۇشەيتىپ، رەتتەۋ - تۇزەتۋدى تىڭعىلىقتى ىلگەرىلەتۋ كەرەك. باعالاۋ قولباسشىلىق تاياعىنان ويداعىداي پايدالانىپ، پارىقتى باعالاۋ جۇيەسىن كەمەلدەندىرىپ، ادام تاڭداۋ، ادام ىستەتۋ بەتالىسىن ورناتىپ، جاۋاپكەرشىلىك ارقالاۋعا باتىل، ىسكەرلىك كورسەتۋگە شەبەر، ناقتى ناتيجەسى كورنەكتى كادرلاردى ماڭىزدى ورىنعا قويۋ كەرەك. ناتيجە كوزقاراسى ارەكەتىن باسقارۋدى، باقىلاۋدى كۇشەيتىپ، دەموكراتيالىق ورتالىقتاندىرۋ ءتۇزىمىن قاتاڭ اتقارىپ، باسشى كادرلارمەن مەرزىم سايىن اڭگىمەلەسىپ ەسكەرتۋ بەرىپ، بەلەڭ بەرگەن نىسايلىق ماسەلەلەردى دەر كەزىندە بايقاۋ ءارى تۇزەتۋ كەرەك.

ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى 8 - ايدىڭ 24 - كۇنى ءماجىلىس اشىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، دۇرىس ناتيجە كوزقاراسىن ۇيرەنۋ تاربيەسىن قورىتىندىلاپ جانە امالياتتا ايگىلەپ، ۇيرەنۋ تاربيەسىنىڭ جەتىستىكتەرىن بەكەمدەۋ، كەڭەيتۋ، دۇرىس ناتيجە كوزقاراسىن ورناتۋ جانە امالياتتا ايگىلەۋدىڭ باياندى مەحانيزمىن ورناتۋ قىزمەتىن اقىلداسىپ ورنالاستىردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ باستىعى ساي چي ءماجىلىستى باسقاردى ءارى ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەتتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى باستىعىنىڭ ورىنباسارى لي شي ماجىلىسكە قاتىناستى ءارى ءسوز سويلەدى.

ءماجىلىس بىلاي دەپ باسا دارىپتەدى: باس شۋجي شي جينپيڭنىڭ ماڭىزدى نۇسقاۋى ۇيرەنۋ تاربيەسى قىزمەتى مەن ناتيجەسىن تولىق تۇراقتاندىردى، ۇيرەنۋ تاربيەسى جەتىستىگىن بەكەمدەۋ، كەڭەيتۋ، دۇرىس ناتيجە كوزقاراسىن ورناتۋ جانە امالياتتا ايگىلەۋدىڭ باياندى مەحانيزمىن ورناتۋ جونىندە ايقىن تالاپتار قويدى، بۇكىل پارتيا مۇقيات ۇيرەنۋى، ءتۇسىنۋى، جاپپاي دايەكتىلەندىرۋى، تياناقتاندىرۋى كەرەك.

ءماجىلىس بىلاي دەپ اتاپ كورسەتتى: بۇل رەتكى ۇيرەنۋ تاربيەسى قازىر نەگىزىنەن اياقتادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى پارتيا ۇيىمدارى جاۋاپكەرشىلىكتى ارقالاپ، ۇيرەنۋدى، تەكسەرۋدى، تۇزەتۋدى ءبىر تۇتاس ىلگەرىلەتىپ، قالىڭ پارتيا مۇشەلەرىنىڭ، كادرلاردىڭ دۇرىس ناتيجە كوزقاراسى جونىندەگى تانىمى مەن تۇسىنىگىن تەرەڭدەتىپ، ءبىر توپ ناتيجە كوزقاراسى جاعىنداعى اۋىتقۋشىلىق، كورنەكتى ماسەلەلەردى ءونىمدى شەشىپ، پارتيالىلىق شىنىعۋدى شىنايى كۇشەيتىپ، ءار دارەجەلى باسشى كادرلاردىڭ اكىمشىلىك جۇرگىزۋ ارەكەتىن اناعۇرلىم ارناعا ءتۇسىرىپ، جەرگىلىكتى ءار دارەجەلى باسشىلىق القالارىنىڭ كەزەك اۋىستىرۋىنا تاماشا يدەيالىق، ساياسي نەگىز قالاپ، ”15 - بەسجىلدىق“ جوبانىڭ باستاماسىن پارمەندى تۇردە جەبەدى. بۇل رەتكى ۇيرەنۋ تاربيەسىندە تۋراشىلدىقتان جازباي، جاڭالىق اشۋعا، قاراپايىمداستىرىپ ناقتى ىستەۋگە تاباندى بولىپ، يدەيا ارقىلى جەتەكشىلىك ەتۋ، شىنايى تەكسەرىپ، ناقتى تۇزەتۋ، جوعارى ارقىلى تومەنگە جەتەكشىلىك ەتۋ، ۇستىنەن وڭاۋ مەن تۇبىرىنەن وڭاۋدى ۇشتاستىرۋ، ورتالىققا قىزمەت وتە سياقتى تاجىريبەلەردى بايىتىپ، پارتيا ىشىندەگى شوعىرلى تاربيەنىڭ زاڭدىلىق تانىمىن ونان ارى تەرەڭدەتتى.

ءماجىلىس بىلاي دەپ باسا دارىپتەدى: بۇل رەتكى ۇيرەنۋ تاربيەسى سوڭعى كومبە ەمەس، قايتا جاڭا باستاما. پارتيانىڭ جاسامپاز نازارياسىمەن قارۋلانۋدى قاجىماي - تالماي تاباندىلىقپەن كۇشەيتىپ، شي جينپيڭ پارتيا قۇرىلىسى يدەياسىن جانە باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ۇيرەنۋ تاربيەسى جەتىستىگىن بەكەمدەپ، كەڭەيتىپ، باياندى مەحانيزم ورناتۋ كەرەك. ناتيجە كوزقاراسى تاربيەسىن ۇزدىكسىز ىلگەرىلەتىپ، ناتيجە كوزقاراسىنداعى اۋىتقۋ ماسەلەسىن ۇنەمى تەكسەرىپ، تۇزەتىپ، ادام ىستەتۋدىڭ ناقتى ىسكەرلىككە، ناقتى ناتيجەگە ءمان بەرۋ بەتالىسىن ورناتىپ، پارتيا مۇشەلەرىنىڭ، كادرلاردىڭ دۇرىس ناتيجە كوزقاراسىن ورناتۋ جانە امالياتتا ايگىلەۋ يدەيا سانالىلىعى مەن ارەكەت سانالىلىعىن ۇزدىكسىز كۇشەيتۋىن ىلگەرىلەتۋ كەرەك. كۇندەلىكتى باسقارۋدى، باقىلاۋدى كۇشەيتىپ، ءوز بەتىمەن ۇقىق جۇرگىزۋدەن ساقتانىپ، تيپتەردى يگەرىپ، قازىر اتقارۋدى يگەرىپ، حابارلاندىرۋدى يگەرىپ، كۇشتى سەس كورسەتۋدى ساقتاۋ كەرەك. ساياسي جاۋاپكەرشىلىكتى ناقتىلاندىرىپ، ۇيرەنۋ تاربيەسىندەگى ”قايتا قاداعالاۋدى“ مىقتاپ يگەرىپ، قۋزاۋ - تەكسەرۋدى كۇشەيتىپ، ءونىمدى قىسىم ءتۇسىرىپ، تياناقتاندىرۋدى ساتىلار بويىنشا ىلگەرىلەتۋ كەرەك.

شى تايفىڭ، لي شۋلەي، مۋ حۇڭ ماجىلىسكە قاتىناستى.

ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ مۇشەلەرى ماجىلىسكە قاتىناستى.