شي جينپيڭ تەلەگرامما جولداپ، الامگيردىڭ بانگلادەشتىڭ زۇڭتۇڭى بولىپ تاعايىندالعاندىعىن قۇتتىقتادى

شينحۋا اگەنتتىگى، 8 - ايدىڭ 24 - كۇنى، بەيجيڭ. 8 - ايدىڭ 24 - كۇنى مەملەكەت ءتوراعاسى شي جينپيڭ الامگيرگە تەلەگرامما جولداپ، ونىڭ بانگلادەش حالىق رەسپۋبليكاسىنىڭ زۇڭتۇڭى بولىپ تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن بانگلادەش − ءداستۇرلى دوس كورشىلەر. ديپلوماتيالىق قاتىناس ورناتقان 51 جىلدان بەرى ەكى ەل باستان - اياق ءبىر - بىرىنە قۇرمەت ەتىپ، تەڭ تۇرعىدا مامىلە جاسادى، ەكى جاق ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ءبىرىن - ءبىرى قولداپ، ءوز - ءوزىنىڭ وسىزاماندانۋ جولىن جۇزەگە اسىرۋ جاعىندا قول ۇستاسا بىرگە ىلگەرىلەدى، ەكى ەل قاتىناسى حالىقارالىق الماعايىپ وزگەرىستەردىڭ سىنىنان سۇرىنبەي ءوتتى. مەن جۇڭگو - بانگلادەش قاتىناسىنىڭ دامۋىنا ايرىقشا ءمان بەرەمىن، الامگير زۇڭتۇڭمەن بىرگە قۇلشىنىپ، ءداستۇرلى دوستىقتى ۇزبەي جالعاستىرىپ، ستراتەگيالىق بايلانىستى كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتىپ، ءتۇرلى سالاداعى اۋىس - كۇيىستى، سەلبەستىكتى تەرەڭدەتىپ، جاڭا داۋىردەگى جۇڭگو - بانگلادەش تاعدىرلاس ورتاق تۇلعاسى قۇرىلىسىنىڭ ۇزدىكسىز تەرەڭدەۋىنە، ناقتىلانۋىنا جەتەكشىلىك ەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.