14 - كەزەكتى مەملەكەتتىك حالىق قۇرىلتايى تۇراقتى كوميتەتى 72 - رەتكى كوميتەت باستىقتارى ءماجىلىسىن وتكىزدى

«حالىق گازەتى»، 8 - ايدىڭ 27 - كۇنى، بەيجيڭ (ءتىلشى پىڭ بو). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 72 - رەتكى كوميتەت باستىقتارى ءماجىلىسى 8 - ايدىڭ 27 - كۇنى تۇستەن كەيىن بەيجيڭدەگى حالىق سارايىندا وتكىزىلدى. كوميتەت باستىعى جاۋ لىجي باسقاردى.

ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى شين چۇنيىڭ جاساعان ەمدەلۋدى قامتاماسىزداندىرۋ زاڭى جوباسىنا وزگەرىس ەنگىزۋ پىكىرى جونىندەگى مالىمەتتى، ەگىستىك جەردى قورعاۋ جانە ساپالىلاندىرۋ زاڭى جوباسىنا وزگەرىس ەنگىزۋ پىكىرى جونىندەگى مالىمەتتى، اۋىل شارۋاشىلىق زاڭى جوباسىنا وزگەرىس ەنگىزۋ پىكىرى جونىندەگى مالىمەتتى، مەملەكەت قورعانىسىنا اتتانىسقا كەلتىرۋ زاڭى جوباسىنا وزگەرىس ەنگىزۋ پىكىرى جونىندەگى مالىمەتتى، ادۆوكاتتار زاڭىنا وزگەرىس ەنگىزۋ جونىندەگى قاۋلى جوباسىنا وزگەرىس ەنگىزۋ پىكىرى جونىندەگى مالىمەتتى تىڭدادى، قاتىستى جوبالاردىڭ وزگەرىس ەنگىزىلگەن نۇسقاسىن قارادى.

ءماجىلىس مەملەكەتتىك حالىق قۇرىلتايى سىرتقى ىستەر كوميتەتىنىڭ مەڭگەرۋشى مۇشەسى لوۋ چينجيان جاساعان «جۇڭحۋا حالىق رەسپۋبليكاسى مەن ۆەنگريانىڭ وتكىزىپ بەرۋ شارتىن» قاراۋ جاعدايى جونىندەگى مالىمەتتى تىڭدادى، شارتتى بەكىتۋ جونىندەگى قاۋلى جوباسىنىڭ وكىلەتتى نۇسقاسىن قارادى.

ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ليۋ چي جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداما جانە مىندەتكە تاعايىنداۋ، مىندەتىنەن قالدىرۋ جوباسىن قاراۋ احۋالى جونىندەگى مالىمەت سياقتىلاردى تىڭدادى.

كوميتەت باسشىلارى ماجىلىسىندە جوعارىداعى جوبالاردىڭ وزگەرىس ەنگىزىلگەن نۇسقاسى سياقتىلاردى تۇراقتى كوميتەت ءماجىلىسىنىڭ قاراۋىنا ۇسىنۋ ۇيعارىلدى.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر ماجىلىسكە قاتىناستى.