ەڭ جوعارى شەكتە قۇتقارۋ ىرىقتىلىعىنا قول جەتكىزۋ ءۇشىن قۇلشىنۋدا

8 - ايدىڭ 26 - كۇنى شيزاڭنىڭ رىكازى قالاسى جيلۇڭ اۋدانى لاي تاسقىنى اپاتىنا ۇشىرادى. اپات تۋىلعاننان كەيىن باس شۋجي شي جينپيڭ ايرىقشا ءمان بەردى ءارى ماڭىزدى نۇسقاۋ بەردى. قاتىستى تاراۋلار مەن رايوندار باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، قاتەردەن اراشالاۋ، اپاتتان قۇتقارۋ قىزمەتىن جەدەل ورىستەتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قورعادى.

شۇعىل جاعدايعا توتەپ بەرۋدى باسقارۋ مينيسترلىگى شۇعىل جاعدايعا توتەپ بەرۋ، قۇتقارۋ كۇشتەرىن شيزاڭعا بارىپ قاتەردەن اراشالاۋ، قۇتقارۋعا اتتاندىردى. 8 - ايدىڭ 27 - كۇنى ساعات 8 مولشەرىندە ءبىرىنشى توپتاعى قۇتقارۋ كۇشتەرىنەن 141 ادام جيلۇڭ وتكەلىنە جەتتى.

مەملەكەتتىڭ ءورت ءسوندىرۋ، ورتتەن ساقتانۋ جالپىلىق قۇتقارۋ - كومەكتەسۋ قوسىنى 681 ادامدى، 113 اۆتوكولىكتى، 13 ءيتتى، 47 دروندى ناق مايدانعا جىبەردى. 8 - ايدىڭ 27 - كۇنى ساعات 16 عا دەيىن، قۇتقارۋ كۇشتەرى تۇگەلدەي جيلۇڭ قالاشىعىنا جەتتى، ناق مايدان قولباسشىلىق شتابىنىڭ ورنالاستىرۋى بويىنشا، شيزاڭ ءورت ءسوندىرۋ، ورتتەن ساقتانۋ قۇتقارۋ - كومەكتەسۋ باس اترەتى 108 ادام شىعارىپ، شەكارا وتكەلىنەن 5 كيلومەتر قاشىقتىقتا دروننان پايدالانىپ، 6 وڭىرگە ءبولىپ وزەكتى رايونداردى ولشەپ - بارلادى. سونىمەن بىرگە 2 گرۋپپا، 17 ادامدىق الدىڭعى شەپ قوسىنى جيلۇڭ شەكارا وتكەلىنە شەرۋ تارتتى. قۇتقارۋشىلار ناق مايدانداعى كەسكىن مەن ساندى مالىمەت ماتەريالدارىن دەر كەزىندە جيناۋ، جەتكىزۋ ارقىلى ءبىر جاعىنان ىلگەرىلەپ، ءبىر جاعىنان بارلاپ، ءبىر جاعىنان ءبىر جاقتى ەتىپ، ەڭ جوعارى شەكتە قۇتقارۋ ىرىقتىلىعىنا قول جەتكىزۋ ءۇشىن قۇلشىندى.

8 - ايدىڭ 27 - كۇنى ساعات 20 دا شيزاڭ شەكارالىق تەكسەرۋ باس پۋنكتى قۇتقارۋ كۇشتەرىن جىبەرىپ، جيلۇڭ وتكەلىنەن 14 كيلومەتر قاشىقتىقتاعى قىستاق بۇقارالارىنىڭ ىركەس - تىركەس شەگىنۋىنە شۇعىل كومەكتەستى، جيلۇڭ قالاشىعى لاۋجياڭ قىستاعىنداعى 42 قىستاق تۇرعىنىن جيلۇڭ قالاشىعىنا جەتكىزدى، سالى اۋىلى گوبا قىستاعىنداعى 180 قىستاق تۇرعىنىن، سىيچيۇڭ قىستاعىنداعى 105 قىستاق تۇرعىنىن، لابي قىستاعىنداعى 161 قىستاق تۇرعىنىن، جالپى 446 ادامدى سالى اۋىلى سالى قىستاعىنا كوشىرىپ ورنالاستىردى.

8 - ايدىڭ 27 - كۇنى ساعات 17 گە دەيىن شيزاڭنىڭ قوعام حاۋىپسىزدىگى ورگاندارى رايون، قالا، اۋدان 3 دارەجەلى قوعام حاۋىپسىزدىگى ورگاندارىنان 299 ساقشى كۇشىن ناق مايدانعا جىبەردى. جيلۇڭ اۋداندىق قوعام حاۋىپسىزدىگى مەكەمەسى مەن جيلۇڭ شەكارا وتكەلى بولىمشە مەكەمەسىندەگى 28 قوعام حاۋىپسىزدىگى حالىق ساقشىسى اۋىر اپاتقا ۇشىراعان مەملەكەت قاقپاسى وڭىرىنە بارىپ، دەرەكسىز كەتكەندەردى بار كۇشپەن ىزدەدى.

شيزاڭنىڭ قاتىناس - تاسىمال تاراۋلارى جيلۇڭ وتكەلىنە باراتىن G216 لەنياسىنداعى اپاتقا ۇشىراعان جول بولەكتەرىندە تۇنبالاردى تازالاۋ، تۇتاستىرۋ جۇمىسىن ورىستەتتى. 8 - ايدىڭ 27 - كۇنى ساعات 18 گە دەيىن بۇلىنگەن جول بولەكتەرىنەن 800 مەتر اينالاسىندا تۇتاستىرىلدى.

ونەركاسىپ جانە ينفورماتسيالاندىرۋ مينيسترلىگى شيزاڭ اۆتونوميالى رايوندىق حابارلاسۋدى باسقارۋ مەكەمەسىنىڭ 1 - دارەجەلى شۇعىل جاعدايعا توتەپ بەرۋ ۇندەۋىن باستاۋىنا جەتەكشىلىك ەتىپ، شۇعىل جاعدايعا توتەپ بەرۋ كۇشتەرىن اپات تۋىلعان رايونعا بارۋعا ۇيىمداستىردى. تەلەگراف كاسىپورىندارى شۇعىل جاعدايعا توتەپ بەرۋ بۇيىمدارىن شۇعىل ورنالاستىرىپ، قاتەردەن اراشالاپ، اپاتتان قۇتقاردى.

8 - ايدىڭ 27 - كۇنى تۇستەن بۇرىن جيلۇڭ اۋدانىنىڭ اپاتتان قۇتقارۋىنا كومەككە كەلگەن يۇن − 20 اسكەري تاسىمال ۇشاعى بەلگىلى ءۇستىرت اۋەجايىنا جەتىپ، باتىس بولەك سوعىس رايونىنىڭ جەتەكشىلىك ەتۋ گرۋپپاسى دەرەۋ اپاتتان قۇتقارۋ ناق مايدانىنا بارىپ، بىرلەسىپ قۇتقارۋعا كىرىستى.

ءتىلشىنىڭ جۇڭگو اۆياتسيا ونەركاسىپ توبىنان ۇعىسۋىنشا، 8 - ايدىڭ 26 - كۇنى شۇعىل جاعدايعا توتەپ بەرۋدى باسقارۋ مينيسترلىگىنىڭ جىبەرۋىندە سىچۋاننىڭ زىگۇڭ قالاسى مەن شيزاڭنىڭ رىكازى قالاسىندا تۇراتىن 2 ي - لۇڭ درونى اپات تۋىلعان رايونعا كومەك بەرىپ، بارلاۋ جانە شۇعىل جاعدايعا توتەپ بەرۋ، حابارلاسۋدى قامتاماسىزداندىرۋ مىندەتىن كۇش سالا اتقاردى.

8 - ايدىڭ 27 - كۇنى ساعات 6 دان 14 مينۋت وتكەندە مەملەكەتتىك اۆياتسيا سەرىكتەستىگىنىڭ CA071 كەزەكشى ۇشاعى سىچۋاننىڭ چىڭدۋ شۋاڭليۋ حالىقارالىق اۋەجايىنان ۇشىپ، ساعات 8 دەن 25 مينۋت وتكەندە رىكازى اۋەجايىنا قونىپ، تۇڭعىش شۇعىل جاعدايعا توتەپ بەرۋ، قۇتقارۋ مىندەتىن ورىندادى. ۇشاق 122 ادامدى وتىرعىزىپ، جيىنى 3494 كيلوگرام اپاتتان قۇتقارۋ بۇيىمدارى مەن جۇكتەرىن (4 ءيتتى قامتيدى) جەتكىزدى.

مەملەكەتتىك دەنساۋلىق ساقتاۋ، سالاماتتىق كوميتەتى شيزاڭ اۆتونوميالى رايونىمەن بىرگە ەمدەۋ، دەنساۋلىق ساقتاۋ بايلىعىن ءبىر تۇتاس ورنالاستىرىپ، شيزاڭ اۆتونوميالى رايوندىق حالىق شيپاحاناسىنىڭ، اۆتونوميالى رايوندىق اۋرۋدى تىزگىندەۋ ورتالىعىنىڭ كاسىپتىك تەحنيكتەرىن شۇعىل قۇتقارۋ بۇيىمدارىن، زارارسىزداندىرۋ ءدارى - دارمەكتەرىن جانە كاسىپتىك اۆتوكولىكتەردى اپات تۋىلعان رايونعا كومەككە جىبەردى؛ جيلۇڭ اۋدانىنداعى، سونداي - اق كورشىلەس ساگا اۋدانىنداعى، نيەلام اۋدانىنداعى، ديڭرى اۋدانىنداعى قۇتقارۋ اۆتوموبيلدەرىن، ەمدەۋ - كۇتىمدەۋ جانە پسيحولوگيا قىزمەتكەرلەرىن اپات تۋىلعان رايونعا شۇعىل جىبەردى. شيزاڭ اۆتونوميالى رايونى پسيحولوگيالىق كومەك بەرۋ ارناۋلى لەنياسىن اشىپ، 24 ساعات كەزەكشىلىك ىستەدى.

سۋ يگىلىگى مينيسترلىگى 8 - ايدىڭ 27 - كۇنى ساعات 13 تە شيزاڭعا قاراتا تاسقىن اپاتىنان ساقتانۋدىڭ 4 - دارەجەلى شۇعىل جاعدايعا توتەپ بەرۋ ۇندەۋىن باستادى. سۋ يگىلىگى مينيسترلىگى ماماندار گرۋپپاسىن جيلۇڭ اۋدانىنا جىبەرىپ، بوگەت كولدىڭ قاتەرلى جاعدايىن شۇعىل ءبىر جاقتى ەتۋ قىزمەتىنە جەتەكشىلىك ەتىپ، جىبەرگەن سۋ رايىن شۇعىل باقىلاۋ - تەكسەرۋ اترەتىن سايكەستىرىپ، ناق مايداندا تىعىز باقىلاۋ - تەكسەرۋ جۇرگىزدى.

فينانس ارقىلى اپاتتان قۇتقارۋ جانە اپاتتان كەيىنگى قايتا قۇرۋ قىزمەتىن ويداعىداي ىستەۋ ءۇشىن جۇڭگو حالىق بانكەسى شيزاڭ اۆتونوميالى رايوندىق بولىمشە بانكەسىنىڭ اۋىل شارۋاشىلىعىنا، شاعىن كاسىپورىندارعا قايتالاي قارىز اقشا بەرۋ مولشەرىن 5 ميلليارد يۋان ارتتىرىپ، فينانس قۇرىلىمدارىن اپاتقا ۇشىراعان رايوندارداعى تيجارات تۇلعالارىنا امانات - قارىز بەرۋ تەبىنىن ارتتىرۋعا جەتەكتەدى جانە شابىتتاندىردى.

جۇڭگو قىزىل كرەست باس قوعامى 8 - ايدىڭ 26 - كۇنى كەشتە قىزمەت گرۋپپاسىن اپات رايونىنا اپاتتان قۇتقارۋ قىزمەتىن ورىستەتۋگە جىبەردى ءارى اپات رايونىنا شاتىر، مەديتسينالىق بۇيىمدارى قالتاسى، كورپە، بۇكتەمەلى توسەك، اتوي كيىمى سياقتى اپاتتان قۇتقارۋ بۇيىمدارىنان 2500 پارشاسىن شۇعىل اجىراتتى، جۇڭگو قىزىل كرەست قوعامى 5500 جاشىك مينەرال سۋ، دايار كەسپە، شۇجىق، ءسۇت ۇسىندى.

ورتالىق اۋا رايى ستانسياسىنىڭ مەجەلەۋىنشە، جيلۇڭ اۋدانى جيلۇڭ شەكارا وتكەلىندە 8 - ايدىڭ 27 - ءتۇنى كۇن بۇلتتى بولىپ، جاڭبىر جاۋادى، ءىشىنارا ۋاقىتتاردا ورتاشا جاڭبىر جاۋادى، 8 - ايدىڭ 28 - كۇنى كۇن بۇلتتى بولىپ، جاڭبىر جاۋادى، ءىشىنارا ۋاقىتتاردا ورتاشا جاڭبىر جاۋادى؛ 8 - ايدىڭ 29 - كۇنى ورتا، ءىشىنارا ۋاقىتتاردا ورتاشا، قالىڭ جاڭبىر جاۋىپ، جاۋىن - شاشىن كۇشەيەدى ەكەن. اۋا رايى ماماندارى ەكىنشى رەتكى لاي تاسقىنى مەن جەر كوشكىنى سياقتى اپاتتاردان ساقتانۋعا كوڭىل ءبولۋدى ەسكەرتتى. جۇڭگو اۋا رايى مەكەمەسى جيلۇڭ اۋدانىنىڭ لاي تاسقىنى اپاتىنا شۇعىل توتەپ بەرۋگە كەپىلدىك ەتۋ اۋا رايىنا قىزمەت وتەۋ ارناۋلى توبىن قۇرىپ، قۇتقارۋ قىزمەتىنە اۋا رايى جاعىنان قامتاماسىزداندىرۋ قىزمەت وتەۋىمەن جانە تەحنيكالىق تىرەكپەن قامدادى.

(«حالىق گازەتىنىڭ» تىلشىلەرى چيۇڭدا جوگا، ليۋ ۋىنۋىن، شىن تۇڭرۇي، شۇي چىنياۋ، چي يۇيكۇن، جاڭ تيانپەي، جين جىڭبو، چيۋ چاۋ - ي، باي جيانفىڭ، ۋاڭ حاۋ، دىڭ جيانياڭ، ۋ چيۋيۇي، شىن شاۋتيە، لي حۇڭمەي، جياڭ شۋەحۇڭ حابارلايدى، دىڭ دۇڭجى جازۋعا قاتىناستى)