جاۋ شينتۇڭ دۇنيە ءجۇزى بويىنشا ءبىرىنشى ورىندى يەلەدى

سنۋكەردەن 2026 - جىلعى ۋحان اشىق جارىسىندا 8 - ايدىڭ 27 - كۇنى جارتىلاي شەشۋشى جارىسقا ءوتۋ باسەكەسى باستالدى، جۇڭگولىق جاۋ شينتۇڭ، شياۋ گودۇڭ، چاڭ بيڭيۇي سىندى 3 سپورتشى وزدەرىنىڭ قارسىلاستارىن جەڭىپ، ءتورت مىقتىنىڭ قاتارىنا ەندى.

جارىستا جاۋ شينتۇڭ 5:1 ەسەبىمەن اۆستراليا سپورتشىسى روبەرتسوندى جەڭىپ، ءتورت مىقتىنىڭ قاتارىنا ەنۋمەن بىرگە، سول ۋاقىتتاعى قاتارى دۇنيە ءجۇزى بويىنشا ءبىرىنشى ورىنعا كوتەرىلدى. ول ديڭ جۇنحۇيدان كەيىن دۇنيە ءجۇزى بويىنشا 1 – ورىنعا شىققان جۇڭگولىق سنۋكەرشى بولدى. بۇل جارىستا جاۋ شينتۇڭ ەكى رەت ءبىر كەزەكتە 100 دەن استام ءنومىر الدى جانە ەكى رەت ءبىر كەزەكتە 50 دەن استام ءنومىر الدى. ول جارتىلاي شەشۋشى جارىستا شياۋ گودۇڭمەن كەزدەسەدى. شياۋ گودۇڭ ءتورت مىقتىنىڭ قاتارىنا كىرەتىن جارىسىندا 5:3 ەسەبىمەن ۆەلستىك ساڭلاق سپورتشى ۋيليامستى جەڭدى.

جۇڭگولىق جاس سپورتشى چاڭ بيڭيۇي تۇستەن كەيىنگى جارىستا 5:1 ەسەبىمەن انگليا سپورتشى ترۋمپتى جەڭدى. بۇكىل جارىستا، چاڭ بيڭيۇي ءبىر رەت ءبىر كەزەكتە 132 ءنومىر جانە ءۇش رەت ءبىر كەزەكتە 50 دەن استام ءنومىر الدى. چاڭ بيڭيۇي جارتىلاي شەشۋشى جارىستا انگليالىق ايگىلى سپورشى وسساليۆانمەن باسەكەلەسەدى.

كەلۋ قاينارى: حالىق تورابى