كوپ جەر زاڭ شىعارىپ وقۋشىلاردىڭ قولفون الىپ مەكتەپكە كىرۋىنە تيىم سالدى

كوڭىل بولىڭدەر! ەلىمىزدىڭ كوپ جەرى وقۋشىلاردىڭ قولفون الىپ مەكتەپكە كىرۋىنە تيىم سالدى. بۇل مەكتەپ ەرەجەسى ەمەس، قايتا زاڭدىق ەرەجە.

2026 – جىلى 9 – ايدىڭ 1 – كۇنىنەن باستاپ «چۇڭچيڭ قالاسىنىڭ ازامات جاسىنا تولماعانداردىڭ قىلمىس وتكىزۋىنەن ساقتانۋ ەرەجەسى» رەسمي اتقارىلادى، مۇنىڭ ىشىندە مەكتەپ وقۋشىلاردىڭ قولفون سياقتى زەردەلى تەرمينال ونىمدەرىن مەكتەپكە الىپ كىرۋىنە نەمەسە مەكتەپ اۋلاسىندا پايدالانۋىنا تيىم سالىپ، وقۋشىلاردىڭ مەكتەپ اۋلاسىندا توراپتان پايدالانۋ ارەكەتىن قاتاڭ تىزگىندەيدى.

تەك چۇڭچيڭ عانا ەمەس، فۋجيان قاتارلى جەرلەر وقۋشىلاردىڭ قولفون الىپ مەكتەپكە كىرۋىنە تيىم سالدى. 2022 – جىلى فۋجيان ولكەسى وقۋشىلاردىڭ قولفون (تەلەفون قول ساعاتىن دا قامتيدى) الىپ ساباقحاناعا كىرۋىنە تيىم سالۋ جونىندە زاڭ شىعاردى. 2024 - جىلى گۋاڭجوۋ ەرەجە شىعارىپ، ورتا، باستاۋىش مەكتەپ وقۋشىلارىنىڭ قولفون الىپ مەكتەپكە كىرۋىنە تيىم سالدى.

2024 – جىلى، حىنان ولكەسىنىڭ جىڭجوۋ قالاسى دا ورتا، باستاۋىش مەكتەپ وقۋشىلارىنىڭ قولفون سياقتى زەردەلى تەرمينال ونىمدەرىن مەكتەپكە الىپ كىرۋىنە قاتاڭ شەك قويۋ جونىندە قاۋلى شىعاردى.

بۇدان سىرت، مەملەكەت دەڭگەيىندە وقۋ - اعارتۋ مينيسترلىگى 2021 - جىلى ۇقتىرۋ باسىپ تاراتتى، پرينسيپتىك جاقتان ورتا، باستاۋىش مەكتەپ وقۋشىلارىنىڭ جەكە قولفوندى مەكتەپ اۋلاسىنا الىپ كىرۋىنە بولمايدى، ونىڭ ۇستىنە مەكتەپتىڭ قولفوننان پايدالانىپ تاپسىرما ورنالاستىرۋىنا نەمەسە وقۋشىلاردان قولفوننان پايدالانىپ تاپسىرمانى ورىنداۋدى تالاپ ەتۋىنە بولمايدى. 2025 – جىلى وقۋ – اعارتۋ مينيسترلىگى تاعى دا شارا بەلگىلەدى، مۇندا ”قولفون سياقتى ەلەكتروندىق ونىمدەردى ساباقحاناعا الىپ كىرۋگە قاتاڭ تيىم سالۋ“ ورتاعا قويىلىپ، وقۋشىلار مەن اتا – انالاردى ”ەكراندى ءوشىرۋ ارەكەتىن“ بىرگە ورىستەتۋگە شابىتتاندىردى.

ارينە، ءسوز جوق، زاڭ شىعارۋ كەرەك پە، جوق پا، جەر - جەر جەرگىلىكتى جاعدايعا قاراي ىستەپ، بايىپتىلىقپەن وي جۇگىرتۋى كەرەك، ءبىراق ءتۇرلى ءادىس - امالدارمەن زەردەلى قولفوندى ساباقحانادان اۋلاق ەتۋ جەر – جەردىڭ، ءار جاقتىڭ كەڭ كولەمدى ورتاق تانىمى بولۋعا ءتيىس.

كەلۋ قاينارى: حالىق تورابى