مەملەكەتتىك از ۇلتتار بالعاشىق دوپ جارىسى اياقتالدى 

حالىق گازەتىنىڭ 8 - ايدىڭ 30 - كۇنى لانجوۋدان بەرگەن حابارى (ءتىلشى زىڭ يچىن) 8 - ايدىڭ 29 - كۇنى، ەكى كۇنگە جالعاسقان 2026 - جىلعى مەملەكەتتىك از ۇلتتار بالعاشىق دوپ جارىسى گانسۋ ولكەسى سۋبەي موڭعۇل اۆتونوميالى اۋدانىندا اياقتالدى. ىشكى موڭعۇل، انحۇي، جياڭشي، سىچۋان، شياڭگاڭ قاتارلى جەرلەردەن كەلىپ جارىسقا قاتىناسقان 32 كوماندا دوپ ويناۋ ارقىلى دوستىق ورناتىپ، دوپ ويناۋ شەبەرلىگىن ۇيرەنىپ، از ۇلتتاردىڭ ءداستۇرلى دەنە تاربيەسىنىڭ ومىرشەڭدىگىن ايگىلەدى.

مۇنان سىرت، ”دەنە تاربيە جارىسى + مادەنيەت ساياحاتى“ ۇلگىسىندەگى جارىس وتكىزۋ فورماسى سىندى جاڭالىق اشىپ، ەرەكشەلىككە يە مادەنيەت ساياحاتىن باستان كەشىرۋ قيمىلىن قوسا ورىستەتىپ، جارىسقا قاتىناسقان سپورتشىلاردىڭ باتىس - سولتۇستىكتەگى قۇبا ءتۇز بەن ساحارانىڭ اسەم تابيعاتىن تاماشالاۋىنا جانە از ۇلتتاردىڭ سالت - ساناسىن تەرەڭ سەزىنۋىنە مۇمكىندىك جاسادى.

بۇل رەتكى جارىستى مەملەكەتتىك دەنە تاربيە باس مەڭگەرمەسى قوعامدىق دەنە تاربيەگە جەتەكشىلىك ەتۋ ورتالىعى مەن جۇڭگو بالعاشىق دوپ قوعامى ۇيىمداستىردى، گانسۋ ولكەسى قوعامدىق دەنە تاربيەنى باسقارۋ ورتالىعى، جيۋچۋان قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى، سۋبەي موڭعۇل اۆتونوميالى اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى، سۋبەي موڭعۇل اۆتونوميالى اۋداندىق دەنە تاربيە ورتالىعى بىرلەسىپ وتكىزدى.

كەلۋ قاينارى: حالىق تورابى