سۋ يگىلىگى مينيسترلىگى تاسقىننان ساقتانۋدىڭ كوك ءتۇستى ساقتىق سيگنالىن جاريالادى

الدىن الا مالىمەتكە قاراعاندا، 9 – ايدىڭ 1 – كۇنىنەن 5 – كۇنىنە دەيىن 18 - ءنومىرلى تايفىڭ داۋىلى ”ساۋدەل“ قالدىق اينالما اعىسى، نانحاي تەڭىزىنىڭ ىستىق بەلدەۋلىك تومەن ماندىك جۇيەسى جانە سۋىق اعىستىڭ ورتاق ىقپالىنان وڭتۇستىك جۇڭگونىڭ شىعىس بولەگى، چاڭجياڭنىڭ وڭتۇستىگىنىڭ شىعىس بولەگى مەن وڭتۇستىك بولەگى، چاڭجياڭ، حۋايحى وزەنىنىڭ شىعىس بولەگى، حۋاڭحاي تەڭىزىنىڭ شىعىس وڭتۇستىك بولەگى قاتارلى جەرلەردە ءبىر رەت كۇشتى جاۋىن – شاشىن بولادى، مۇندا نەگىزىنەن نوسەر جاۋادى، جۇيەدەن گۋاڭدۇڭنىڭ شىعىس بولەگى، فۋجياننىڭ شىعىس بولەگى مەن وڭتۇستىك بولەگى، جىجياڭنىڭ وڭتۇستىك تەڭىز جاعالاۋى قاتارلى جەرلەردىڭ ءىشىنارا رايوندارىندا نوسەر جاۋادى؛ گۋاڭدۇڭنىڭ دۇڭجياڭ، حانجياڭ، فۋجياننىڭ مينجياڭ، جيۋلۇڭجياڭ، جىجياڭنىڭ چيانتاڭجياڭ، ساۋىجياڭ، جياۋجياڭ، ۋجياڭ، جياڭشيدىڭ گانجياڭ وزەنىنىڭ جوعارعى اعارى، حۋناننىڭ شياڭجياڭ وزەنىنىڭ جوعارعى اعارى، جياڭسۋدىڭ ليشياحى رايونىنداعى وزەن تورابى قاتارلى وزەندەردە سۋ كورنەكتى مولشەردە تاسيدى، نوسەرلى جاڭبىر رايونىنداعى ءىشىنارا ورتا، شاعىن وزەندەردە ساقتىق سىزىعىنان اساتىن تاسقىن اپاتى تۋىلۋى مۇمكىن؛ گۋاڭشيدىڭ يۇيجياڭ، يڭنيڭ، گۇيگاڭ وزەنى بولەگى، تايحۋ، حيلۇڭجياڭ نەگىزگى اعارىنىڭ دۇڭجي وزەن بولەگى جانە ۋسۋليجياڭ نەگىزگى اعارىنىڭ حايچيڭنان تومەنگى وزەن بولەگى ءالى دە ساقتىق كۇيىندە تۇر.

سۋ يگىلىگى مينيسترلىگىنىڭ ينفورماتسيا ورتالىعى 8 – ايدىڭ 31 - كۇنى تاسقىننان ساقتانۋدىڭ كوك ءتۇستى ساقتىق سيگنالىن جاريالاپ، گۋاڭدۇڭ، گۋاڭشي، فۋجيان، جىجياڭ، شاڭحاي، جياڭسۋ، انحۇي، جياڭشي، حۋنان، حيلۇڭجياڭ قاتارلى ولكەلەردىڭ (اۆتونوميالى رايون، توتە قاراستى قالا) قاتىستى رايوندارىنداعى قوعامدىق قاۋىمعا ساقتانۋعا كوڭىل ءبولۋدى ەسكەرتتى. سۋ جاعدايىنان ساقتاندىرۋ ينفورماتسياسىنا ۇزدىكسىز نازار اۋدارىپ، نوسەرلى جاڭبىردا سىرتقا شىعۋدى مۇمكىندىكتىڭ بارىنشا ازايتىپ، سۋ جينالعان جول بولەكتەرى، جەر استى ارنالارى، تاۋ قويناۋىنداعى شاتقالدار قاتارلى قاتەرلى وڭىرلەردەن اۋلاق بولۋدى؛ اۆتوكولىكپەن جۇرگەندە ابايلاپ، كوپىرلەر مەن سۋ جينالعان ويپاڭ جەرلەردى ىرىقتىلىقپەن اينالىپ ءوتۋدى، سۋدان كۇشپەن وتپەۋدى؛ تاۋلى وڭىرلەر مەن وزەن - كول جاعالاۋلارىندا تۇراتىن بۇقارانىڭ ويپاڭ جەرلەردەن اۋلاق بولىپ، حاۋىپ - قاتەردەن ساقتانۋعا قاتىستى دايىندىقتاردى الدىن الا جاقسى ىستەۋدى ەسكەرتتى.

كەلۋ قاينارى: حالىق تورابى