شي جينپيڭ شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 26 - رەتكى ماجىلىسىنە قاتىناستى ءارى ماڭىزدى ءسوز سويلەدى

سول جەر ۋاقىتى 9 - ايدىڭ 1 - كۇنى تۇستەن بۇرىن مەملەكەت ءتوراعاسى شي جينپيڭ بىشكەكتە شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 26 - رەتكى ماجىلىسىنە قاتىناستى. شي جينپيڭ «شاڭحاي سەلبەستىك ۇيىمىنىڭ اناعۇرلىم جوعارى ساپالى دامۋىن ىلگەرىلەتەيىك» دەگەن تاقىرىپتا ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن

سول جەر ۋاقىتى 9 - ايدىڭ 1 - كۇنى تۇستەن بۇرىن مەملەكەت ءتوراعاسى شي جينپيڭ بىشكەكتە شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 26 - رەتكى ماجىلىسىنە قاتىناستى. شي جينپيڭ شاڭحاي سەلبەستىك ۇيىمىنا مۇشە ەلدەردىڭ باسشىلارىمەن توپتىق سۋرەتكە ءتۇستى.

سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

«حالىق گازەتى»، 9 - ايدىڭ 1 - كۇنى، بىشكەك (تىلشىلەر ياڭ شۋەبو، چىن شىحان). سول جەر ۋاقىتى 9 - ايدىڭ 1 - كۇنى تۇستەن بۇرىن مەملەكەت ءتوراعاسى شي جينپيڭ بىشكەكتە شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 26 - رەتكى ماجىلىسىنە قاتىناستى.

شاڭحاي سەلبەستىك ۇيىمىنىڭ كەزەكتى ءتوراعا ەلى قىرعىزستاننىڭ زۇڭتۇڭى جاپاروۆ ءماجىلىستى باسقاردى، شاڭحاي سەلبەستىك ۇيىمىنا مۇشە ەلدەردەن بەلورۋسسيانىڭ زۇڭتۇڭى لۋكاشەنكو، ءۇندىستاننىڭ زۇڭليى مودي، يراننىڭ زۇڭتۇڭى پەزەشكيان، قازاقستاننىڭ زۇڭتۇڭى توقايەۆ، پاكيستاننىڭ زۇڭليى شاھباز، رەسەيدىڭ زۇڭتۇڭى پۋتين، تاجىكستاننىڭ زۇڭتۇڭى راحمون، وزبەكستاننىڭ زۇڭتۇڭى ميرزيويەۆ جانە شاڭحاي سەلبەستىك ۇيىمىنىڭ باس حاتشىسى ەرمەكبايەۆ قاتارلىلار قاتىناستى.

شي جينپيڭ شاڭحاي سەلبەستىك ۇيىمىنا مۇشە ەلدەردىڭ باسشىلارىمەن توپتىق سۋرەتكە ءتۇستى، سودان كەيىن مەملەكەت باسشىلارى القالار كەڭەسىنىڭ ماجىلىسىنە قاتىناستى ءارى «شاڭحاي سەلبەستىك ۇيىمىنىڭ اناعۇرلىم جوعارى ساپالى دامۋىن ىلگەرىلەتەيىك» دەگەن تاقىرىپتا ماڭىزدى ءسوز سويلەدى (تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

شي جينپيڭ بىلاي دەپ اتاپ كورسەتتى: بيىل _ شاڭحاي سەلبەستىك ۇيىمى قۇرىلعاندىعىنىڭ 25 جىلدىعى. 25 جىلدىڭ الدىندا، قىرعي قاباقتىق سوعىستىڭ تەرەڭ ساباقتارى، ”ءۇش ءتۇرلى كۇشتىڭ“ رەال قاتەرى جانە ءار ەل حالقىنىڭ بەيبىتشىلىك پەن دامۋعا دەگەن ىقىلاستى تىلەگى الدىندا، يەلىك ۇقىقتى، حاۋىپسىزدىكتى، دامۋ مۇددەسىن قورعاۋ وڭىردەگى ەلدەردىڭ جالپى بەتتىك ورتاق تانىمىنا اينالدى. شاڭحاي سەلبەستىك ۇيىمى سونىمەن اۋقىمعا ىلەسىپ بارلىققا كەلدى ءارى قۋاتتى ومىرشەڭدىك كۇشىن كۇن سايىن ايگىلەدى. 25 جىلدان بەرى شاڭحاي سەلبەستىك ۇيىمى وزگەشە بارىستى باسىپ ءوتتى. ەڭ كەلەلى دامۋ جەتىستىگى _ دۇنيە جۇزىندە جەر كولەمى ەڭ كەڭ، حالىق سانى ەڭ كوپ، دامۋ كومەسكى كۇشى وراسان زور جاڭاشا وڭىرلىك سەلبەستىك ۇيىمىنا بىرتىندەپ اينالدى؛ ەڭ باعالى رۋحاني بايلىعى _ ءوزارا سەنۋ، ءوزارا پايدا جەتكىزۋ، تەرەزەسى تەڭ بولۋ، كەڭەسۋ، الۋان ءتۇرلى وركەنيەتكە قۇرمەت ەتۋ، بىرگە دامۋعا ۇمتىلۋ سىندى ”شاڭحاي رۋحىن“ جاسامپازدىقپەن العا قويدى جانە وعان باستان - اياق بويسۇندى؛ ەڭ ماڭىزدى سەلبەستىك تاجىريبەسى _ وداقتاسپاۋ، قارسىلاسپاۋ، ءۇشىنشى جاققا باعىتتاماۋ سىندى دۇرىس قاتار تۇرۋ جولىن تاۋىپ، وڭىردەگى ەلدەردىڭ قول ۇستاسا وتىرىپ ورتاق مەكەن قۇرۋىن ىلگەرىلەتتى. 25 جىلدان كەيىنگى بۇگىنگى تاڭدا، دۇنيە جۇزىندەگى 100 جىلدىق وزگەرىس جەدەل قۇبىلىپ، تىلدەسۋ مەن قارسىلاسۋ، تەڭ يگىلىكتەنۋ جانە نولدىك راقايلاسۋ، كوپ جاقتىلىق جانە سىڭار جاقتىلىق سايىسى باسەڭدەگەن جوق. ادامزاتتىڭ بولاشاعى مەن تاعدىرىنا ساياتىن جول ايىرىعىندا تۇرعان ساتتە شاڭحاي سەلبەستىك ۇيىمى تاريحي جاۋاپكەرشىلىكتى باتىلدىقپەن ارقالاپ، تاريحي بەتالىسقا ىرىقتىلىقپەن جەتەكشىلىك ەتۋى كەرەك.

شي جينپيڭ 4 ءتۇرلى قۋاتتامانى العا قويدى.

ءبىرىنشى، دامۋدى الدىڭعى ورىنعا قويۋعا تاباندى بولىپ، بىرگە گۇلدەنۋدىڭ بولاشاعىن اشۋ كەرەك. ەكونوميكانىڭ جاھاندانۋىن دارىپتەپ، ساۋداعا قارجى قوسۋ، ۇلاستىرۋ - تۇتاستىرۋ، ەنەرگيا - بايلىق سياقتى ءداستۇرلى سالالارداعى سەلبەستىكتى بەكەمدەپ، جاساندى زەردە، سيفرلى ەكونوميكا، جاسىل كاسىپ سالاسى، جاسىل كەن ونىمدەرى سياقتى جاڭادان گۇلدەنگەن سالالارداعى سەلبەستىكتى كەڭەيتىپ، وڭىرلىك سەلبەستىكتىڭ تەرەڭدەۋىن، ناقتىلانۋىن، ساپاسىن جوعارىلاتىپ، دارەجەسىن جوعارىلاتۋدى ىلگەرىلەتۋ كەرەك. جۇڭگو جاق شاڭحاي سەلبەستىك ۇيىمىن ”ءبىر بەلدەۋ، ءبىر جولدى“ جوعارى ساپادا بىرگە قۇرىپ، دۇنيە جۇزىلىك دامۋ باستاماسىن امالياتتا ايگىلەۋدەگى الدىمەن ويلاستىرىلاتىن ءوڭىر دەپ قاراپ، شاڭحاي سەلبەستىك ۇيىمىنىڭ سيفرلى ەكونوميكا تالقى مىنبەرى، اۋىل شارۋاشىلىعى كورمەسى سياقتى قيمىلداردى ۇزدىكسىز ويداعىداي وتكىزىپ، شاڭحاي سەلبەستىك ۇيىمىنداعى ەلدەرگە باعىتتاپ حالىقارالىق جاساندى زەردەنى قولدانۋ سەلبەستىك ورتالىعىن قۇرىپ، تيانجيندە جۇڭگو - شاڭحاي سەلبەستىك ۇيىمى شەكارا وتكەلى ەكونوميكالىق سەلبەستىك ورتالىعىن قۇرىپ، الداعى 3 جىلدا شاڭحاي سەلبەستىك ۇيىمىنا مۇشە ەلدەرمەن بىرلەسىپ 100 عىلىم - تەحنيكا ىنتىماقتاستىق نىسانىن اتقارادى.

ەكىنشى، حاۋىپسىزدىكتى ماڭىزدى ورىنعا قويۋعا تاباندى بولىپ، جاپپاي حاۋىپسىز ورتا جاراتۋ كەرەك. ءداستۇرلى جانە بەي ءداستۇرلى حاۋىپسىزدىك قاتەرىنە ءبىر تۇتاس توتەپ بەرىپ، ”ءۇش ءتۇرلى كۇشكە“، ەل اتتاعان ۇيىمدىق قىلمىسقا، ەسىرتكى اتكەزشىلىگى مەن تەلەگراف الدامكوستىگىنە سوققى بەرىپ، ينفورماتسيا، بيولوگيا، سىرتقى كەڭىستىك حاۋىپسىزدىگى سەلبەستىگىن كۇشەيتىپ، سىرتقى كۇشتەردىڭ ءار ەلدىڭ ىشكى ىسىنە كيلىگۋىنەن، ساياسي حاۋىپسىزدىگىنە زيان جەتكىزۋىنەن، ءوڭىردىڭ ورنىقتىلىعىن بۇلدىرۋىنەن قاتاڭ ساقتانۋ كەرەك. جۇڭگو جاق ءار جاقپەن ورتاق، جالپىلىق، سەلبەستىك، باياندى حاۋىپسىزدىك كوزقاراسىن امالياتتا ايگىلەپ، شاڭحاي سەلبەستىك ۇيىمىن دۇنيە جۇزىلىك حاۋىپسىزدىك باستاماسىن امالياتتا ايگىلەۋدىڭ ماڭىزدى تۇعىرى ەتىپ قۇرىپ شىعۋدى قالايدى. جۇڭگو جاق شاڭحاي سەلبەستىك ۇيىمىنىڭ ”ءتورت حاۋىپسىزدىك ورتالىعىن“ ەرتەرەك ىسكە قوسىپ، مۇشە ەلدەردىڭ حاۋىپسىزدىك قاتەرى مەن سايىسقا توتەپ بەرۋ قۋاتىن جوعارىلاتۋدى قولدايدى.

ءۇشىنشى، ادامدى نەگىز ەتۋگە تاباندى بولىپ، ۇرپاقتان - ۇرپاققا جالعاسقان دوستىقتىڭ نەگىزىن بەكەمدەۋ كەرەك. ءار ەلدىڭ تاريح، مادەنيەت، قوعامدىق ءتۇزىم، دامۋ ساتىسىنداعى ەرەكشەلىكتەرىن ءبىر تۇتاس ويلاستىرىپ، زاڭ شىعارۋ قۇرىلىمى، ساياسي پارتيا، مەكتەپ، پاراسات قويماسى، كاسىپورىن، اقپارات قۇرالدارى سياقتى سەلبەستىك توراپتارىن قۇرىپ، حالىقتىق بارىس - كەلىستى جەبەپ، مۇشە ەلدەردىڭ تاتۋ كورشىلىك دوستىعىنا ومىرشەڭدىك كۇش قوسۋ كەرەك. جۇڭگو جاق ءار جاقپەن بىرگە دۇنيە جۇزىلىك وركەنيەت باستاماسىن تياناقتاندىرىپ، شاڭحاي سەلبەستىك ۇيىمى تاتۋ كورشىلىك، دوستىق سەلبەستىك كوميتەتى سياقتى حالىقتىق دوستىق قۇرىلىمداردىڭ اناعۇرلىم زور رول اتقارۋىن قولداۋدى قالايدى. جۇڭگو جاق جۇڭگو - شاڭحاي سەلبەستىك ۇيىمىنىڭ نەگىزدىك وقۋ - اعارتۋ سەلبەستىك ورتالىعىن قۇرادى ءارى كۇڭزى شۋەيۋانى، لۋبان شەبەرحاناسى سياقتى نىساندار ارقىلى اۋىس - كۇيىس جاساپ، ءوزارا ۇلگى الاتىن، حالىق تىلەگىن توعىستىراتىن كوپىر سالۋدى قالايدى.

ءتورتىنشى، تىلدەسۋگە، كەڭەسۋگە تاباندى بولىپ، ءادىل، ءتارتىپتى جونگە سالۋدى كەمەلدەندىرۋ كەرەك. ۇلكەن - كىشى ەلدەردىڭ تۇگەلدەي تەپە - تەڭدىگىنە تاباندى بولىپ، وڭىرلىك ىستەردى بىرگە اقىلداسۋعا، بىرگە كەڭەسۋگە، ورتاقتىقتى ۇيىستىرىپ، پارىقتاردى جويۋعا تاباندى بولىپ، تىلدەسۋ، كەڭەسۋ ارقىلى قايشىلىقتار مەن الاۋىزدىقتاردى ۇيلەسىمدى ءبىر جاقتى ەتىپ، كوپ جاقتى سەلبەستىك ارقىلى سىن - سايىسقا توتەپ بەرۋ كەرەك. جۇڭگو جاق شاڭحاي سەلبەستىك ۇيىمىنىڭ دۇنيە جۇزىلىك جونگە سالۋ باستاماسىن امالياتتا ايگىلەۋ جونىندە ۇلگى سەلبەستىگىن ورىستەتۋىن قولدايدى، شاڭحاي سەلبەستىك ۇيىمىنىڭ اينالىم مەحانيزمىن ۇزدىكسىز كەمەلدەندىرىپ، شەشىم جاساۋ جانە اتقارۋ ونىمدىلىگىن جوعارىلاتۋدى دارىپتەيدى.

ءتىپتى دە كوپ مۇراتتاس ەلدەردىڭ سەرىك بولىپ، وڭىرلىك جانە دۇنيە جۇزىلىك جونگە سالۋعا بىرگە ات سالىسۋىن قارسى الامىز.

شي جينپيڭ بىلاي دەپ باسا دارىپتەدى: جۇڭگو جاق ءار جاقپەن بىرگە ”شاڭحاي رۋحى“ تۋىن ۇزدىكسىز بيىك ۇستاپ، شاڭحاي سەلبەستىك ۇيىمىنىڭ الداعى 10 جىلدىق دامۋ ستراتەگياسىن تياناقتاندىرىپ، اناعۇرلىم جوعارى ساپالى دامۋدى قۇلشىنا جۇزەگە اسىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋدى قالايدى.

ماجىلىسكە قاتىناسقان مۇشە ەلدەردىڭ باسشىلارى شاڭحاي سەلبەستىك ۇيىمى قۇرىلعان 25 جىلدان بەرى قول جەتكىزگەن دامۋ جەتىستىكتەرىن تولىق تۇراقتاندىرىپ، شاڭحاي سەلبەستىك ۇيىمى ءوڭىردىڭ حاۋىپسىزدىگى مەن گۇلدەنۋىن ماڭىزدى كەپىلمەن قامداپ، دۇنيە ءجۇزىنىڭ ورنىقتىلىعى مەن ەكونوميكالىق دامۋىنىڭ ىرگە تاسىنىڭ بىرىنە اينالدى دەپ قارادى. ءار جاق جۇڭگونىڭ ىرگە قالاۋشى مۇشە ەل رەتىندە ۇيىمنىڭ دامۋىن ىلگەرىلەتۋگە قوسقان ماڭىزدى ۇلەسىن القادى، 2025 - جىلعى تيانجين باسشىلار ءماجىلىسىنىڭ ستراتەگيالىق جوباسىن بەلسەنە تياناقتاندىرىپ، ”شاڭحاي رۋحىن“ ۇزدىكسىز اسقاقتاتىپ، مەحانيزم قۇرىلىسىن كەمەلدەندىرىپ، ساياسي ءوزارا سەنىمدىلىكتى كۇشەيتىپ، ساۋدا، قارجى قوسۋ، عىلىم - تەحنيكا، ەنەرگيا، فينانس، ءوندىرۋ - قامداۋ تىزبەگى، ۇلاستىرۋ - تۇتاستىرۋ سياقتى سالالارداعى سەلبەستىكتى تەرەڭدەتىپ، حالىق تىلەگىنىڭ توعىسۋىن كۇشەيتىپ، جاڭاشا حاۋىپسىزدىك سايىسىنا قول ۇستاسا توتەپ بەرىپ، ماڭگىلىك بەيبىتشىلىكتىڭ، بىرگە دامۋدىڭ تىڭ داستانىن جازۋعا ماقۇل بولدى. قۇبىلمالى حالىقارالىق جاعداي الدىندا شاڭحاي سەلبەستىك ۇيىمىنا مۇشە ەلدەر ىنتىماقتاسا سەلبەسىپ، ۇيىمنىڭ ىقپالىن جوعارىلاتىپ، اناعۇرلىم ءادىل، ۇيلەسىمدى دۇنيە جۇزىلىك جونگە سالۋ جۇيەسىن ورناتۋدى ىلگەرىلەتىپ، وسى ءوڭىردىڭ جانە دۇنيە ءجۇزىنىڭ بەيبىتشىلىگى، ورنىقتىلىعى، گۇلدەنۋى ءۇشىن اناعۇرلىم زور رول اتقارۋى كەرەك.

مۇشە ەلدەردىڭ باسشىلارى «شاڭحاي سەلبەستىك ۇيىمىنىڭ 25 جىلدىعى بىشكەك جارناماسىنا» قول قويدى ءارى ونى جاريالادى، «شاڭحاي سەلبەستىك ۇيىمىنىڭ ۋستاۆى» كەلىسىمناماسىنا، حاۋىپسىزدىك قاتەرىنە جانە سىن - سايىسقا توتەپ بەرۋ جالپىلىق ورتالىعى ەرەجەسىنە، ەسىرتكىگە تيىم سالۋ ورتالىعى ەرەجەسىنە وزگەرىس ەنگىزۋدى جانە تولىقتاۋدى بەكىتتى، حاۋىپسىزدىك، ەكونوميكا، گۋمانيتارلىق سەلبەستىك جانە ۇيىمدىق قۇرىلىستى كۇشەيتۋ سياقتى 28 جەتىستىك قۇجاتىن ماقۇلدادى.

ءماجىلىس پاكيستاننىڭ 2026 - جىلدان 2027 - جىلعا دەيىنگى شاڭحاي سەلبەستىك ۇيىمىنىڭ كەزەكتى ءتوراعا ەلى مىندەتىن وتكىزىپ الۋىن ۇيعاردى.

ساي چي، ۋاڭ ي قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى