شي جينپيڭ كايروعا جەتىپ، ەگيپەتتەگى مەملەكەتتىك ساپارىن باستادى

سول جەر ۋاقىتى 9 - ايدىڭ 1 - كۇنى كەشتە مەملەكەت ءتوراعاسى شي جينپيڭ ارناۋلى ۇشاقپەن كايروعا جەتتى، ەگيپەت زۇڭتۇڭى سيسيدىڭ ۇسىنىسىمەن ەگيپەتتە مەملەكەتتىك ساپاردا بولادى. شي جينپيڭ مەن حانىمى پىڭ لييۋان كايرو حالىقارالىق اۋەجايىنا جەتكەندە، سيسي زۇڭتۇڭ مەن حانىمى اۋەجايعا كەلىپ قىزۋ قارسى الدى.

سۋرەتتى شينحۋا اگەنتتىگىنىڭ ءتىلشىسى يان بوگۋ تۇسىرگەن.

«حالىق گازەتى»، 9 - ايدىڭ 1 - كۇنى، كايرو (تىلشىلەر يۇي ياڭ، شيە رۇنجيا). سول جەر ۋاقىتى 9 - ايدىڭ 1 - كۇنى كەشتە مەملەكەت ءتوراعاسى شي جينپيڭ ارناۋلى ۇشاقپەن كايروعا جەتتى، ەگيپەت زۇڭتۇڭى سيسيدىڭ ۇسىنىسىمەن ەگيپەتتە مەملەكەتتىك ساپاردا بولادى.

شي جينپيڭ مەن حانىمى پىڭ لييۋان كايرو حالىقارالىق اۋەجايىنا كەلگەندە، سيسي زۇڭتۇڭ مەن حانىمى اۋەجايعا كەلىپ قىزۋ قارسى الدى. قۇرمەت قاراۋىلى قىزىل كىلەمنىڭ ەكى جاعىنا ساپ تۇزەپ قۇرمەت ءبىلدىردى، ەگيپەت جاستارى مەن ورەندەرى جۇڭگو مەن ەگيپەتتىڭ مەملەكەت تۋىن بۇلعاپ، شي جينپيڭ مەن حانىمىنىڭ ساپارلاي كەلگەندىگىن قىزۋ قارسى الدى.

شي جينپيڭ جازباشا ءسوز سويلەپ، جۇڭگو ۇكىمەتى مەن جۇڭگو حالقى اتىنان ەگيپەت ۇكىمەتى مەن ەگيپەت حالقىنا شىنايى سالەم جولدادى جانە ىزگى تىلەك ءبىلدىردى.

شي جينپيڭ بىلاي دەپ اتاپ كورسەتتى: جۇڭگو مەن ەگيپەت _ وركەنيەتتى بايىرعى ەلدەر، ءداستۇرلى دوستىق مىڭ جىلعا سوزىلىپ، ۋاقىت وتكەن سايىن بەكەمدەلە ءتۇستى. ديپلوماتيالىق قاتىناس ورناتقان 70 جىلدان بەرى، حالىقارالىق جانە وڭىرلىك جاعداي قالاي وزگەرسە دە، ەكى ەل باستان - اياق ءبىر جاعادان باس، ءبىر جەڭنەن قول شىعارىپ، سەلبەسىپ تەڭ يگىلىككە كەنەلدى. تاياۋ جىلداردان بەرى مەن سيسي زۇڭتۇڭمەن بىرگە جۇڭگو مەن ەگيپەتتىڭ جان - جاقتى ستراتەگيالىق سەرىكتەستىك قاتىناسىنىڭ قارىشتاپ دامۋىن جۇزەگە اسىرۋعا جەتەكشىلىك ەتتىم. ەكى ەلدىڭ ساياسي سەنىمدىلىگى بەرىك، ءوزارا ءتيىمدى سەلبەستىگى سۇبەلى تابىستارعا تولى، كوپ جاقتى سەلبەستىگى تىعىز، پارمەندى بولىپ، وركەندەپ كەلە جاتقان ەلدەردىڭ تاتۋ - ءتاتتى ءوتۋىنىڭ، ىنتىماقتاسا سەلبەسۋىنىڭ ۇلگىسىنە اينالدى. وسى رەتكى ساپار كەزىندە مەن سيسي زۇڭتۇڭمەن بىرگە جۇڭگو - ەگيپەت قاتىناسى، ەكى ەلدىڭ جان - جاقتى سەلبەستىگى، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، جۇڭگو مەن ەگيپەتتىڭ جالپى بەتتىك ستراتەگيالىق سەرىكتەستىك قاتىناسىن دامىتۋ جوباسىن بىرگە جاساپ، جۇڭگو - ەگيپەت دوستىعىنىڭ تاريحي جاڭا داستانىن جازامىن.

ساي چي، ۋاڭ ي قاتارلى ساپارلاستارى سول ۇشاقپەن بىرگە باردى.

جۇڭگونىڭ ەگيپەتتە تۇراتىن باس ەلشىسى لياۋ ليچياڭ دا اۋەجايعا بارىپ قارسى الدى.

كەلۋ قاينارى: حالىق تورابى