شي جينپيڭ نەپالدىڭ لاي كوشكىنى اپاتىنا ۇشىراعاندىعى جونىندە نەپال زۇڭتۇڭى پاۋدەلگە حال سۇراۋ تەلەگرامماسىن جولدادى

شينحۋا اگەنتتىگىنىڭ 8 - ايدىڭ 28 - كۇنى بەيجيڭنەن بەرگەن حابارى. 8 - ايدىڭ 28 - كۇنى مەملەكەت ءتوراعاسى شي جينپيڭ نەپالدىڭ لاي كوشكىنى اپاتىنا ۇشىراعاندىعى جونىندە نەپال زۇڭتۇڭى پاۋدەلگە حال سۇراۋ تەلەگرامماسىن جولدادى.

شي جينپيڭ بىلاي دەپ اتاپ كورسەتتى: تاياۋدا جۇڭگو مەن نەپال شەكاراسىنداعى جيلۇڭ − رۇسوۆا شەكارا وتكەلىندە اۋىر لاي كوشكىنى اپاتى تۋىلىپ، اۋىر ءولىم - ءجىتىم بولدى، ادامدار دەرەكسىز كەتتى جانە مال - مۇلىك زيانعا ۇشىرادى. مەن جۇڭگو ۇكىمەتى جانە جۇڭگو حالقى اتىنان قازا بولعاندارعا قايعىلى ازا بىلدىرەمىن، قازا بولعانداردىڭ وتباسىنداعىلاردان، جارالانعانداردان جانە اپاتقا ۇشىراعان وڭىردەگى بۇقارادان شىنايى حال سۇرايمىن.

شي جينپيڭ بىلاي دەپ باسا دارىپتەدى: جۇڭگو دەرەكسىز كەتكەندەردى ىزدەۋگە جانە قۇتقارۋعا بار كۇشىن سالىپ، قاتىستى بۇقارانى كوشىرىپ ورنالاستىرىپ، جارالىلاردى جەدەل قۇتقارىپ - ەمدەپ، ءولىم - ءجىتىمدى مۇمكىندىكتىڭ بارىنشا ازايتۋدا ءارى قوسالقى اپاتتىڭ تۋىلۋىنان ساقتانۋدا. جۇڭگو مەن نەپالدىڭ تاۋ - وزەندەرى تۇتاسقان، تاعدىرلاس، جۇڭگو نەپالدىڭ قۇتقارۋ - كومەك بەرۋدى ورىستەتۋىنە بەلسەنە كومەكتەسىپ، شاماسىنىڭ كەلىسىنشە قولداۋ كورسەتۋدى جانە كومەكتەسۋدى قالايدى. ەكى ەل حالقىنىڭ، ءسوز جوق، قول ۇستاسا وتىرىپ اپاتتى ەرتەرەك جەڭىپ، مەكەندەرىن قايتا قۇراتىندىعىنا سەنەمىن.

سول كۇنى مەملەكەتتىك كەڭەستىڭ زۇڭليى لي چياڭ نەپال زۇڭليى بالەندراعا حال سۇراۋ تەلەگرامماسىن جولدادى.