چىن ۋ جولداستىڭ سۇيەگى بەيجيڭدە ورتەلدى
شي جينپيڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار باباۋشان توڭكەرىستىك قۇرباندار قابىرستانىنا بارىپ سۇيەكپەن قوشتاستى
چىن ۋ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن چىن ۋ جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى

8 - ايدىڭ 28 - كۇنى چىن ۋ جولداستىڭ سۇيەگى بەيجيڭ باباۋشان توڭكەرىستىك قۇرباندار قابىرستانىندا ورتەلدى. شي جينپيڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار باباۋشانعا بارىپ سۇيەكپەن قوشتاستى. سۋرەتتە: شي جينپيڭ چىن ۋدىڭ تۋىس - تۋعاندارىمەن قول الىسىپ، شىنايى حال سۇراۋدا.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگىنىڭ 8 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ تاڭداۋلى مۇشەسى، ادال كوممۋنيزم جاۋىنگەرى، ەلىمىزدىڭ ۇلت قىزمەتى مەن ەكونوميكالىق قۇرىلىس شەبىنىڭ كورنەكتى باسشىسى، جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ ورىنباسار ءتوراعاسى چىن ۋ جولداستىڭ سۇيەگى 8 - ايدىڭ 28 - كۇنى بەيجيڭ باباۋشان توڭكەرىستىك قۇرباندار قابىرستانىندا ورتەلدى.

چىن ۋ جولداس ناۋقاس سەبەبىنەن 2026 - جىلى 8 - ايدىڭ 24 - كۇنى ساعات 15تەن 5 مينۋت وتكەندە 72 جاسىندا بەيجيڭدە قايتىس بولدى.

چىن ۋ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن چىن ۋ جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى.

8 - ايدىڭ 28 - كۇنى تۇستەن بۇرىن باباۋشان توڭكەرىستىك قۇرباندار قابىرستانىنىڭ زالى قايعىلى، جىم - جىرت كۇيگە ەندى، قايعىلى مۋزيكا داۋىسى باياۋ شىعىپ تۇردى. نەگىزگى زالدىڭ تورىنە ”چىن ۋ جولداسقا قايعىلى ازا بىلدىرەمىز“ دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا چىن ۋ جولداستىڭ سۋرەتى قويىلعان. چىن ۋ جولداستىڭ سۇيەگى گۇل شوقتارىمەن جانە ارشالارمەن قورشالىپ، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.

تۇستەن بۇرىن ساعات 9دان 30 مينۋت وتكەندە شي جينپيڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار قايعىلى مۋزيكا ءۇنى ىشىندە چىن ۋ جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، چىن ۋ جولداستىڭ سۇيەگىنە 3 رەت تاعزىم ەتتى ءارى چىن ۋ جولداستىڭ تۋىس - تۋعاندارىمەن ءبىر - بىردەن قول الىسىپ، حال سۇرادى.

پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاسۋعا باردى نەمەسە ءتۇرلى تاسىلدەرمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، چىن ۋ جولداستىڭ كوزى تىرىسىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاسۋعا باردى.