مەملەكەتتىك دەنە تاربيە باس مەكەمەسى: سالاداعى كوز بوياۋشىلىق ىستەۋ، جارىستى مەڭگەرۋ، جارىس الاڭىنداعى زورلىقتى كۇش قاتارلى بىلىقپالىقتاردى قاتاڭ جونگە سالۋ كەرەك

جۇڭگو اقپارات تورابىنىڭ 9 – ايدىڭ 3 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى ”’15 - بەسجىلدىقتىڭ‘ باستاماسى“ جەلىلەس تاقىرىپتىق اقپار جاريالاۋ ءماجىلىسىن اشىپ، ”15 – بەسجىلدىق“ مەزگىلىندەگى دەنە تاربيە جاعىندا قۇدىرەتتى مەملەكەت قۇرۋعا قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى. مەملەكەتتىك دەنە تاربيە باس مەكەمەسىنىڭ باستىعى گاۋ جىدان بىلاي دەپ تانىستىردى: ”15 – بەسجىلدىق“ مەزگىلىندە دەنە تاربيە كاسىبىنىڭ ستيلىن مىقتى يگەرىپ، سالاداعى كوز بوياۋشىلىق ىستەۋ، جارىستى مەڭگەرۋ، جارىس الاڭىنداعى زورلىقتى كۇش قاتارلى بىلىقپالىقتاردى قاتاڭ جونگە سالۋ كەرەك.

گاۋ جىدان بىلاي دەدى: كاسىپ ستيلى قۇرىلىسىن مىقتى يگەرىپ، دەنە تاربيەنىڭ شۋاققا شومىپ، دۇرىس سالتتى ايگىلەۋىنە مۇمكىندىك جاساۋ كەرەك. ”15 – بەسجىلدىق“ مەزگىلىندە دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، دەنە تاربيە كاسىپ ستيلى قۇرىلىسىن شىنايى كۇشەيتىپ، دەنە تاربيە سەنىمدىلىك جۇيەسىن ۇزدىكسىز كەمەلدەندىرىپ، دەنە تاربيەنى جونگە سالۋدىڭ ونىمدىلىگىن ۇزدىكسىز بەكەمدەۋ كەرەك؛ دەنە تاربيەنى دامىتۋداعى ءتۇيىندى سالالاردا زاڭ شىعارۋدى كۇشەيتىپ، اكىمشىلىكتى زاڭ بويىنشا جۇرگىزۋ قابىلەتىن جوعارىلاتۋ كەرەك؛ دەنە تاربيە كاسىبىنىڭ ستيلىن مىقتى يگەرىپ، سالاداعى كوز بوياۋشىلىق ىستەۋ، جارىستى مەڭگەرۋ، جارىس الاڭىنداعى زورلىقتى كۇش قاتارلى بىلىقپالىقتاردى قاتاڭ جونگە سالۋ كەرەك؛ شىرىكتەسۋگە قارسى تۇرۋ كۇرەسىن تاباندىلىقپەن ورىستەتىپ، پارتيانى جاپپاي قاتاڭ جونگە سالۋدى ماڭگى جالعاستىراتىن ساياسي تاباندىلىقتى ساقتاپ، دەنە تاربيە سالاسىنىڭ ستيلى پاك، سالتى دۇرىس تاماشا ساياسي ەكولوگياسىن ويداعىداي قورعاۋ، ويداعىداي دامىتۋ كەرەك.

كەلۋ قاينارى: حالىق تورابى