”شىرىكتەسۋگە قارسى تۇرۋ كۇرەسىن اناعۇرلىم سەرگەك، باتىل ىلگەرىلەتەيىك“ (باس شۋجيدىڭ حالىقشىلدىق سۇيىسپەنشىلىگى)

جۇڭگو جۇمىسشى - شارۋا قىزىل ارمياسى ۇزاق جورىعى جەڭىسىنىڭ 90 جىلدىعىن ەسكە ءتۇسىرۋ جينالىسىندا باس شۋجي شي جينپيڭ مىنالاردى باسا دارىپتەدى: ”پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، پارتيانىڭ ءوزىن كىرشىكسىزدەندىرۋىن، ءوزىن كەمەلدەندىرۋىن، ءوزىن جاڭالاۋىن، ءوزىن جوعارىلاتۋىن ۇزدىكسىز جۇزەگە اسىرۋ كەرەك“.

شىرىكتەسۋ پارتيا مەن مەملەكەت ىستەرىنىڭ دامۋ بارىسىنداعى بوگەت، كەدەرگى، شىرىكتەسۋگە قارسى تۇرۋ جەڭۋگە بولمايتىن ءارى جەڭىلۋگە دە بولمايتىن كەلەلى كۇرەس.

”شىرىكتەسۋگە قارسى تۇرۋ كۇرەسىن اناعۇرلىم سەرگەك، باتىل ىلگەرىلەتۋ كەرەك“. بيىل 1 - ايدا باس شۋجي شي جينپيڭ 20 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە وسىلاي دەپ اتاپ كورسەتتى.

پارتيا 18 - قۇرىلتايىنان بەرى، پارتيامىز پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ۇستىنەن وڭاۋ مەن تۇبىرىنەن وڭاۋدى قاتار جۇرگىزىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتەتىن شىرىكتەسۋگە قارسى تۇرۋدىڭ جۇڭگوشا جولىمەن ءساتتى ءجۇردى. ”بۇل جولمەن باتىل ءجۇرۋ كەرەك“. بيىل الدىڭعى 3 توقساندا بۇكىل ەلدەگى ءتارتىپ تەكسەرۋ، باقىلاۋ ورگاندارى 800 مىڭ دەلو تۇرعىزىپ، 680 مىڭ ادامعا شارا قولداندى.

باس شۋجي شي جينپيڭنىڭ نۇسقاۋىن بويلاپ، شىرىكتەسۋگە قارسى تۇرۋدا ماڭگى اتوي دابىلىن قاعايىق.

_ ءسوز جوق، تەگەۋرىندى كۇيدى ساقتاۋدان اۋىتقىماۋىمىز كەرەك.

شىرىكتەسۋ ماسەلەسى جونىندە باس شۋجي شي جينپيڭ باتىل پوزيتسيا ءبىلدىرىپ، مىنالاردى باسا دارىپتەدى: ”ەگەر ءوسىپ - ءوربىپ، جايىلا بەرسە ەكونوميكانىڭ دامۋ ورتاسىن ءبۇلدىرىپ، ءتۇرلى حاۋىپ - قاتەرلەر مەن كومەسكى كىناراتتاردى تۋدىرىپ، پارتيانىڭ بيلىك جۇرگىزۋ نەگىزىن شايقالتادى“.

پارتيانى باسقارۋ، پارتيانى جونگە سالۋ وڭاي - وسپاق ورىندالا سالاتىن ”ناجاعاي شايقاسى“ ەمەس، قايتا ۇزاق ۋاقىت ۇلەس قوساتىن ”ۇزاققا سوزىلاتىن شايقاس“.

”قازىر شىرىكتەسۋ ماسەلەسى ءالى دە وڭاي، كوپ تۋىلۋدا“. باس شۋجي شي جينپيڭ مىنالاردى باسا دارىپتەدى: ” ءسوز جوق، تەگەۋرىندى كۇيدى ساقتاۋدان اۋىتقىماۋىمىز كەرەك. شىرىكتەسۋگە قارسى تۇرۋعا، جەمقورلىقتى الاستاۋعا، سۇرقيالىقتى الاستاۋعا تاباندى بولىپ، جەمقورلارعا تاسالاناتىن ورىن قالدىرماۋ كەرەك“.

حالىق تىلەگى ەڭ ۇلكەن ساياسات. ”بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن رەتتەۋ - وڭاۋدى ماڭىزدى مىندەت رەتىندە ۇدايىلاندىرىپ يگەرىپ، بۇقارانىڭ ريزا بولۋىنا مۇمكىندىك جاساۋ كەرەك“.

گۋاڭشيدىڭ پيڭلى اۋدانى چياۋتيڭ اۋىلى شۋاڭچياۋ قىستاعىنىڭ تۇرعىندارى تەبىرەنە: ”كوپشىلىكتىڭ جۇرەگى تاعى دا توعىستى!“ دەدى. وسىدان بۇرىن قىستاقتاعى كوللەكتيۆتىك تاۋ الاڭىن مايعا بەرگەندە، قىستاق تۇرعىندارى ەسەپ - قيساپتىڭ كۇمان بارلىعىن بايقايدى. ءتارتىپ تەكسەرۋ، باقىلاۋ - تەكسەرۋ كادرلارى قىستاققا بارىپ تەكسەرۋ جۇرگىزىپ، كوللەكتيۆ قارجىنى يەمدەنىپ العان قىستاق كادرلارىن پارتيا ءتارتىبى بويىنشا ءبىر جاقتى ەتىپ، ۇستاپ قالىنعان ماي اقىنى قايتارىپ اكەلەدى.

قازىر اۋىل - قىستاق كوللەكتيۆىنىڭ ”ءۇش قارجىسىن“ باسقارۋدى، ەمدەۋ قامسىزداندىرۋ قورىن باسقارۋدى، قارتتاردى كۇتىمدەۋگە قىزمەت وتەۋدى... ءبىر - بىرلەپ ىلگەرىلەتىپ، ءبىر - بىرلەگەن ”جەمقور شىبىن، شىرىكتەسكەن قۇمىرىسقالار“ جازالاندى، قالىڭ بۇقارا ادىلدىك پەن ادىلەتتىلىكتىڭ جانىندا ەكەنىن شىنايى سەزىندى.

_ ءسوز جوق، شىرىكتەسۋگە قارسى تۇرۋدىڭ وتىمدىلىگىن، ۇزدىكسىز جوعارىلاتۋ كەرەك.

شىرىكتەسۋگە قارسى تۇرۋدا ءارى باتىل پوزيتسيادا بولۋ، ءارى ءونىمدى ءتاسىل قولدانۋ كەرەك. باس شۋجي شي جينپيڭ مىنالاردى باسا دارىپتەدى: ”شىرىكتەسۋدىڭ جاڭا بەتالىسىن، جاڭا ەرەكشەلىگىن يگەرىپ، تاسىلدە، ادىستە جاڭالىق اشىپ، ءتۇرلى جەمقورلىق ماسەلەلەرىن اناعۇرلىم دەر كەزىندە بايقاۋ، دۇرىس پارىقتاۋ، ءونىمدى جونگە سالۋ كەرەك“.

شىرىكتەسكەندەردى بىرگە تەكسەرۋ، بىرگە جونگە سالۋدى تەرەڭدەتۋ - شىرىكتەسۋگە قارسى تۇرۋدىڭ وتىمدىلىگىن جوعارىلاتۋدىڭ ماڭىزدى جولى.

چۇڭچيڭ قالاسى ديانجياڭ اۋداندىق ءتارتىپ تەكسەرۋ كوميتەتى، باقىلاۋ كوميتەتى بەلگىلى ورىنداعى كادرلاردىڭ بەلگىلەمەگە قايشىلىق جاساپ ۇلىنىڭ توي قوناعاسىن وتكىزگەنىن انىقتاعاندا، ونىڭ ءبىر ساۋداگەرمەن تىعىز قاتىستى ەكەنىن بايقايدى، ەڭ سوڭىندا تارتىپكە، زاڭعا اۋىر قايشىلىق جاساۋ ماسەلەسىن تەكسەرىپ انىقتايدى. بەلگىلەمەگە قايشى ءىشىپ - جەۋدى جونگە سالۋ ارقىلى ديانجياڭ اۋداندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى كوپتەگەن پارتيالى كادرلاردىڭ ستيل ماسەلەسىنىڭ استارىنداعى شىرىكتەسۋ ماسەلەسىن قاتاڭ تەكسەرىپ ءبىر جاقتى ەتتى.

قىرۋار دەلو مىسالدارى بۇرىس ستيل مەن شىرىكتەسۋ ماسەلەسى بىرىمەن ءبىرى قويان - قولتىق، تامىرلاس ەكەنىن دالەلدەدى. باس شۋجي شي جينپيڭ مىنالاردى باسا دارىپتەدى: ”ستيلدى دۇرىستاپ، ءتارتىپتى قاتايتۋدى شىرىكتەسۋگە قارسى تۇرۋمەن ساباقتاستىرۋعا تاباندى بولىپ، ’بىرگە تەكسەرۋ‘ ارقىلى شىرىكتەسۋدىڭ توعىسۋ ماسەلەسىن قاتاڭ جازالاپ، ’بىرگە جونگە سالۋ‘ ارقىلى شىرىكتەسۋدىڭ ورتاق قاينارىن الاستاۋ كەرەك“.

اماليات دومنا پەشىنىڭ شىڭداۋى ارقىلى پارتيامىزدىڭ شىرىكتەسۋگە قارسى تۇرۋ كۇرەسىنىڭ زاڭدىلىعى جونىندەگى تانىمىمىزدى بارعان سايىن تەرەڭدەتۋىمىز، شىرىكتەسۋگە قارسى تۇرۋ كۇرەسىنىڭ ءتاسىلىن بارعان سايىن تۇرلەندىرە ورىستەتۋىمىز، شىرىكتەسۋگە قارسى تۇرۋ كۇرەسىنىڭ ءتاسىلىن بارعان سايىن عىلمي ىلگەرىلەتۋىمىز كەرەك

_ ءسوز جوق، ءبىر تۇلعالاندىرىپ ىلگەرىلەتۋگە اناعۇرلىم زور كۇش سالۋ كەرەك.

شەبەر الاستاۋشى زيانداۋشىنىڭ توركىنىن تەكسەرەدى، شەبەر ەمدەۋشى اۋرۋدى تۇبەگەيلى ەمدەيدى.

”شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى“ ءبىر تۇتاس ىلگەرىلەتۋگە تاباندى بولۋ _ شي جينپيڭ پارتيا قۇرىلىسى يدەياسىنداعى ”14 تە تاباندى بولۋدىڭ“ ماڭىزدى جاعى. باس شۋجي شي جينپيڭ مىنالاردى اتاپ كورسەتتى: ”شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇتاس ىلگەرىلەتۋ _ شىرىكتەسۋگە قارسى تۇرۋ كۇرەسىنىڭ نەگىزگى باعىتى عانا ەمەس، جاڭا داۋىردە پارتيانى جاپپاي قاتاڭ جونگە سالۋدىڭ دا ماڭىزدى جالپى جوباسى“.

شىرىكتەسۋگە باتىلدىق ەتكىزبەۋگە سەس كورسەتۋدى كۇشەيتىپ، شىرىكتەسۋگە مۇمكىندىك بەرمەۋ تورىن بەكەمدەپ، شىرىكتەسۋدى ويىنا الماۋ سانالىلىعىن كۇشەيتتى... پارتيامىز قاجىماي - تالماي ىزدەنىس جاساپ، ۇشەۋى ءبىر ۋاقىتتا كۇش سالىپ، ءبىر باعىتتا كۇش سالىپ، جان - جاقتى كۇش سالىپ، اناعۇرلىم تۇزىمدىك جەتىستىككە جانە اناعۇرلىم زور جونگە سالۋ ونىمدىلىگىنە قول جەتكىزۋگە قۇلشىندى.

سىچۋان ولكەسى ميشان قالاسى سانسۋ عيباداتحاناسىنا بارعاندا، ءتۇسىندىرۋشى توقتاۋسىز ءتۇسىندىرىپ: ”كىتاپ وقۋ، كاسىپتى قادىرلەۋ، وپالى بولۋ، مەيىرىمدى بولۋ، ادىلەتسىزدىكتى قابىلداماۋ، ۇكىمەت ىسىندە پاك بولۋ...“ دەدى. 2022 - جىلى 6 - ايدا باس شۋجي شي جينپيڭ وسى اراعا كەلگەندە مىنالاردى اتاپ كورسەتكەن ”جۇڭحۋانىڭ تاڭداۋلى ءداستۇرلى مادەنيەتىنەن ەل باسقارۋ ۇستانىمى مەن وي - تولعامىن قابىلداۋعا شەبەر بولۋ كەرەك“.

مادەنيەتتىڭ كۇشى تەرەڭ جانە باياندى. شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى نەگىزدىك ينجەنەريا رەتىندە قاراپ، جاڭا داۋىردەگى پاكتىك مادەنيەت قۇرىلىسىنىڭ تەرەڭدەۋىن، ناقتىلانۋىن ءبىر تۇتاس ىلگەرىلەتىپ، پاكتىكتى قاستەرلەپ، شىرىكتەسۋگە قارسى تۇراتىن، ۇنەمشىلدىكتى دارىپتەپ، ءسان - سالتاناتقا بوي ۇرمايتىن قوعامدىق ورتانى كۇش سالا قالىپتاستىرىپ، شىرىكتەسۋدىڭ ءوسىپ - ءوربيتىن توپىراعى مەن شارت - جاعدايىن باتىل الاستاۋ كەرەك.

جۇڭگو كوممۋنيستىك پارتياسى باستان - اياق جۇڭگو حالقى مەن جۇڭحۋا ۇلتىنىڭ تىرەگى بولىپ كەلەدى.

باس شۋجي شي جينپيڭ بيىلعى ”1 - شىلدەدەگى“ ماڭىزدى سوزىندە پارتيامىزدىڭ 6 ۇلكەن تاڭداۋلى قاسيەتىن تەرەڭ قورىتىندىلادى، ونىڭ ءبىرى _ ”ءوزىن الۋەتتەندىرۋگە ءمان بەرىپ، باستان - اياق ومىرشەڭدىك كۇشكە تولى بولۋ“ ەدى، ول تاعى مىنالاردى باسا دارىپتەدى: ”پارتيانىڭ العاباسارلىعى مەن كىرشىكسىزدىگىنە زيان جەتكىزەتىن بارلىق فاكتورلاردى باتىل الاستاپ، پارتيانىڭ اقاۋسىز تۇلعاسىن بۇلدىرەتىن بارلىق ۆيرۋستاردى الاستاپ، توڭكەرىستىك شىڭدالۋ بارىسىندا اناعۇرلىم پارمەندى، قۋاتتى بولۋ“.

”مەن باقىتتى بولماسام دا حالىق باقىتتى بولسىن“.

2022 - جىلى 10 - ايدا باس شۋجي شي جينپيڭ پارتيانىڭ 20 - قۇرىلتايى گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا مىنالاردى باسا دارىپتەدى: ”كوممۋنيستەر ماتەرياليستەر، ەشتەڭەدەن قورىقپايدى، نەدەن قورقادى؟ نوسەرلى داۋىلداردىڭ، اساۋ تولقىنداردىڭ سىناعىن قابىلداپ بولعان، مەن: ’سان مىڭ ادام كەدەرگى بولسا دا باتىلدىقپەن العا تارت‘ دەر ەدىم، قورقاتىن ەشتەڭە جوق.

جاڭا جورىقتا شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، ماڭگى جالعاسا بەرەتىن قايسارلىققا تاباندى بولساق، ءبىز، ءسوز جوق، شىرىكتەسۋگە قارسى تۇرۋ كۇرەسىنەن قامال الۋ شايقاسىن، ۇزاققا سوزىلاتىن شايقاستى، جالپى تۇلعالىق شايقاستى ويداعىداي جۇرگىزىپ، جۇڭگوشا وسىزامانداندىرۋدىڭ ورنىقتى، باياندى دامۋىن پاك ستيل، دۇرىس سالت ارقىلى قورعاي الامىز

كەلۋ قاينارى: حالىق تورابى