ءىشىنارا جەرلەردە قالىڭ قار جاۋادى! شينجياڭ اۋا رايى ستانسياسىنىڭ ەسكەرتۋى

11 – ايدىڭ 2 – كۇنى ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (11 – ايدىڭ 2 – كۇنىنەن 8 – كۇنىنە دەيىن) بۇكىل شينجياڭنىڭ باسىم كوپ جەرىندە كورنەكتى سۋىق اعىس بولمايدى، تەك سولتۇستىك شينجياڭنىڭ ءبىر ءبولىم ءوڭىرى مەن وڭتۇستىك شينجياڭنىڭ ءبىر ءبولىم تاۋلى وڭىرىندە قار نەمەسە جاڭبىر ارالاس قار جاۋادى، ءىشىنارا جەرلەردە قالىڭ قار جاۋادى.

التاي ايماعىنىڭ تاۋلى وڭىرلەرىنىڭ ءىشىنارا جەرلەرىندە ەرەكشە قالىڭ قار جاۋادى، مەجەمەن 11 –ايدىڭ 8 – كۇنىنىڭ الدى - ارتىندا سولتۇستىك شينجياڭنىڭ ءىشىنارا وڭىرلەرىندە قيىس شىعىستان 5 بال اينالاسىندا بوران سوعادى، جەل وتىندەگى جەل كۇشى 9 دا 11 بال بولادى، مەزەتتىك جەل كۇشى 11 بالعا جەتەدى، اۋا رايى ماماندارى 11 – ايدا تاڭەرتەڭ مەن كەشتەگى اۋا تەمپەراتۋراسىنىڭ پارقى زور بولادى، بۇقارا دەر كەزىندە قالىڭ كيىنىپ، تۇماۋراتىپ قالۋدان ساقتانۋى كەرەك دەپ ەسكەرتتى.

11 - ايدىڭ 5 - كۇنى كۇندىزدەن 6 - كۇنى كۇندىزگە دەيىن، ىلە اڭعارىنىڭ شىعىس وڭتۇستىك بولەگى، بۇراتالا موڭعۇل اۆتونوميالى وبلىسى، تارباعاتاي ايماعى، التاي ايماعى، قارامايلى قالاسى، وڭتۇستىك شينجياڭنىڭ باتىس بولەگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى، قۇمىل قالاسىنىڭ سولتۇستىك بولەگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەردە جاڭبىر ارالاس قار نەمەسە قار جاۋادى، تاۋلى وڭىرلەردىڭ ءىشىنارا جەرلەرىندە ورتاشادان باستاپ قالىڭ قار جاۋادى؛ سولتۇستىك شينجياڭنىڭ، شىعىس شينجياڭنىڭ جەل وتىندە شىعىس سولتۇستىكتەن 8 بال اينالاسىندا بوران سوعادى.

11 – ايدىڭ 8 – كۇنىنىڭ الدى-ارتىندا، تارباعاتاي ايماعىنىڭ سولتۇستىگى، التاي ايماعى، ءۇرىمجى قالاسى، سانجى حۇيزۋ اۆتونوميالى وبلىسى قاتارلى جەرلەردە قيىس شىعىستان 5 بال اينالاسىندا بوران سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل رايونى، التاي ايماعىنىڭ نوقاي جەل رايونى، ءۇرىمجى قالاسىنىڭ ۇلانباي جانە حۇڭيانچى جەل وتىندە 9 دا 10 بال بوران سوعادى، مەزەتتىك جەل كۇشى 11 بالعا جەتەدى.

كەلۋ قاينارى: حالىق تورابى