2026 – جىلدىڭ سوڭعى جارتىسىندا ورتا، باستاۋىش مەكتەپ وقىتۋشىلارىنىڭ تولىمدىلىق ەمتيحانىنىڭ (جازباشا ەمتيحان) ناتيجەسى 11 – ايدىڭ 6 – كۇنى جاريالانادى

11 ـ ايدىڭ 3 ـ كۇنى ءتىلشىنىڭ شينجياڭ وقۋ ـ اعارتۋ ەمتيحان مەكەمەسىنەن ۇعىسۋىنشا، 2026 ـ جىلدىڭ سوڭعى جارتىسىنداعى ورتا، باستاۋىش مەكتەپ وقىتۋشىلارىنىڭ تولىمدىلىق ەمتيحانىنىڭ (جازباشا ەمتيحان) ناتيجەسى 11 ـ ايدىڭ 6 ـ كۇنى جاريالانادى، سول كەزدە ەمتيحان بەرۋشىلەردىڭ ورتا، باستاۋىش مەكتەپ وقىتۋشىلارىنىڭ تولىمدىلىق ەمتيحانى تورابىنا (https://ntce.neea.edu.cn) شىعىپ، ناتيجەسىن تەكسەرىپ كورۋىنە بولادى.

ەمتيحان بەرۋشىلەر ەگەر ءوزىنىڭ وسى رەتكى جازباشا ەمتيحان ناتيجەسىنە بوتەن پىكىرى بولسا، 11 – ايدىڭ 6 – كۇنى ساعات 10 نان 11 – ايدىڭ 19 - كۇنى ساعات 19 عا دەيىن ورتا، باستاۋىش مەكتەپ وقىتۋشىلارىنىڭ تولىمدىلىق ەمتيحان ناتيجەسىن قايتا تەكسەرۋ جۇيەسىمەن (https://ops.hycj.jrycn.cn/f/xjbscjfh) نەمەسە قول تەلەفون ارقىلى استىنداعى ەكىلىكتى جايمالاۋ ارقىلى ناتيجەسىن قايتا تەكسەرۋ جۇيەسىنە شىعىپ، ناتيجەسىن قايتا تەكسەرۋدى ءوتىنىش ەتۋىنە بولادى. پايدالانۋشىنىڭ اتى - ءجونى دەگەن جەرگە ەمتيحان بەرۋشىنىڭ ەمتيحان بەرۋگە رۇقسات ەتۋ كۋالىك ءنومىرى (15 ورىندى) تولتىرىلادى، العاشقى قۇپيا ءنومىرى توراپتا تىزىمدەلۋگە پايدالانعان ازاماتتىق كۋالىك نومىرىنىڭ سوڭعى التى ءنومىرى بولادى، قايتا تەكسەرۋ ناتيجەسى 11 – ايدىڭ 25 – كۇنى ورتا، باستاۋىش مەكتەپ وقىتۋشىلارىنىڭ تولىمدىلىق ەمتيحان ناتيجەسىن قايتا تەكسەرۋ جۇيەسىندە (https://ops.hycj.jrycn.cn/f/xjbscjfh) جاريالانادى، ناتيجەسىن قايتا تەكسەرۋدى ءوتىنىش ەتكەن ەمتيحان بەرۋشىلەردىڭ ناتيجەسىن دەر كەزىندە قايتا تەكسەرۋ جۇيەسىنە شىعىپ قايتا تەكسەرۋ ناتيجەسىن سۇراستىرۋىن وتىنەمىز. ەگەر ناتيجەنى قايتا تەكسەرۋ سەبەبىنەن بەتپە - بەت ەمتيحانعا اسەر ەتسە، وقۋ - اعارتۋ مينيسترلىگىنىڭ وقۋ - اعارتۋ ەمتيحان مەكەمەسى ەمتيحان بەرۋشىلەرگە تولىقتاپ تىزىمدەلۋ ارناسىن اشادى.