جاڭا فورماداعى جۇمىستانۋشىلارعا بىرگە كومەكتەسەيىك اتتى نىسان باستالدى، شينجياڭداعى جاڭا فورمادا جۇمىستانۋشىلاردىڭ اراسىنداعى قيىنشىلىققا ۇشىراعانداردىڭ ءوتىنش بەرۋىنە بولادى 

تيانشان تورابى – شينجياڭ گازەتىنىڭ ءتىلشىسى جاڭ يۇنمەي حابارلايدى. جۋىقتا اۆتونوميالى رايوندىق پارتكومنىڭ قوعامدىق قىزمەت ءبولىمى جەتەكشىلىك ەتكەن، شينجياڭ ەرىكتى قىزمەت وتەۋ قور قوعامى ناقتى اتقارعان جاڭا فورمادا جۇمىستانۋشىلار اراسىنداعى قيىنشىلىققا ۇشىراعاندارعا قامقورلىق جاساۋ جانە ولاردى سۇيەمەلدەۋ ماقساتىنداعى ”جاڭا فورمادا جۇمىستانۋشىلارعا بىرگە كومەكتەسەيىك“ اتتى ەرىكتى قىزمەت وتەۋ نىسانى رەسمي باستالدى. اتالعان نىساندا ”ەرىكتى قىزمەت وتەۋ + قارجىلاي كومەك بەرۋ“ سىندى قوس ارنالى قامقورلىق ۇلگىسى جاسامپازدىقپەن اتقارىلعان، مۇنداعى ماقسات — شينجياڭ بويىنشا جاڭا فورمادا جۇمىستانۋشىلار اراسىنداعى جۇمىس بارىسىندا كەزدەيسوق جاعدايعا تاپ بولىپ، اۋىر دارەجەدە زاقىمدالعان نەمەسە سالماقتى اۋرۋعا شالدىققانى تۇراقتاندىرىلعان ەڭبەكشىلەرگە دالمە – ءدال كومەكتەسۋ جانە مەيىر باعىشتاپ، قامقورلىق جاساۋ.

نىسانعا ءوتىنىش بەرۋ ۋاقىتى 2026 – جىلى 10 – ايدىڭ 30 – كۇنىنەن 11 – ايدىڭ 30 – كۇنىنە دەيىن. قامقورلىق جاساۋ – كومەكتەسۋ وبيەكتىلەرى شينجياڭدا ءۇرتىس 3 اي نەمەسە سودان استام ۋاقىت جۇمىس ىستەگەن، جۇمىس بارىسىندا كەزدەيسوق جاعدايعا تاپ بولىپ، اۋىر دارەجەدە زاقىمدالعان نەمەسە سالماقتى اۋرۋعا شالدىققانى تۇراقتاندىرىلعان جۇك تاسىمالى اۆتوموبيلىنىڭ شوفەرلەرى، ينتەرنەت ارقىلى شاقىرىلاتىن تاكسي شوفەرلەرى، جەدەل جولداما جەتكىزۋشىلەر، ينتەرنەت ارقىلى شاقىرىلاتىن زات جەتكىزۋشىلەر قاتارلى جاڭا فورمادا جۇمىستانعان ەڭبەكشىلەر اراسىنداعى قيىنشىلىققا ۇشىراعان ادامدار.

قامقورلىق جاساۋ - سۇيەمەلدەۋ مازمۇنى ەرىكتى قىزمەت وتەۋ ءتۇرى بويىنشا قامقورلىق جاساۋ - سۇيەمەلدەۋ جانە قارجىلاي كومەكتەسۋ سىندى ەكى جاقتى قامتيدى. مۇنىڭ ىشىندە، ەرىكتى قىزمەت وتەۋ ءتۇرى بويىنشا قامقورلىق جاساۋ – سۇيەمەلدەۋ تۇرلەرى تۇرمىستىق جاقتا كومەكتەسۋ، ەمدەۋ جانە دەنساۋلىق ساقتاۋ، وتباسىلىق قامقورلىق، پسيحولوگيالىق قامقورلىق، ۇقىق – مۇددەسىن قورعاۋ، كاسىپتىك جاقتان دەم بەرۋ قاتارلى التى ءتۇرلى جاقتان مەيىر باعىشتاپ، قۇنتتاي قىزمەت وتەۋدى قامتيدى. ءوتىنىش بەرۋشى ءىس جۇزىندىك قاجەتىنە قاراي ءوتىنىش تاپسىرادى، شارتقا ۇيلەسەتىن ءوتىنىش بەرۋشىلەرگە ادام باسىنا 2000 يۋاننان اسپايتىن ولشەم بويىنشا ەرىكتى قىزمەت وتەۋ، قامقورلىق جاساۋ – سۇيەمەلدەۋ فورماسىندا قىزمەت وتەلەدى؛ قارجىلاي كومەكتەسۋ ولشەمى ءار ادامعا 1000 يۋاننان 5000 يۋانعا دەيىن، جەكەلەر ءوتىنىش ەتۋ، قونىستانعان جەرىندەگى اۋىل – قالاشىق (ءمالى) العاشقى قادامدا تەكسەرۋ، اۋداندىق، قالالىق، رايوندىق پارتكومداردىڭ قوعامدىق قىزمەت ءبولىمى قايتا قاراپ، ايماقتىق، وبلىستىق، قالالىق پارتكومداردىڭ قوعامدىق قىزمەت ءبولىمى قايتا تەكسەرىپ، اۆتونوميالى رايوندىق پارتكومنىڭ قوعامدىق قىزمەت ءبولىمى تەكسەرىپ بەكىتۋ سىندى ءتارتىپ بويىنشا اتقارىلادى.

كەلۋ قاينارى: حالىق تورابى