جۇڭگو كونسۋلحاناسى قاراستى رايونداعى جۇڭگو ازاماتتارىنا يندونەزيانىڭ اناكراكاتو جانار تاۋى اپاتىنان ساقتانۋدى ەسكەرتتى

جۇڭگو اقپارات تورابىنىڭ 11 – ايدىڭ 2 – كۇنى جاكارتادان بەرگەن حابارى. جۇڭگونىڭ ميانلاندا تۇراتىن باس كونسۋلحاناسى 11 – ايدىڭ 2 – كۇنى حابار جاريالاپ، قاراستى رايونداعى جۇڭگو ازاماتتارىنا اناكراكاتو جانار تاۋى اپاتىنان ساقتانۋعا كوڭىل ءبولۋدى ەسكەرتتى.

2026 – جىلى 10 – ايدىڭ 31 – كۇنىنەن بەرى، سۋندا بۇعازىنداعى اناكراكاتو جانار تاۋى (يندونەزيانىڭ نانشان ولكەسىنە جاتادى) كوپ رەت اتىلدى. يندونەزيانىڭ جانار تاۋ جانە گەولوگيالىق اپات زيانىن ازايتۋ ورتالىعى وسى جانار تاۋدىڭ ساقتىق دارەجەسىن ءۇشىنشى دارەجەلى ەتىپ بەلگىلەدى ءارى بۇقاراعا جانار تاۋ راديۋسىنان 5 كيلومەتر ارالىقتا ارەكەت جاساماۋدى ەسكەرتتى.

جۇڭگونىڭ ميانلاندا تۇراتىن باس كونسۋلحاناسى جۇڭگو ازاماتتارىنا يندونەزيانىڭ قاتىستى تاراۋلارى جاريالاعان ساقتىق ينفورماتسياسىنا قاداعالاي نازار اۋدارىپ، حاۋىپسىزدىك تانىمىن جوعارىلاتىپ، وزىندىك ساقتانۋدى كۇشەيتىپ، جانار تاۋ توڭىرەگىندەگى رايوندارعا بارۋدان ساقتانۋدى ەسكەرتتى.

ەگەر شۇعىل جاعدايعا تاپ بولساڭىزدار، دەر كەزىندە ساقشىعا مالىمدەڭىزدەر ءارى باس كونسۋلحانامەن بايلانىس جاساڭىزدار.