شەكارا اتتاعان شىرىكتەسۋگە قارسى تۇرۋ زاڭ جوباسىنىڭ 2 - رەت قارالاتىن نۇسقاسىندا شەكارا اتتاعان شىرىكتەسۋگە قارسى تۇرۋ قىزمەتى پرينسيپى تولىقتاندى

شينحۋا اگەنتتىگىنىڭ ءتىلشىسى سۇن شاۋلۇڭ، حۋ لياۋران 11 - ايدىڭ 2 - كۇنى بەيجيڭنەن حابارلايدى. 11 - ايدىڭ 2 - كۇنى 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 25 - رەتكى ءماجىلىسىنىڭ قاراۋىنا ۇسىنىلعان شەكارا اتتاعان شىرىكتەسۋگە قارسى تۇرۋ زاڭ جوباسىنىڭ 2 - رەت قارالاتىن نۇسقاسىندا زاڭ شىعارۋ ماقساتى اناعۇرلىم بايىتىلدى، كەمەلدەندىرىلدى، شەكارا اتتاعان شىرىكتەسۋگە قارسى تۇرۋ قىزمەتىنىڭ پرينسيپى تولىقتاندى. جوبانىڭ ەكىنشى رەت قارالاتىن نۇسقاسىنا ”شىرىكتەسۋگە قارسى تۇرۋ جاعىنداعى ءادىل، ۇيلەسىمدى الەمدىك جونگە سالۋ جۇيەسىن ورناتۋدى ىلگەرىلەتۋ“ قاتارلى بەلگىلەمەلەر قوسىلدى، سونىمەن بىرگە ”شەكارا اتتاعان شىرىكتەسۋگە قارسى تۇرۋ قىزمەتىندە قاتاڭ تۇردە نەگىزگى زاڭ مەن زاڭ – ءتۇزىمدى نەگىز ەتىپ، زاڭدا بەلگىلەنگەن تارتىپكە بويسۇنۋ، ادامدىق ۇقىققا قۇرمەت ەتۋ جانە ونى قورعاۋ كەرەك ەكەندىگى“ ايقىن تۇراقتاندىرىلدى.

جوبانىڭ 2 - رەت قارالاتىن نۇسقاسىندا قاتىستى ورگانداردىڭ شەكارا اتتاعان شىرىكتەسۋگە قارسى تۇرۋ قىزمەتىندە ينفورماتسيالاندىرۋ ءتاسىلىن قولدانۋى جونىندە بەلگىلەمە شىعارىلعان، ”قاتىستى ورگاندار مەن ولاردىڭ قىزمەتكەرلەرىنىڭ باقىلاۋ، تەكسەرۋ بارىسىندا ۇعىسقان مەملەكەت قۇپيالىعىن، قىزمەت قۇپيالىعىن، ساۋدا قۇپيالىعىن، جەكەلىك قۇپيالىق پەن جەكەلەردىڭ ينفورماتسياسىن زاڭ بويىنشا قۇپيا ۇستاۋعا مىندەتتى“ دەگەن بەلگىلەمە قوسىلعان.

مۇنان سىرت، جوبانىڭ 2 – رەت قارالاتىن نۇسقاسىندا شەكارا اتتاعان تيجاراتپەن شۇعىلداناتىن ەل ىشىندەگى كاسىپورىندار كاسىپورىن كولەمى، جۇمىس كولەمى، حاۋىپ – قاتەردەن ساقتانۋ جانە ونى تىزگىندەۋ قاتارلى فاكتورلارعا نەگىزدەلە وتىرىپ، پاكتىك جاعىنداعى ەرەجەگە ساي باسقارۋ ءبولىمىن نەمەسە قاتىستى قىزمەتكەرلەردى ۇيلەسىمدى ورنالاستىرۋى كەرەك دەپ انىق بەلگىلەنگەن.

كەلۋ قاينارى: حالىق تورابى