سۋىق اعىستان ساقتانىڭىز! 11 - ايدا سۋىق اعىس ەلىمىزگە 4 رەت ىقپال جاسايدى

بۇگىن تۇستەن بۇرىن، جۇڭگو اۋا رايى مەڭگەرمەسى اقپار جاريالاۋ ءماجىلىسىن اشىپ، 11 – ايداعى اۋا رايىنىڭ بەتالىسى جونىندە بولجام جاسادى. ورتالىق اۋا رايى ستانسياسىنىڭ مەجەلەۋىنشە، 11 - ايدا 4 رەتكى سۋىق اعىس ەلىمىزگە ىقپال جاسايدى، تۋىلۋ جيىلىگى بۇرىنعى جىلدارداعى وسى مەزگىلدەگىگە (4.47 رەت) جۋىقتايدى؛ سۋىق اعىستىڭ كۇشەمەلىلىگى ”باستابىندا كۇشتى بولىپ، سوڭىندا السىرەۋ“ سىندى ەرەكشەلىككە يە بولادى، الداعى 2 اپتادا 2 رەتكى سۋىق اعىس بايقالادى.

مۇندا، 11 – ايدىڭ 5 - كۇنىنەن 7 - كۇنىنە دەيىنگى سۋىق اعىس ءبىرشاما كۇشتى بولادى، ىشكى موڭعۇل، شىعىس - سولتۇستىك ءوڭىر، سولتۇستىك جۇڭگودان چاڭجياڭنىڭ وڭتۇستىگىندەگى وڭىرلەرگە دەيىنگى جەرلەردە سولتۇستىكتەن وڭتۇستىككە قاراي تەمپەراتۋرا 4 - 8 گرادۋس تومەندەيدى، ءىشىنارا جەرلەردە تەمپەراتۋرانىڭ تومەندەۋ مولشەرى 10 گرادۋستان اسادى؛

11 - ايدىڭ 12 - كۇنىنەن 16 - كۇنىنە دەيىن سۋىق اعىسى نەگىزىنەن شينجياڭ، باتىس - سولتۇستىك ءوڭىر، سولتۇستىك جۇڭگو، شىعىس - سولتۇستىك ءوڭىر جانە حۋاڭحى - حۋايحى الابى قاتارلى جەرلەرگە ىقپال جاسايدى.

11 - ايدا سولتۇستىكتەگى وڭىرلەردە سۋىق اعىس كەزەڭدىك جاقتان ءبىرشاما كۇشتى بولادى، كەزەڭدىك تومەن تەمپەراتۋرا، قالىڭ قار جاۋۋ جانە قىراۋ ءتۇسۋ سىندى اۋا رايىندىق اپاتتار تۋىلۋى مۇمكىن. سولتۇستىك جۇڭگو، ىشكى موڭعۇلدىڭ باتىس بولىگى جانە شىعىس – سولتۇستىك بولىگى، باتىس - سولتۇستىك ءوڭىردىڭ ورتا - سولتۇستىك بولىگى، شينجياڭنىڭ كوپ ءبولىم جەرلەرى، شيزاڭنىڭ شىعىس – وڭتۇستىك بولىگى قاتارلى جەرلەردە جاۋىن – شاشىن مەجەمەن ادەتتەگى سول تۇستاعىدان كوبىرەك بولادى، ءبىرشاما زور كەزەڭدىك جاۋىن – قار جاۋۋ اپاتىنىڭ تۋىلۋ حاۋپى بار. قۇرىلعىلى اۋىل شارۋاشىلىعى مەن مال شارۋاشىلىعى سالاسىندا سۋىقتان ساقتانۋ، بورانعا توتەپ بەرۋ جاقتارىنداعى دايىندىقتى الدىن الا ويداعىداي ىستەۋ؛ قاتىناس، ەنەرگيا جانە ەلەكتر قۋاتى تاراۋلارى تومەن تەمپەراتۋرا، جاڭبىر مەن قار اپاتىنا بايلانىستى شۇعىل جاعدايعا توتەپ بەرۋ جوسپارىن ويداعىداي دايىنداۋى كەرەك.

(باس ستانسيا ورتالىق تەلەۆيزيا ءتىلشىسى ۋ ۋەي)

كەلۋ قاينارى: حالىق تورابى