2027 – جىلعى ارمياعا اكىمشىلىك قىزمەتكەرلەردى اشىق تۇردە ەمتيحان الۋ ارقىلى قابىلداۋ قىزمەتى جالپى بەتتىك باستالدى 

شينحۋا اگەنتتىگى، 11 - ايدىڭ 4 – كۇنى، بەيجيڭ. قوعامداعى تاڭداۋلى دارىندىلاردى ارميا قۇرىلىسىنا قىزمەت وتەۋگە كەڭ كولەمدە ۇسىنىس ەتۋ ءۇشىن، ورتالىق اسكەري ىستەر كوميتەتى ساياسي قىزمەت ءبولىمى جۋىردا 2027 - جىلى ارمياعا اكىمشىلىك قىزمەتكەرلەردى اشىق تۇردە ەمتيحان الۋ ارقىلى قابىلداۋ قىزمەتىن ورىستەتۋ جونىندە ورنالاستىرۋ جاسادى.

ەمتيحان بەرۋشىلەردىڭ 2026 – جىلى 11 – ايدىڭ 5 – كۇنى ساعات 8:00 دەن 11 – ايدىڭ 10 – كۇنى ساعات 18:00 گە دەيىن ارميانىڭ دارىندىلار تورابىنا شىعىپ، ينتەرنەت ارقىلى تىزىمدەلۋىنە بولادى. بۇكىل ارميا بويىنشا ءبىرتۇتاس جازباشا ەمتيحان الۋ 2026 – جىلى 12 – ايدىڭ 13 – كۇنى بۇكىل ەلىمىزدەگى توتە قاراستى قالالاردا، ولكە ورتالىعىندىق قالالاردا، اۆتونوميالى رايون ورتالىعىندىق قالالاردا جانە باسقا دا ءبىر ءبولىم قالالاردا ءبىر ۋاقىتتا وتكىزىلەدى. جوسپارعا ساي، 2027 – جىلى 5 – ايدان باستاپ تەكسەرىپ بەكىتۋ قىزمەتى ورىستەتىلەدى. وسى رەتكى اشىق تۇردە ەمتيحان الۋ ارقىلى قابىلداۋدا ارميا قۇرىلعاندىعىنىڭ 100 جىلدىعى كۇرەس نىساناسىن ۋاعىندا جۇزەگە اسىرۋدى، اكىمشىلىك قىزمەتكەرلەر قوسىنىنىڭ ساپالى دامۋىن ىلگەرىلەتۋدى كوزدە ۇستاپ، ساياسي وتكەلدى قاتاڭ يگەرىپ، تاڭداۋلىلاردى سارالاۋ باعدارىن بەكەمدەپ، ادىلدىك پەن ادىلەتتىلىككە تاباندى بولىپ، ءتۇزىم مەحانيزمىن كەمەلدەندىرىپ، قابىلداۋ ونىمدىلىگىن ۇزدىكسىز جوعارىلاتۋ كەرەك. ورتالىق اسكەري ىستەر كوميتەتى ساياسي قىزمەت ءبولىمىنىڭ اكىمشىلىك قىزمەتكەرلەردى باسقارۋ تاراۋلارى قاتىستى تاراۋلارمەن بىرگە تاماشا ەمتيحان ءتارتىبىن قورعاپ، اشىق، ءادىل، جۇيەلى دە ءتارتىپتى ەمتيحان ورتاسىن جاراتادى.

كەلۋ قاينارى: حالىق تورابى