«بازاردى باقىلاۋ - باسقارۋ ورنى جونىندەگى ەرەجە» وسى ايدان باستاپ اتقارىلدى

2026 - جىلى 11 - ايدىڭ 1 - كۇنىنەن باستاپ اتقارىلعان «بازاردى باقىلاۋ - باسقارۋ ورنى جونىندەگى ەرەجە» بازاردى باقىلاۋ - باسقارۋ ورنى قۇرىلىسى مەن باسقارۋدى ارناۋلى تۇردە ارناعا تۇسىرگەن تۇڭعىش اكىمشىلىك ەرەجە بولىپ، نەگىزگى ساتىداعى بازاردى باقىلاۋ - باسقارۋ ءتۇزىلىسىنىڭ رەفورما جاساپ، رەتتەۋدەن وتكەندىگىن، تۇزىمدىك قالىپتانۋدىڭ جاڭا كەزەڭىنە رەسمي قادام تاستاعاندىعىن اڭعارتادى.

قازىر ەلىمىزدىڭ شارۋاشىلىق تۇلعالارىنىڭ سانى ۇزدىكسىز ارتىپ، بازار ساۋداسى فورماسى اناعۇرلىم كوپ نەگىزدى بولدى. مەملەكەتتىك كەڭەستىڭ مونوپولياعا قارسى تۇرۋ، ۇيلەسىمسىز باسەكەگە قارسى تۇرۋ كوميتەتى ماماندار اقىل - كەڭەس بەرۋ گرۋپپاسىنىڭ مۇشەسى، جۇڭگو حالىق داشۋەسى زاڭ شۋەيۋانىنىڭ باستىعى ياڭ دۇڭ: ”«ەرەجە» بازاردى باسقارۋ قاجەتى جونىندە جاۋاپ بەرىپ، بازاردى باقىلاۋ - باسقارۋ ورنىنىڭ مىندەتى مەن جاۋاپكەرشىلىگىن، ىسكە قوسىلۋ مەحانيزمىن، مىندەت اتقارۋ ولشەمىن جۇيەلى بەلگىلەدى“، - دەدى.

«ەرەجەدە» اكىمشىلىك زاڭ – ەرەجە فورماسىندا بازاردى باقىلاۋ – باسقارۋ ورنىنىڭ قىزمەت جاۋاپكەرشىلىگى مەن مىندەت اتقارۋىنا قويىلاتىن تالاپ ايقىن بەلگىلەنىپ، باقىلاۋ – باسقارۋدىڭ كەمشىل بولۋىنان ساقتانۋعا ءارى نەگىزگى ساتىعا مىندەتتى ۇيلەسىمسىز جوتكەپ، ولاردىڭ مىندەت ارقالاۋ قۋاتىنان ارتىق مىندەت بەرۋدەن ساقتانۋعا ءتيىمدى. بازاردى باقىلاۋ – باسقارۋ باس مەڭگەرمەسى زاڭ – ەرەجەلەر مەڭگەرمەسىنىڭ قاتىستى جاۋاپتىسى بىلاي دەپ تانىستىردى: «ەرەجەدە» باقىلاۋ – باسقارۋ قىزمەتىن حالىق ءۇشىن ىستەۋ سىندى ايقىن باعدار تولىق ايگىلەنگەن. بارشا تۇتىنۋشىلار جونىنەن العاندا، «ەرەجە» بازاردى باقىلاۋ - باسقارۋ ورىندارىنىڭ قابىلداعان ارىز – شاعىمدار مەن اشكەرەلەۋلەردى ءبىرجاقتى ەتۋ، ساياساتتى ۇگىتتەۋ جانە حالىققا قولايلى قىزمەت وتەۋ سىندى قىزمەت جاۋاپكەرشىلىگىن اناعۇرلىم ويداعىداي اتقارۋىن ىلگەرىلەتەدى، جۇرتشىلىقتىڭ شۇعىل، قيىن، ۋايىمداعان، ءزارۋ ماسەلەلەرىن نەگىزگى ساتىدا شەشۋدى، بازار حاۋىپ - قاتەرىن ءبىرىنشى شەپتە جويۋدى ىلگەرىلەتۋگە ءتيىمدى.

كەلۋ قاينارى: حالىق تورابى