«اۋىل – قىستاقتاعى كوللەكتيۆتىك ەكونوميكالىق ۇيىمداردى تىزىمگە الۋ ءادىسى (سىناق رەتىندە اتقارىلادى)» وسى ايدان باستاپ اتقارىلادى 

جۋىردا اۋىل شارۋاشىلىعى جانە اۋىل – قىستاق مينيسترلىگى «اۋىل – قىستاقتاعى كوللەكتيۆتىك ەكونوميكالىق ۇيىمداردى تىزىمگە الۋ ءادىسىن (سىناق رەتىندە اتقارىلادى)» جاريالادى، بۇل ءادىس 2026 – جىلى 11 – ايدىڭ 1 – كۇنىنەن باستاپ اتقارىلادى.

اۋىل شارۋاشىلىعى جانە اۋىل – قىستاق مينيسترلىگى زاڭ - ەرەجە باسقارماسىنىڭ قاتىستى جاۋاپتىسى بىلاي دەپ تانىستىردى: بىلتىر 5 – ايدا «جۇڭحۋا حالىق رەسپۋبليكاسىنىڭ اۋىل – قىستاقتاعى كوللەكتيۆتىك ەكونوميكالىق ۇيىمدار زاڭى» اتقارىلعان، تىزىمگە الۋ ءادىسى ماڭىزدى سايكەستى ءتۇزىم رەتىندە، اۋىل – قىستاقتاعى كوللەكتيۆتىك ەكونوميكالىق ۇيىمداردى قۇرۋ جانە وزگەرتۋدى تىزىمگە الۋ، ۋستاۆتا ايقىن بەلگىلەنگەن ىستەر، اتىن ولشەمدەندىرۋ، كۋالىك الۋ ءتارتىبى، بىرىكتىرۋ – ءبولىنۋ ءتارتىبى قاتارلى مازمۇنداردى قامتيتىندىعىن ايقىنداپ، اۋىل – قىستاقتاعى كوللەكتيۆتىك ەكونوميكالىق ۇيىمداردىڭ جۇيەلى اينالىمىن ىلگەرىلەتەدى.

تىزىمگە الۋ ءادىسىندە مىنالار تالاپ ەتىلگەن: تىزىمگە الدىرۋعا ءوتىنىش بەرگەن كەزدە، ءوتىنىش كەستەسى مەن سايكەستى ىسپات ماتەريالداردى تاپسىرۋ قاجەت؛ بىرىكتىرىلگەن، بولىنگەن نەمەسە ينفورماتسياسى وزگەرگەن جاعدايدا، سونداي – اق، بىرىكتىرۋ، ءبولىنۋ قاتارلى سەبەپتەرمەن كۇشىنەن قالدىرىلعانىن تىزىمگە الدىرۋ قاجەت بولعان جاعدايدا، اسىلگى تىزىمگە العان ورگانعا ءوتىنىش تاپسىرۋ ءارى قاتىستى ماتەريالداردى تاپسىرۋى كەرەك. كۇشىنەن قالدىرىلعاننان كەيىن، كوللەكتيۆتىك مال – مۇلىك بىرىكتىرىلگەن، ءبولىنىپ قۇرىلعان اۋىل – قىستاقتاعى كوللەكتيۆتىك ەكونوميكالىق ۇيىمداردىڭ مۇشەلەرىنىڭ كوللەكتيۆ مەنشىگىندە بولادى، ونى مۇشەلەردىڭ جەكە – جەكە يەلەۋىنە بولمايدى.

كەلۋ قاينارى: حالىق تورابى