2026.11.16 15:42 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى 11 - ايدىڭ 13 - كۇنى مىنانى جاريالادى: ازيا − تىنىق مۇحيت ەكونوميكالىق سەلبەستىك ۇيىمىنىڭ 33 - رەتكى باسشىلار بەيرەسمي ءماجىلىسى 11 - ايدىڭ 18 -، 19 - كۇندەرى شىنجىندا وتكىزىلەدى، ءماجىلىستىڭ نەگىزگى تاقىرىبى: ”ازيا − تىنىق مۇحيت ءوڭىرى ورتاق تۇلعاسىن قۇرىپ، بىرگە گۇلدەنۋدى جەبەۋ“. مەملەكەت ءتوراعاسى شي جينپيڭ ءماجىلىستى باسقارادى ءارى ءسوز سويلەيدى.
ازيا − تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلار كەڭەسى 11 - ايدىڭ 17 -، 18 - كۇندەرى شىنجىندا وتكىزىلەدى، ءماجىلىستىڭ نەگىزگى تاقىرىبى − ”گۇلدەنۋدى بىرگە جەبەپ، بولاشاقتا بىرگە يگىلىككە كەنەلۋ“. مەملەكەت ءتوراعاسى شي جينپيڭ باستالۋ سالتىنا قاتىناسادى ءارى ارقاۋ ءسوز سويلەيدى.
ءماجىلىس كەزىندە ءتوراعا شي جينپيڭ ماجىلىسكە قاتىناسقان ەكونوميكالىق تۇلعالاردىڭ باسشىلارىنا نەمەسە ۋاكىلدەرىنە ارناپ قارسى الۋ قوناعاسىن بەرەدى ءارى شەتەل باسشىلارىمەن ەكى جاقتى كەڭەس وتكىزەدى.
شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى (تىلشىلەر سۇن نان، ساۋ جيايۋە). مەملەكەت ءتوراعاسى شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنىڭ (APEC) 33 - رەتكى باسشىلار بەيرەسمي ماجىلىسىنە جانە قاتىستى قيمىلدارعا قاتىناسادى. سىرتقى ىستەر مينيسترلىگىنىڭ مالىمدەمەشىسى ماۋ نيڭ 11 - ايدىڭ 13 - كۇنى بىلاي دەدى: جۇڭگو جاق ءار جاقتىڭ ونان ارى ورتاق تانىم ۇيىستىرىپ، باسشىلار شىنجىن جارناماسىن جاساپ، ساۋدا، ۇلاستىرۋ - تۇتاستىرۋ، سيفرلى ەكونوميكا جانە جاساندى زەردە سياقتى ماڭىزدى سالالاردا اناعۇرلىم كوپ ناقتى جەتىستىكتەرگە قول جەتكىزىپ، ازيا − تىنىق مۇحيت ءوڭىرىنىڭ، ءتىپتى، دۇنيە ءجۇزىنىڭ گۇلدەنىپ - كوركەيۋىنە، ەكونوميكالىق ارتۋىنا پارمەندى قوزعاۋشى كۇش ۇستەۋىن ءۇمىت ەتەدى.
ماۋ نيڭ كەزەكتى تىلشىلەر جينالىسىندا بىلاي دەدى: بيىل جۇڭگونىڭ ارادا 12 جىل وتكەننەن كەيىن تاعى دا APEC وتاعاسى ەلى مىندەتىن ارقالاۋى. ءبىر جىلدان بەرى APEC ”جۇڭگو جىلىنىڭ“ جەتىستىكتەرى سۇبەلى بولدى. جۇڭگو جاق APECكە مۇشە ەكونوميكالىق تۇلعالارمەن بىرگە ”ازيا - تىنىق مۇحيت ءوڭىرى ورتاق تۇلعاسىن قۇرىپ، بىرگە گۇلدەنۋدى جەبەۋ“ نەگىزگى تاقىرىبى مەن ”ەسىك اشۋ، جاڭالىق اشۋ، سەلبەسۋ“ سىندى ءۇش ۇلكەن الدىمەن ەسكەرىلەتىن سالانى ارقاۋ ەتىپ، APECتىڭ 300دەن استام ءتۇرلى ءماجىلىسى مەن قيمىلىن ءساتتى وتكىزدى، بۇل جەلىلەس جوعارى دارەجەلى باسشىلار كەڭەسىن جانە قاتىستى ماجىلىستەردى، ايەلدەر، ساۋدا، ساياحات، ورمان شارۋاشىلىعى، استىق حاۋىپسىزدىگى، ورتا، شاعىن كاسىپورىندار، ەنەرگيا، ادام كۇشى بايلىعى، قاتىناس، قازىنا سياقتى 10 رەتكى ارنايى مينيسترلەر ءماجىلىسى مەن سيفرلى اپتالىق جوعارى دارەجەلىلەر قيمىلىن قامتيدى. ماجىلىسكە قاتىناسقان ۋاكىلدەر 10 مىڭ ادامنان (رەت) اسىپ، ءبىر قىدىرۋ سەلبەستىك ورتاق تانىمى جاسالىپ، الدا وتكىزىلەتىن شىنجىن APEC باسشىلار بەيرەسمي ماجىلىسىنە بەرىك نەگىز قالادى.
”كەلەر اپتادا APECتىڭ 33 - رەتكى باسشىلار بەيرەسمي ءماجىلىسى شىنجىندا وتكىزىلەدى“. ماۋ نيڭ بىلاي دەدى: ”ءبىز ءار جاقتىڭ ونان ارى ورتاق تانىم ۇيىستىرىپ، باسشىلار شىنجىن جارناماسىن جاساپ، ساۋدا، ۇلاستىرۋ - تۇتاستىرۋ، سيفرلى ەكونوميكا جانە جاساندى زەردە سياقتى ماڭىزدى سالالاردا اناعۇرلىم كوپ ناقتى جەتىستىكتەرگە قول جەتكىزىپ، ازيا − تىنىق مۇحيت ءوڭىرىنىڭ، ءتىپتى، دۇنيە ءجۇزىنىڭ گۇلدەنىپ - كوركەيۋىنە، ەكونوميكالىق ارتۋىنا قۋاتتى قوزعاۋشى كۇش ۇستەۋىن ءۇمىت ەتەمىز“.