جۇڭگونىڭ جاپونيادا تۇراتىن ەلشىحاناسىنىڭ مالىمدەمەشىسى جاپونيانى ەلشىحاناعا باسىپ كىرگەن جەندەتتىك قىلمىسكەردى زاڭ بويىنشا قاتاڭ جازالاۋعا قۋزادى

شينحۋا اگەنتتىگىنىڭ 11 – ايدىڭ 10 – كۇنى توكيودان بەرگەن حابارى. جۇڭگونىڭ جاپونيادا تۇراتىن باس ەلشىحاناسىنىڭ مالىمدەمەشىسى 11 – ايدىڭ 10 – كۇنى مۋراتا كودايدىڭ زاڭسىز پىشاق الىپ جۇڭگونىڭ جاپونيادا تۇراتىن باس ەلشىحاناسىنا باسىپ كىرۋ دەلوسىنا ەكىنشى رەت سوت اشقانى جونىندە تىلشىلەردىڭ سۇراۋىنا جاۋاپ بەرگەندە بىلاي دەدى: قاتىستى دەلونىڭ فاكتى انىق، دالەل – ىسپاتى تولىق، جالتارۋعا بولمايدى، جاپونيا جاقتى جەندەتتىك قىلمىسكەردى زاڭ بويىنشا قاتاڭ جازالاۋعا قۋزايمىز، ونىڭ قىلمىس جاۋاپكەرشىلىگىنەن قۇتىلۋىنا بولمايدى.

جاپونيانىڭ توكيو جەرگىلىكتى سوت مەكەمەسى 11 – ايدىڭ 10 - كۇنى جاپونيانىڭ ءوزىن قورعاۋ اترەتىنىڭ مىندەت وتەپ جاتقان ءمانساپتىسى مۋراتا كودايدىڭ جۇڭگونىڭ جاپونيادا تۇراتىن باس ەلشىحاناسىنا باسىپ كىرۋ دەلوسىنا تاعى دا سوت اشتى، جاپونيانىڭ پروكۋراتۋرا ورگانى ونى 18 اي قاماۋعا الۋدى ۇسىنىس ەتتى، اقتاۋشى جاق اقشالاي ايىپ سالۋدى تالاپ ەتتى.

جۇڭگونىڭ جاپونيادا تۇراتىن ەلشىحاناسىنىڭ مالىمدەمەشىسى سول كۇنى مىنانى ءبىلدىردى: جاپونيا ءوزىن قورعاۋ اترەتىنىڭ مىندەت وتەپ جاتقان ءمانساپتىسى پىشاق الىپ جۇڭگو ەلشىحاناسىنا باسىپ كىردى جانە دە تەررورلىق حاۋىبىن تۋدىردى، جۇڭگونىڭ يەلىك ۇقىعى جانە اتاق - ابىرويىنا اۋىر دارەجەدە زيان جەتكىزدى، جۇڭگو جاقتىڭ ديپلوماتيا قىزمەتكەرلەرىنىڭ جەكە باسىنىڭ حاۋىپسىزدىگى جانە ديپلوماتيا ورگاندارىنىڭ تۇرارجاي حاۋىپسىزدىگىنە اۋىر دارەجەدە زيان جەتكىزدى، «ۆەنا ديپلوماتيالىق بايلانىس كەلىسىم شارتىنا» اۋىر قايشىلىق جاسادى، جاپونيانىڭ ەل ىشىندەگى وڭ قانات كۇشتەرىنىڭ قۇتىرىنۋى، ءوزىن قورعاۋ اترەتىنىڭ قىزمەتكەرلەرىنىڭ باسقارۋسىز قالۋى، تاربيەسىز قالۋى قاتارلى اۋىر ماسەلەلەردى اشكەرەلەدى. قاتىستى دەلونىڭ فاكتى انىق، دالەل - ىسپاتى تولىق، جالتارۋعا بولمايدى. ءبىز جاپونيا جاقتى جەندەتتى زاڭ بويىنشا قاتاڭ جازالاۋعا قۋزايمىز، ونىڭ قىلمىس جاۋاپكەرشىلىگىنەن قۇتىلۋىنا بولمايدى، ءىس جۇزىندىك ارەكەتى ارقىلى قاتەلىكتى تۇزەتىپ، تۇبەگەيلى تەكسەرىپ، تۇزەتىپ، جۇڭگو جاققا جانە حالىقارالىق قوعامعا جاۋاپكەرشىلىكپەن جاۋاپ بەرۋگە تاعى دا قۋزايمىز.