جاڭادان وزگەرىس ەنگىزىلگەن سۋ زاڭى 2027 – جىلى 3 – ايدىڭ 22 – كۇنىنەن باستاپ اتقارىلادى

14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 25 – ءماجىلىسى 11 – ايدىڭ 6 - كۇنى جاڭادان وزگەرىس ەنگىزىلگەن سۋ زاڭىن داۋىسقا سالىپ ماقۇلدادى، بۇل 2027 – جىلى 3 – ايدىڭ 22 - كۇنىنەن باستاپ اتقارىلادى.

جاڭادان وزگەرىس ەنگىزىلگەن سۋ زاڭى جالپى ەرەجە، سۋ بايلىعىن جوبالاۋ، سۋ بايلىعىن قورعاۋ جانە اشۋ، پايدالانۋ، سۋ بايلىعىن ورنالاستىرۋ جانە ۇنەمدەپ پايدالانۋ، وزەن، كولدەردى باسقارۋ جانە قورعاۋ، سۋ ينجەنەرياسى قۇرىلىسى مەن اينالىمى، سۋ ىستەرى داۋ – شارىن ءبىر جاقتى ەتۋ جانە باقىلاۋ - تەكسەرۋ، زاڭدىق جاۋاپكەرشىلىك، قوسىمشا ەرەجە قاتارلىلاردى قامتيدى.

زاڭدا بىلاي دەپ بەلگىلەنگەن: سۋ بايلىعىن قورعاۋ، اشۋ، پايدالانۋ، ۇنەمدەۋ، سۋ اپاتىنان ساقتانۋ جانە ونى جونگە سالۋدا پارتيا مەن مەملەكەتتىڭ لۋشيان، باعىت، ساياساتتارىن، شەشىمدەرى مەن ورنالاستىرۋلارىن جانە سۋدى جونگە سالۋ وي جەلىسىن دايەكتى تياناقتاندىرىپ، سۋ ۇنەمدەۋدى الدىمەن ويلاستىرۋعا، كەڭىستىك تەپە - تەڭدىگىنە، جۇيەلى جونگە سالۋعا، ۇكىمەتتىڭ رولى مەن بازار مەحانيزمىن سايكەستىرۋگە تاباندى بولىپ، جاپپاي جوبالاۋ، ءبىرتۇتاس جوسپارلاپ، تەڭ ءمان بەرۋ، ۇستىنەن وڭاۋ مەن تۇبىرىنەن وڭاۋدى ۇشتاستىرۋ، جان - جاقتى پايدالانۋ، ونىمدىلىككە ءمان بەرۋ پرينسيپىنە بويسۇنىپ، سۋ بايلىعىنىڭ كوپ ءتۇرلى فۋنكسياسىن ساۋلەلەندىرىپ، سۋ بايلىعى، سۋ ەكولوگياسى، سۋ ورتاسى، سۋ اپاتىن جونگە سالۋدى ءبىرتۇتاس جوسپارلاۋ كەرەك.

كەلۋ قاينارى: حالىق تورابى