5 - كەزەكتى جۇڭگو شينجياڭ حالىقارالىق كوركەمونەر قوس جىلدىق كورمەسى 11 - ايدىڭ 9 - كۇنى اشىلادى

11 – ايدىڭ 5 – كۇنى، ءتىلشىنىڭ شينجياڭ اسەمونەر سارايىنان ۇعىسۋىنشا، ”قۇرلىقتاعى تاسۋ مەن قايتۋ — 5 – كەزەكتى جۇڭگو شينجياڭ حالىقارالىق كوركەمونەر قوس جىلدىق كورمەسى“ 11 – ايدىڭ 9 – كۇنى شينجياڭ اسەمونەر سارايىندا اشىلادى. كورەرمەندەر بەلەتتى شينجياڭ اسەمونەر سارايىنىڭ ۋيشين الەۋمەتتىك تەكشەسىنەن الۋىنا بولادى.

وسى كەزەكتى قوس جىلدىق كورمەگە 12 مەملەكەت پەن رايونداعى 73 كوركەمونەرشى الا كەلگەن 102 دانا (گرۋپپا) كورمە تۋىندىسى قاتىناسادى، كورمەگە قاتىناسقان تۋىندى سىزبا سۋرەت، ءمۇسىن، قۇرىلعى، كوركەمونەر فوتو سۋرەتى، بەينە - بايان، جاڭا مەديا كوركەمونەرى قاتارلى تۇرلەردى قامتيدى. كورمەدە ”جىلجىمالى جاسىل القاپ“، ”ورتا ازيانىڭ كوشى ـ قونى“، ”زەردەلى جاساۋدان جاڭالىققا ءوتۋ“ سىندى 3 ۇلكەن بولىك ورنالاستىرىلىپ، ەكولوگيانى قورعاۋ، ءوڭىر اتتاپ اۋىس ـ ءتۇيىس جاساۋ، جاڭالىق اشا دامۋ قاتارلى تۇرعىدان كىرىسىپ، تابيعات، گۋمانيتارلىق، عىلىم ـ تەحنيكامەن قاتار ءومىر ءسۇرۋ ۇستانىمىن كوپ نەگىزدى كوركەمونەر تىلىندە بەينەلەپ، جاڭا داۋىردەگى شينجياڭنىڭ ەسىك اشۋ ومىرشەڭدىك كۇشى مەن دامۋ جەتىستىكتەرىن ستەرولدى ايگىلەيدى.