قوعام حاۋىپسىزدىگى مينيسترلىگى ەكونوميكالىق قىلمىستىق ىستەردى تەكسەرۋ مەڭگەرمەسى: اۋىل شارۋاشىلىعى سالاسىندا زاڭسىز قارجى توپتاۋ قىلمىسىنان ساق بولىڭىزدار 

شينحۋا اگەنتتىگىنىڭ ءتىلشىسى لي ميڭحۇي 11 – ايدىڭ 4 – كۇنى بەيجيڭنەن حابارلايدى. قوعام حاۋىپسىزدىگى مينيسترلىگى ەكونوميكالىق قىلمىستىق ىستەردى تەكسەرۋ مەڭگەرمەسى 11 – ايدىڭ 4 – كۇنى اۋىل شارۋاشىلىعى سالاسىندا زاڭسىز قارجى توپتاۋعا ساياتىن قىلمىستىق دەلولاردان 8 تيپتىك دەلونى جاريالادى. بۇل 8 دەلودا قىلمىس كۇماندىلارى پايدالانعان ءتۇرلى تاسىلدەر اشكەرەلەنگەن، مۇنىڭ ىشىندە ”بۇلتتىق باعىمشىلىق شارۋاشىلىعى“ دەگەن جەلەۋمەن زاڭسىز قارجى توپتاۋ، ”ورمان ۇقىعىن وتكەرمەلەۋ“ دەگەن جەلەۋمەن زاڭسىز قارجى توپتاۋ قاتارلىلار بار.

بەيجيڭدەگى ءمالىم عىلىم – تەحنيكا سەرىكتەستىگى جۇرتتىڭ اماناتقا قويعان اقشاسىن زاڭسىز ءسىڭىرىپ الۋ كۇمانىنا شاتىلعان دەلودا، تەكسەرۋ ارقىلى بۇل سەرىكتەستىكتىڭ ءوزى جاساعان App قولدانباسىنا سۇيەنىپ، ينتەرنەت ارقىلى مال شارۋاشىلىعىن ۇگىتتەۋ دەگەن اتپەن، ”قوي باعىپ الۋ“ قاتارلى فينانستىق ونىمدەرىن ينتەرنەت ارقىلى اشىق تۇردە ۇگىتتەگەنى انىقتالعان. قارجى قوسۋشىلار ءاربىر قويدى 1000 يۋاننان ساتىپ الادى، سەرىكتەستىك ۋاقىتى تولعاندا قويلاردى سويىپ بەرۋگە ۋادە بەرەدى، قارجى قوسۋشىلار قوي ەتىن ناقتى زات رەتىندە تاڭداۋىنا نەمەسە ساتىلىم باعاسى بويىنشا جىلىنا %6.6 دان %12 كە دەيىنگى ارالىقتا ۇلەس الۋىنا بولادى. دەلو انىقتالعانعا دەيىن، 10 مىڭنان استام ادامنان جيىنى نەشە ءجۇز ميلليون يۋان قارجى توپتاعان. قازىر اتالعان دەلوداعى باستى قىلمىس كۇماندىلارى تۇتقىندالعان، دەلونى قازىر سوت مەكەمەسى تەكسەرۋدە.

ىشكى موڭعۇل حۇي X ورمان شارۋاشىلىعىن دامىتۋ سەرىكتەستىگى جۇرتتىڭ اماناتقا قويعان اقشاسىن زاڭسىز ءسىڭىرىپ الۋ كۇمانىن تۋدىرعان دەلودا، تەكسەرۋ ارقىلى بۇل سەرىكتەستىكتىڭ بۇكىل ەلىمىز بويىنشا 35 بولىمشە سەرىكتەستىك قۇرعانى، ينتەرنەت جانە ينتەرنەتتەن تىس ءتۇرلى فورمالار ارقىلى ورمان ۇقىعىن وتكەرمەلەپ الىپ، ۋاكىلدىك باسقارۋ – قورعاۋ دەگەن جەلەۋدەن پايدالانىپ، قارجى قوسۋشىلارمەن ماتەريالدىق ورماندى وتكەرمەلەۋ، باسقارۋ – قورعاۋ جانە اعاش ساتىپ الۋ قاتارلى جاقتاردا توقتام جاساپ، جوعارى مولشەردەگى جىلدىق ۇلەس بەرۋ جونىندە ۋادە بەرىپ، قوعامداعى جۇرتشىلىقتان قارجى توپتاعانى انىقتالعان. دەلو انىقتالعانعا دەيىن، 1000 نەشە ادامنان جيىنى ءجۇز ميلليون يۋاننان استام قارجى جيناپ العان. قازىر اتالعان دەلوداعى باستى قىلمىس كۇماندىلارى تۇتقىندالىپ، دەلو پروكۋراتۋرا ورگاندارىنىڭ تەكسەرىپ ايىپتاۋىنا جوتكەپ بەرىلگەن.

كەلۋ قاينارى: حالىق تورابى