پروكۋراتۋرا ورگانى ما شيڭرۇيدىڭ پارا الۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 11 – ايدىڭ 5 - كۇنى بەيجيڭنەن بەرگەن حابارى. ءتىلشىنىڭ 11 – ايدىڭ 5 – كۇنى ەڭ جوعارى حالىق پروكۋراتۋراسىنان ۇعىسۋىنشا، ج ك پ ورتالىق كوميتەتى ساياسي بيۋروسىنىڭ بۇرىنعى مۇشەسى، ورتالىقتىڭ اۋىل ـ قىستاق قىزمەتىنە باسشىلىق ەتۋ گرۋپپاسىنىڭ بۇرىنعى ورىنباسار باستىعى ما شيڭرۇيدىڭ پارا الۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتىپ، پروكۋراتۋرا ورگانىنىڭ تەكسەرىپ ايىپتاۋىنا وتكىزىپ بەرگەن. ەڭ جوعارى حالىق پروكۋراتۋراسى زاڭ بويىنشا پارا الۋ قىلمىسىمەن ما شيڭرۇيدى قولعا الۋ ۇيعارىمىن جاسادى ءارى حۋبەي ولكەسى يچاڭ قالالىق حالىق پروكۋراتۋراسىن تەكسەرىپ ايىپتاۋعا بەلگىلەدى. تاياۋدا يچاڭ قالالىق حالىق پروكۋراتۋراسى يچاڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر ما شيڭرۇيدىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. باقىلاۋ ورگانى بىلاي دەپ ايىپتادى: ايىپكەر ما شيڭرۇي جۇڭگو عارىش عىلىم – تەحنيكا توبى سەرىكتەستىگى پارتگرۋپپاسىنىڭ مۇشەسى، ورىنباسار باس ديرەكتورى، پارتگرۋپپاسىنىڭ شۋجيى، باس ديرەكتورى، گۋاڭدۇڭ ولكەلىك پارتكومنىڭ ورىنباسار شۋجيى، شىنجىن قالالىق پارتكومنىڭ شۋجيى، گۋاڭدۇڭ ولكەلىك پارتكومنىڭ ورىنباسار شۋجيى، ولكە باستعى، ج ك پ ورتالىق كوميتەتى ساياسي بيۋروسىنىڭ مۇشەسى قاتارلى مىندەتتەردەگى قىزمەت قولايلىلىعىنان جانە قىزمەت ۇقىعى نەمەسە ورنى قالىپتاستىرعان قولايلى شارت - جاعدايدان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە كوپ، زاڭ بويىنشا پارا الۋ قىلمىسىمەن قىلمىستىق ىستەر جاۋاپكەرشىلىگى قۋزاستىرىلادى.