بوران سوعادى، جاڭبىر، قار جاۋادى! تەمپەراتۋرا تومەندەيدى! شينجياڭنىڭ وسى اپتاداعى اۋا رايىنان مالىمەتتى كورىڭىزدەر

11 – ايدىڭ 9 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (11 – ايدىڭ 9 – كۇنىنەن 15 – كۇنىنە دەيىن) شينجياڭدا قيىس شىعىستان ءبىر رەت بوران سوعادى جانە ءبىر رەت جاڭبىر جاۋادى، قار جاۋادى، بوران سوعادى، بوراننان سوڭ، جاڭبىر، قار جاۋىپ تەمپەراتۋرا تومەندەيدى.

11 – ايدىڭ 11 – كۇنى كۇندىزدەن 14 – كۇنى تۇنگە دەيىن، سولتۇستىك شينجياڭنىڭ باسىم كوپ بولەگى مەن وڭتۇستىك شينجياڭنىڭ باتىس بولەگىندەگى تاۋلى وڭىرلەر، بايىنعولىن موڭعۇل اۆتونوميالى وبلىسىنىڭ تاۋلى وڭىرلەرى، تۇرپان قالاسىنىڭ سولتۇستىك بولەگىندەگى تاۋلى وڭىرلەر، قۇمىل قالاسى قاتارلى جەرلەردە سەبەزگى جاڭبىر نەمەسە جاڭبىر ارالاس قار جاۋىپ، سوڭى قارعا اينالادى. جۇيەدەن ىلە اڭعارى، بۇراتالا موڭعۇل اۆتونوميالى وبلىسى، تارباعاتاي ايماعىنىڭ سولتۇستىگى، التاي ايماعىنىڭ تاۋلى رايونى، شىحىزى قالاسى، ءۇرىمجى قالاسى، سانجى وبلىسى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر نەمەسە قار جاۋادى، ىلە اڭعارىنىڭ شىعىس بولەگىندەگى تاۋلى وڭىرلەر، تارباعاتاي ايماعىنىڭ سولتۇستىك بولەگىندەگى تاۋلى وڭىرلەر، بۇراتالا وبلىسىنىڭ تاۋلى وڭىرلەرى، سانجى وبلىسىنىڭ شىعىس بولەگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە قالىڭ جاڭبىر نەمەسە قار جاۋادى؛ سولتۇستىك شينجياڭنىڭ باسىم كوپ بولەگى مەن شىعىس شينجياڭدا قيىس سولتۇستىكتەن 5 بال اينالاسىندا بوران سوعادى، جەل وتىندە 9 دا 10 بال بوران سوعادى، سولتۇستىك شينجياڭنىڭ باسىم كوپ بولەگى مەن قۇمىل قالاسىنىڭ سولتۇستىگىندە ەڭ تومەن تەمپەراتۋرا 5 تە 8 سەلتسي گرادۋس تومەندەيدى.

شينجياڭ اۋا رايى ستانسياسى مىنانى ەسكەرتتى: الداعى ءبىر اپتادا سولتۇستىك شينجياڭدا جاۋىن ـ شاشىن كوپ بولادى، ىلە اڭعارىنىڭ شىعىس بولەگى، بۇراتالا وبلىسى، تارباعاتاي ايماعىنىڭ سولتۇستىك بولەگى، سانجى وبلىسىنىڭ شىعىس بولەگى قاتارلى جەرلەردەگى تاۋلى وڭىرلەردىڭ جاۋىن ـ شاشىن مولشەرى ءبىرشاما كوپ، بولادى، ءىشىنارا جول بولەكتەرىندە جول تايعاق بولىپ، وڭاي مۇز قاتادى، قاتىناس، ءجۇرىس ـ تۇرىس، ساياحات، ەگىن، مال شارۋاشىلىق وندىرىسىنە ءتيىمسىز ىقپال جاسايدى، قاتىستى تاراۋلاردىڭ ساقتانۋعا كوڭىل ءبولۋىن ءۇمىت ەتەمىز؛ قيىس شىعىستان سوققان بوران مەن ءىشىنارا جەرلەردەگى قىسقا ۋاقىتتىق قۇمدى بوراننان دا ويداعىداي ساقتانۋ جانە وعان توتەپ بەرۋ كەرەك.

كەلۋ قاينارى: حالىق تورابى