مەملەكەتتىك حالىق قۇرىلتايى تۇراقتى كوميتەتىنىڭ ساياحات زاڭىنىڭ اتقارىلۋىن تەكسەرۋ گرۋپپاسى ەكىنشى جالپى ءماجىلىسىن وتكىزدى

حالىق گازەتىنىڭ 11 - ايدىڭ 12 – كۇنى بەيجيڭنەن بەرگەن حابارى. مەملەكەتتىك حالىق قۇرىلتايى تۇراقتى كوميتەتىنىڭ ساياحات زاڭىنىڭ اتقارىلۋىن تەكسەرۋ گرۋپپاسى 11 - ايدىڭ 12 - كۇنى ەكىنشى جالپى ءماجىلىسىن اشىپ، زاڭنىڭ اتقارىلۋىن تەكسەرۋ بايانداماسىنىڭ نۇسقاسىن اقىلداستى، تالقىلادى. مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى شياۋ جيە، پىڭ چيڭحۋا، جاڭ چيڭۋي ماجىلىسكە قاتىناستى.

قاتىستى مالىمەتتەر مەن ۇسىنىس ـ پىكىرلەردى تىڭداعاننان كەيىن، جاڭ چيڭۋي بىلاي دەپ اتاپ كورسەتتى: وسى رەتكى زاڭنىڭ اتقارىلۋىن تەكسەرۋ قىزمەتى تىڭعىلىقتى، پارمەندى بولىپ، كەزەڭدىك تابىستارعا قول جەتكىزدى. باس شۋجي شي جينپيڭنىڭ ساياحات قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، زاڭنىڭ اتقارىلۋىن تەكسەرۋدى وراي ەتىپ، ساياحات زاڭىن اناعۇرلىم ويداعىداي دايەكتىلەندىرىپ، ويداعىداي اتقارىپ، ساياحات جاعىندا قۇدىرەتتى مەملەكەت بولۋ قۇرىلىسىنا اناعۇرلىم ويداعىداي قىزمەت ەتۋ جانە ونى ىلگەرىلەتۋ كەرەك. ءار جاقتىڭ ۇسىنىس ـ پىكىرلەرىن مۇقيات زەرتتەپ، قابىلداپ، ساياحات زاڭىنا وزگەرىس ەنگىزۋ قىزمەتىن جوعارى ساپامەن ويداعىداي ىستەپ، قاتىستى زاڭدىق ەرەجەلەردى، تۇزىمدەردى، ساياساتتاردى دەر كەزىندە جاساپ جانە كەمەلدەندىرىپ، ساياحات قىزمەتىن زاڭمەن جونگە سالۋ دەڭگەيىن ۇزدىكسىز جوعارىلاتۋ كەرەك. مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ بايانداماسىن تىڭداۋ، قاراۋ جانە كەيىنگى ىزىنە ءتۇسىپ باقىلاۋ قاتارلى قىزمەتتەردى تىڭعىلىقتى ىستەپ، زاڭدى اتقارۋ بارىسىندا ورىن تەۋىپ وتىرعان قيىنشىلىقتار مەن ماسەلەلەردى شىنايى شەشىپ، زاڭمەن باسقارۋ ارناسىندا ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك.

كەلۋ قاينارى: حالىق تورابى