ازاماتتىق زاڭنامانىڭ مۇراگەرلىك ەتۋ بولىمىنە ساياتىن تۇسىندىرمە جونىندە ەڭ جوعارى حالىق سوتى قوعامنان اشىق پىكىر الۋدا

«جۇڭحۋا حالىق رەسپۋبليكاسىنىڭ ازاماتتىق زاڭناماسىن» دۇرىس دايەكتى اتقارىپ، زاڭ قولدانۋدى بىرلىككە كەلتىرىپ، مۇراگەرلىك داۋ - شارى دەلولارىن زاڭ بويىنشا قاراۋ ءۇشىن، ەڭ جوعارى حالىق سوت مەكەمەسى سوت جۇرگىزۋ امالياتىمەن ۇشتاستىرىپ، «ەڭ جوعارى حالىق سوت مەكەمەسىنىڭ جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ مۇراگەرلىك ەتۋ بولىمىنە ساياتىن تۇسىندىرمەسىن (2) (پىكىر الۋ نۇسقاسى)» جازدى. قوعامنىڭ ءار سالاسىنداعىلاردىڭ پىكىرىن كەڭىنەن تىڭداپ، حالىق بۇقاراسىنىڭ كوڭىل ءبولىپ وتىرعان ماسەلەلەرىنە اناعۇرلىم ويداعىداي جاۋاپ قايتارۋ ءۇشىن، قوعامنان اشىق پىكىر الۋدا. قوعامداعى ءار سالانىڭ قۇندى پىكىرلەر بەرۋىن قارسى الامىز ءارى ۇسىنىس - پىكىر بەرگەندە ناقتى سەبەپتەردى ءتۇسىندىرۋىن وتىنەمىز. جازباشا پىكىردى بەيجيڭ قالاسى دۇڭچىڭ رايونى دۇڭجياۋمين كوشەسى 27 - ءنومىر، ەڭ جوعارى حالىق سوت مەكەمەسى ازاماتتىق ىستەر سوت 1 - كوللەگياسى ۋاڭ جىگاڭ دەگەن ادرەسكە سالۋ كەرەك، پوشتا ءنومىرى 100745؛ ەلەكتروندىق جولدامانى ەلەكتروندىق پوشتا ساندىعى jcbsfjs@163.com جولداۋ كەرەك، وسى رەتكى پىكىر الۋ ۋاقىتى 2026 – جىلى 11 – ايدىڭ 20 – كۇنىنە دەيىن.