تەحنيكالىق دارىندىلاردى باعالاۋعا قاتىستى بۇل ەرەجە جونىندە اشىق پىكىر الۋدا

ادام كۇشى بايلىعى جانە قوعامدىق قامتاماسىزداندىرۋ مينيسترلىگى 11 – ايدىڭ 12 - كۇنى «تەحنيكالىق دارىندىلاردى باعالاۋ ەرەجەسىن (پىكىر الۋ نۇسقاسى)» جاريالادى، جاريالانعان كۇننەن باستاپ 12 – ايدىڭ 12 – كۇنىنە دەيىن قوعامنان اشىق پىكىر الادى.

تەحنيكالىق دارىندىلاردى باعالاۋ ەرەجەسى ەلىمىزدىڭ تۇڭعىش تەحنيكالىق دارىندىلاردى باعالاۋ اكىمشىلىك زاڭدىق ەرەجەسى، مۇنداعى ماقسات تەحنيكالىق دارىندىلاردى باعالاۋ ساپاسىن جوعارىلاتىپ، ەڭبەكشىلەردىڭ زاڭدى ۇقىق - مۇددەسىن قامتاماسىزداندىرۋ، سونىمەن بىرگە، ەلىمىزدىڭ تەحنيكالىق دارىندىلاردى باعالاۋىنىڭ كاسىپ سالاسىنىڭ ءىس جۇزىندىك قاجەتىنە اناعۇرلىم جاناسۋىن ىلگەرىلەتىپ، ادام كۇشى بايلىعىن ورنالاستىرۋ ونىمدىلىگىن جوعارىلاتىپ، ەڭبەكشىلەردىڭ تەحنيكالىق جاقتان كاسىپتەنۋىن، تەحنيكالىق جاقتان كىرىسىن ارتتىرۋىن جەبەۋ.

پىكىر الۋ نۇسقاسىندا كاسىپتىك تولىمدىلىقتى باعالاۋ، كاسىپتىك ونەر دارەجەسىن تۇراقتاندىرۋ جانە ارناۋلى كاسىپتىك قابىلەتتى باعالاۋ قاتارلىلار ارناعا ءتۇسىرۋ كولەمىنە ەنگىزىلىپ، باعالاۋ ولشەمى، قۇرىلىم باسقارۋ، ەمتيحان ىستەرىن ارناعا ءتۇسىرۋ، كۋالىك باسقارۋ، سەلبەسىپ باقىلاۋ ـ باسقارۋ قاتارلى ءتۇزىم – ەرەجەلەر ورناتىلىپ جانە كەمەلدەندىرىلىپ، تەحنيكالىق دارىندىلاردى باعالاۋ قيمىلى تۇتاس ولشەم، تۇتاس بارىس بويىنشا ارناعا تۇسىرىلەدى.

اشىق پىكىر الۋ مەزگىلىندە بۇقارانىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ تورابىنا شىعۋ، حات جازۋ، ەلەكتروندىق جولداما جولداۋ قاتارلى فورمالار ارقىلى قۇندى پىكىر ايتۋىنا بولادى.

كەلۋ قاينارى: حالىق تورابى