بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.11.13 15:56 كەلۋ قاينارى : حالىق تورابى
11 ـ ايدىڭ 12 ـ كۇنى، شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتى اقپار جاريالاۋ ءماجىلىسىن اشىپ، «شينجياڭ ۇيعۇر اۆتونوميالى رايونىنىڭ وتباسى تاربيەسىن جەبەۋ ەرەجەسىنە» (تومەندە قىسقارتىلىپ «ەرەجە» دەلىنەدى) ۇگىت جۇرگىزىپ، تۇسىنىك جاسادى. «ەرەجە» اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 31 - ماجىلىسىندە قارالىپ ماقۇلداندى، بيىل 12 – ايدىڭ 1 - كۇنىنەن باستاپ رەسمي اتقارىلادى، شينجياڭنىڭ وتباسى تاربيەسىندە وسىدان باستاپ زاڭمەن جونگە سالۋدىڭ ”قورعاۋشىسى“ بولادى.
وتباسى تاربيەسى — بالانىڭ ومىرىندەگى ءبىرىنشى ساباقحانا، ازامات جاسىنا تولماعانداردىڭ ءومىرىنىڭ العاشقى قادامىن دۇرىس باسۋىنا سايادى. بۇكىل شينجياڭدا قازىر ازامات جاسىنا تولماعان 5 ميلليون 806 مىڭ ادام بار، وتباسى تاربيەسى قىزمەتىن ورنىقتى ىلگەرىلەتۋمەن بىرگە، ءبىر ءبولىم اتا - انالاردىڭ وتباسى تاربيەسىندەگى تۇلعالىق جاۋاپكەرشىلىگى تولىق اتقارىلماۋ، قاتىستى تاراۋلاردىڭ سەلبەسىپ قىزمەت ىستەۋ مەحانيزمى كەمەلدى بولماۋ، وتباسى تاربيەسىنە جەتەكشىلىك ەتۋ، قىزمەت وتەۋ جۇيەسى كەمەلدى بولماۋ، وتباسى، مەكتەپ، قوعام سەلبەسىپ ادام تاربيەلەۋ بىرىككەن كۇشى ءالى تولىق قالىپتاسا قويماۋدان، بالانىڭ ۇيدە قالۋى، قيىنشىلىق قىسپاعىندا قالۋى، جىلجىمالى ازامات جاسىنا تولماعانداردىڭ وتباسى تاربيەسىندەگى ولقىلىقتاردىڭ كورنەكتى بولۋى قاتارلى رەال ماسەلەلەردى جەرگىلىكتى زاڭ شىعارۋ ارقىلى شەشۋگە تۋرا كەلەدى.
«ەرەجە» جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، «جۇڭحۋا حالىق رەسپۋبليكاسىنىڭ وتباسى تاربيەسىن جەبەۋ زاڭىنداعى» قاتىستى بەلگىلەمەلەردى ەگجەي - تەگجەيلى تياناقتاندىرىپ، وتباسى، ۇكىمەت، مەكتەپ، قوعام، ءادىليا ورگاندارىنىڭ ءار جاقتاعى كۇشتەرىن ءبىرتۇتاس جوسپارلاپ، شينجياڭنىڭ وتباسى تاربيەسى، وتباسى ستيلى قۇرىلىسىن، ازامات جاسىنا تولماعانداردىڭ جان - جاقتى، اقاۋسىز ەسەيىپ - ەرجەتۋىن قورعاۋدى بەرىك زاڭمەن جونگە سالۋ كەپىلدىگىمەن قامدادى.
اتا - انا — وتباسى تاربيەسىنىڭ ءبىرىنشى جاۋاپتى ادامى. ەرەجەدە اكە - شەشەسىنىڭ نەمەسە باسقا دا قامقورشىسىنىڭ نەگىزگى تۇلعالىق جاۋاپكەرشىلىگى ايقىندالدى، بولەك تۇرعان، اجىراسقان وتباسى بولعان كۇننىڭ وزىندە دە، وتباسى تاربيەسىن ورىستەتۋدەن باس تارتۋعا، وعان نەمقۇرايدى قاراۋعا بولمايدى، ەندى ءبىر جاقتىڭ وتباسى تاربيەسىن ورىستەتۋىنە كەدەرگىلىك جاساۋعا ءتىپتى دە بولمايدى، اسىراپ العان اكە - شەشەسى، وگەي اكە - شەشەسى دە وتباسى تاربيەسى مىندەتىن ارقالاۋى كەرەك.
كەلۋ قاينارى: حالىق تورابى
