2026.11.16 15:42 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا مەملەكەت مەنشىگىندەگى كاسىپورىنداردىڭ پارتيا قۇرىلىسى قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: پارتيا 18 - قۇرىلتايىنان بەرى، مەملەكەت مەنشىگىندەگى كاسىپورىندار پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات تياناقتاندىرىپ، پارتيا قۇرىلىسىن كۇشەيتتى، ءتۇرلى قىزمەتتەردە تىڭ ناتيجەلەرگە قول جەتكىزدى.
شي جينپيڭ بىلاي دەپ باسا دارىپتەدى: جاڭا جورىقتا جاڭا داۋىردەگى پارتيا قۇرىلىسى يدەياسىن جاپپاي دايەكتىلەندىرىپ، پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ ورنالاستىرۋلارىن ىشكەرىلەي دايەكتىلەندىرىپ، پارتيانىڭ مەملەكەت مەنشىگىندەگى كاسىپورىندارعا جاپپاي باسشىلىعىنا تاباندى بولىپ جانە ونى كۇشەيتىپ، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتىپ، جوعارى ساپالى پارتيا قۇرىلىسى ارقىلى كاسىپورىنداردىڭ جوعارى ساپالى دامۋىنا جەتەكشىلىك ەتۋ كەرەك. جۇڭگوشا وسى زامانعى كاسىپورىن ءتۇزىمىن قۇلشىنا كەمەلدەندىرىپ، پارتيا باسشىلىعىنىڭ سەرىكتەستىكتى باسقارۋدىڭ ءارقايسى بۋىندارىنا اناعۇرلىم ويداعىداي توعىسۋىن ىلگەرىلەتۋ كەرەك؛ پارتيا ۇيىمىنىڭ ساياسي يقۋاتى مەن ۇيىمدىق يقۋاتىن قۇلشىنا كۇشەيتىپ، پارتيا قۇرىلىسى قىزمەتى مەن ءوندىرىس - شارۋاشىلىقتىڭ تەرەڭدەي توعىسۋىن جەبەۋ كەرەك؛ باسشىلىق القاسى قۇرىلىسىن قۇلشىنا كۇشەيتىپ، جوعارى ساپالى، ماماندانعان كادر - دارىندىلار قوسىنىن تۇلعالاۋ كەرەك؛ پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن كۇش سالا تياناقتاندىرىپ، تاباندىلىقپەن ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، ستيلى پاك، سالتى دۇرىس، ءىس تىندىرىپ ناتيجە شىعاراتىن تاماشا راي قالىپتاستىرىپ، مەملەكەت مەنشىگىندەگى كاسىپورىندار مەن مەملەكەت مەنشىگىندەگى كاپيتالدى كۇشەيتۋگە، ساپالىلاندىرۋعا، زورايتۋعا پارمەندى قامتاماسىزدىق ازىرلەۋ كەرەك.
مەملەكەت مەنشىگىندەگى كاسىپورىنداردىڭ پارتيا قۇرىلىسى قىزمەتى جونىندەگى اڭگىمە ءماجىلىسى 11 - ايدىڭ 13 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى.
ساي چي سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىنىڭ ماقساتى اسقاق، سىندارلى دا تەرەڭ، مەملەكەت مەنشىگىندەگى كاسىپورىنداردىڭ پارتيا قۇرىلىسىن ونان ارى كۇشەيتۋگە ايقىن بەتالىس كورسەتتى. پارتيا 20 - كەزەكتى ورتالىق كوميتەتىنىڭ بەسىنشى جالپى ءماجىلىسى پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋ جونىندە ستراتەگيالىق ورنالاستىرۋ جاساپ، مەملەكەت مەنشىگىندەگى كاسىپورىنداردىڭ پارتيا قۇرىلىسىن كۇشەيتۋى جونىندە ماڭىزدى مىندەتتەر مەن شارالاردى العا قويدى. ءبىز ءبىر تۇلعالى ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى مىقتى يگەرۋىمىز كەرەك.
ساي چي بىلاي دەپ اتاپ كورسەتتى: شي جينپيڭ پارتيا قۇرىلىسى يدەياسى − مەملەكەت مەنشىگىندەگى كاسىپورىنداردىڭ پارتيا قۇرىلىسى قىزمەتىنە جەتەكشىلىك ەتەتىن وتكىر يدەيالىق قارۋى. پارتيا 18 - قۇرىلتايىنان بەرى، باس شۋجي شي جينپيڭ ءبىر قىدىرۋ ماڭىزدى نۇسقاۋ بەرىپ، مەملەكەت مەنشىگىندەگى كاسىپورىنداردىڭ پارتيا قۇرىلىسىن كۇشەيتۋدەگى ءتۇبىرلى پرينسيبى، نىسانا - تالاپتارى، ءتۇيىندى مىندەتتەرى، سۇيەنەتىن كۇشى، نەگىزدىك قامتاماسىزدىعى، سونداي - اق مەملەكەت مەنشىگىندەگى كاسىپورىنداردىڭ ستراتەگيالىق ورنى، بورىش - يقۋاتى سياقتى ماڭىزدى ماسەلەلەردى جۇيەلى بايىمداپ، جاڭا داۋىردەگى مەملەكەت مەنشىگىندەگى كاسىپورىنداردىڭ پارتيا قۇرىلىسىن كۇشەيتۋگە ماڭىزدى بويسۇنۋ ولشەمىن ازىرلەدى.
ساي چي بىلاي دەپ باسا دارىپتەدى: سوڭعى جىلدارى مەملەكەت مەنشىگىندەگى كاسىپورىنداردىڭ پارتيا قۇرىلىسىندا كورنەكتى ناتيجەگە قول جەتتى، بۇل، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جول باستاپ، رول ۇستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى. ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ەكىنى قورعاۋدى“ باتىل ورىنداپ، دۇنيە ءجۇزى جاعدايىنداعى، مەملەكەت جاعدايىنداعى، پارتيا جاعدايىنداعى وزگەرىستەردىڭ مەملەكەت مەنشىگىندەگى كاسىپورىنداردىڭ پارتيا قۇرىلىسىنا قويعان جاڭا تالاپتارىن دۇرىس يگەرىپ، ءتۇرلى قىزمەتتەردى وسكەلەڭ جاۋاپكەرشىلىك سەزىممەن، بورىشتىلىق سەزىممەن ويداعىداي ىستەۋ كەرەك.
ساي چي بىلاي دەپ باسا دارىپتەدى: شي جينپيڭ پارتيا قۇرىلىسى يدەياسىن جاپپاي دايەكتىلەندىرىپ، پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، اناعۇرلىم جوعارى ولشەم، اناعۇرلىم ناقتى شارالار ارقىلى مەملەكەت مەنشىگىندەگى كاسىپورىنداردىڭ پارتيا قۇرىلىسىن ويداعىداي يگەرىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن باتىل، پارمەندى دايەكتىلەندىرىپ، تياناقتاندىرىپ، پارتيانىڭ جاسامپازدىق نازارياسىمەن تىلەك ۇيىستىرىپ، رۋح سومداۋعا تاباندى بولىپ، پارتيا ۇيىمىنىڭ باسشىلىق رولىن ساۋلەلەندىرۋ ءتۇزىم - مەحانيزمىن اقاۋسىزداندىرىپ، باسشىلىق القاعا، اسىرەسە، ءبىرىنشى باسشىعا ۇزدىكتەرىن تاڭداپ، مىقتىلارىن قويىپ، نەگىزگى ساتى پارتيا ۇيىمىنىڭ رولىن اناعۇرلىم ويداعىداي ساۋلەلەندىرىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن قاجىماي - تالماي تياناقتاندىرىپ، شىرىكتەسۋدى باتىل جازالاپ، پارتيانىڭ مەملەكەت مەنشىگىندەگى كاسىپورىندارعا باسشىلىعىن ونان ارى تۇزىمدەندىرىپ، ارناعا ءتۇسىرىپ، مەملەكەت مەنشىگىندەگى كاسىپورىندار پارتيا قۇرىلىسىنىڭ جاڭا جاعدايىن ۇزدىكسىز اشۋ كەرەك.
شى تايفىڭ ءماجىلىستى باسقاردى، حى ليفىڭ، جاڭ گوچيڭ، مۋ حۇڭ ماجىلىسكە قاتىناستى.
سىچۋان ولكەلىك پارتكوم ۇيىمداستىرۋ بولىمىندەگى، انحۇي ولكەلىك پارتكومنىڭ فينانس قىزمەت كوميتەتىندەگى، شاڭحاي قالالىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىندەگى، سۋ يگىلىگى مينيسترلىگىندەگى، جۇڭگو اۋىل شارۋاشىلىق بانكەسىندەگى، جۇڭگو وڭتۇستىك ەلەكتر تورى شەكتى جاۋاپكەرشىلىك سەرىكتەستىگىندەگى، جۇڭگو جۇڭچى توبى شەكتى سەرىكتەستىگىندەگى، شيامىن اۆياتسيا شەكتى سەرىكتەستىگىندەگى جاۋاپتى جولداستار پىكىر اۋىستىرىپ ءسوز سويلەدى.
ءارقايسى ولكە، اۆتونوميالى رايون، توتە قاراستى قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، ورتالىق باسقاراتىن فينانس قۇرىلىمدارىنداعى، كاسىپورىندارداعى جاۋاپتى جولداستار، ت ب ماجىلىسكە قاتىناستى.