2026.11.16 15:49 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 15 - كۇنى، بەيجيڭ. 11 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 22 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ازيا - تىنىق مۇحيت تاعدىرلاس ورتاق تۇلعاسىن قول ۇستاسا بىرگە قۇرايىق» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2013 - جىلى 10 - ايدان 2025 - جىلى 11 - ايعا دەيىنگى قاتىستى ماڭىزدى بايىمداۋلارىنىڭ قىسقارتىلعانى.
ماقالادا مىنالار باسا دارىپتەلدى: ازيا - تىنىق مۇحيت وڭىرىندەگى ەكونوميكالىق تۇلعالاردىڭ مۇددەسى توعىسقان، تاعدىرى توعىسقان، داڭقتا دا، نامىستا دا، پايدادا دا، زياندا دا بىرگە بولادى. ازيا - تىنىق مۇحيت ەكونوميكالىق سەلبەستىك ۇيىمىنىڭ دۇنيەگە كەلۋى مەن دامۋى ەسىك اشۋ، توعىسۋ سىندى تاريحي اعىمعا سايكەستى، ازيا - تىنىق مۇحيت ءوڭىرىنىڭ دامۋعا تالپىنۋ سىندى كۇشتى تىلەگىنە سايكەستى، ءار ەل حالقىنىڭ سىن - سايىستارعا قول ۇستاسا توتەپ بەرۋ سىندى ورتاق قاجەتىنە سايكەستى، ازيا - مۇحيت ءوڭىرىنىڭ ارتۋى مەن گۇلدەنۋىن جەبەۋگە ماڭىزدى ۇلەس قوستى. بۇگىنگى ازيا - تىنىق مۇحيت ءوڭىرى دۇنيە جۇزىندەگى ارتۋ ومىرشەڭدىك كۇشى مەن دامۋ كومەسكى كۇشى ەڭ زور ەكونوميكالىق بولەك، سونداي - اق دۇنيە ءجۇزى مويىنداعان دۇنيە ءجۇزى ەكونوميكاسىن ارتتىرۋداعى ماڭىزدى قوزعالتقىش. ازيا - تىنىق مۇحيت تاعدىرلاس ورتاق تۇلعاسى تانىمىن بەرىك ورناتىپ، ازيا - تىنىق مۇحيت ءوڭىرىنىڭ پارمەندى دامۋ اۋقىمىن جالعاستىرىپ، ازيا - تىنىق مۇحيت ءوڭىرىنىڭ بىرگە گۇلدەنىپ - كوركەيۋىن، بولاشاعىن قارسى الىپ، اشىق، سيىسىمدى، جاڭالىق اشا ارتاتىن، ءوزارا بايلانىس جاسايتىن، سەلبەسىپ تەڭ يگىلىككە كەنەلەتىن ازيا - تىنىق مۇحيت ءوڭىرى تاعدىرلاس ورتاق تۇلعاسىن بىرگە قۇرۋ كەرەك.
ماقالادا مىنالار اتاپ كورسەتىلدى: ازيا - تىنىق مۇحيت ءوڭىرى ەكونوميكانىڭ جەرشارىلانۋىن ىلگەرىلەتۋدىڭ پاراۆوزى بولا بەرۋى كەرەك. ازيا - تىنىق مۇحيت ەكونوميكالىق سەلبەستىك ۇيىمى ساۋدا مەن قارجى قوسۋدىڭ ەركىندەنۋىن، قولايلىلانۋىن جەبەۋدى، ەكونوميكانىڭ ارتۋى مەن گۇلدەنۋىن قولداۋدى نىسانا، ماقسات ەتىپ، ازيا - تىنىق مۇحيت ەكونوميكالىق سەلبەستىك ۇيىمىن قۇرۋدىڭ اۋەلگى ماقساتىن قايتا ەسكە الىپ، اناعۇرلىم ومىرشەڭدىك كۇشكە جانە سەرپىمدىلىككە يە ازيا - مۇحيت سەلبەستىگى ارقىلى دۇنيە جۇزىنە كورنەكتى ۇلەس قوسۋى كەرەك. بەيبىتشىلىكتى، ورنىقتىلىقتى باستاماشىلدىقپەن قورعاپ، ورتاق، ۋنيۆەرسال، سەلبەسكەن، باياندى حاۋىپسىزدىك كوزقاراسىنا تاباندى بولىپ، الاۋىزدىقتار مەن تالاس - تارتىستاردى تىلدەسۋ، كەڭەسۋ ارقىلى شەشۋ كەرەك. ەسىك اشىپ توعىسۋدى باستاماشىلدىقپەن اتقارىپ، دۇنيە جۇزىلىك ساۋدا ۇيىمىن وزەك، ەرەجەنى نەگىز ەتكەن كوپ جاقتى ساۋدا ءتۇزىلىسىن باتىل قورعاپ، وڭىرلىك ەكونوميكانىڭ ءبىر تۇلعالانۋى مەن ازيا - تىنىق مۇحيت ەركىن ساۋدا رايونى قۇرىلىسىن ىلگەرىلەتۋ كەرەك. سەلبەسىپ تەڭ يگىلىككە كەنەلۋگە باستاماشىلدىقپەن تاباندى بولىپ، ازيا - تىنىق مۇحيت ەكونوميكالىق تۇلعالارىنىڭ الۋان تۇرلىلىگىنىڭ كورنەكتى ەرەكشەلىگىن تولىق ساۋلەلەندىرىپ، ازيا - تىنىق مۇحيت سەلبەستىگىن بىرگە ۇلعايتىپ، ءار ەل ءوزارا تابىسقا جەتەتىن، بىرگە داميتىن سەلبەستىك جاعدايىن قالىپتاستىرۋ كەرەك. جالپىعا ءتيىمدى، سيىسىمدى بولۋدى باستاماشىلدىقپەن جەبەپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن جاپپاي تياناقتاندىرىپ، دامۋ اڭعارىن اناعۇرلىم ويداعىداي توعىستىرىپ، حالىقتىڭ ىرىسىن ۇزدىكسىز مولايتىپ، ازيا - تىنىق مۇحيت وڭىرىندەگى جالپى حالىقتىڭ بىرگە اۋقاتتانۋىن جەبەۋ كەرەك.
ماقالادا مىنالار باسا دارىپتەلدى: دامۋ مەيلى قاي دەڭگەيگە جەتسە دە، جۇڭگو ازيا - تىنىق مۇحيت وڭىرىنە تامىر تارتىپ، ازيا - تىنىق مۇحيت ءوڭىرىن قۇرىپ، ازيا - تىنىق مۇحيتقا باقىت جاراتادى. جۇڭگو بەيبىت دامۋ جولىمەن بۇلجىماي ءجۇرىپ، ءوزارا تيىمدىلىك جەتكىزىپ، تەڭ يگىلىككە كەنەلۋ سىندى ەسىك اشۋ ستراتەگياسىن اتقارىپ، وزىندىك دامۋعا تالپىنۋمەن بىرگە، ازيا - تىنىق مۇحيت وڭىرىندەگى ەلدەردىڭ بىرگە دامۋىنا بەلسەنە جەتەكشىلىك ەتىپ، وسى وڭىردەگى حالىققا اناعۇرلىم كوپ وراي جاراتادى. ازيا - تىنىق مۇحيت ورتاق تۇلعاسىن قۇرۋ ازيا - تىنىق مۇحيت ءوڭىرىنىڭ ۇزاق بولاشاقتىق دامۋىن، گۇلدەنۋىن جۇزەگە اسىرۋدا، ءسوز جوق، باسىپ وتەتىن جول ءارى ءار جاقتىڭ ورتاق ارمانى. جۇڭگو ءارقايسى جاقتارمەن قول ۇستاسا وتىرىپ ازيا - تىنىق مۇحيت ورتاق تۇلعاسىن قۇرىپ، ازيا - تىنىق مۇحيت ءوڭىرىنىڭ ارتۋى مەن گۇلدەنۋىن جەبەپ، ازيا - تىنىق مۇحيتتاعى ەركىن ساۋدا رايونى، ۇلاستىرۋ - تۇتاستىرۋ، سيفرلى ەكونوميكا، جاساندى زەردە سياقتى ناقتى سەلبەستىكتى كۇش سالا ىلگەرىلەتىپ، ازيا - تىنىق مۇحيتتاعى ەلدەردىڭ دامۋىنا اناعۇرلىم زور ومىرشەڭدىك كۇش جانە قوزعاۋشى كۇش ۇستەپ، ازيا، تىنىق مۇحيت وڭىرىندەگى حالىققا اناعۇرلىم كوپ باقىت جاراتۋدى قالايدى.
كەلۋ قاينارى: حالىق تورابى