بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

2026 – جىلعى ەمدەۋدى قامسىزداندىرۋ تىزىمدىگىن تۇراقتاندىرىپ رەتتەۋ قىزمەتى ورىندالىپ بولدى 

2026.11.16 16:26     كەلۋ قاينارى : حالىق تورابى

«حالىق گازەتىنىڭ ءتىلشىسى سۇن شيۋيان 11 - ايدىڭ 15 – كۇنى سۋجوۋدان حابارلايدى. ءتىلشىنىڭ مەملەكەتتىك ەمدەۋدى قامتاماسىزداندىرۋ مەڭگەرمەسىنەن ۇعىسۋىنا قاراعاندا، مەملەكەتتىك ەمدەۋدى قامتاماسىزداندىرۋ مەڭگەرمەسى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى «مەملەكەتتىك نەگىزدىك ەمدەۋ قامسىزداندىرۋى، تۋىت قامسىزداندىرۋى جانە جۇمىس ۇستىندە جارالانۋ قامسىزداندىرۋى ءدارى - دارمەك تىزىمدىگى»، سونداي – اق «ساۋدالىق سيپاتتاعى دەنساۋلىق قامسىزداندىرۋى بويىنشا جاڭالىق اشۋ تۇرىندەگى ءدارى - دارمەك تىزىمدىگىن» (2026 – جىلعى) باسىپ تاراتىپ، 2026 - جىلى مەملەكەتتىڭ نەگىزدىك ەمدەۋ قامسىزداندىرۋى ءدارى – دارمەك تىزىمدىگىن تۇراقتاندىرىپ رەتتەۋ قىزمەتىن تابىستى ورىنداعان.

وسى رەتكى رەتتەۋ بارىسىندا جيىنى 107 ءتۇرلى ءدارى جاڭادان قوسىلدى، مۇندا 51 ءتۇرلى ءدارى 1 – تۇردەگى جاڭالىق اشۋ سيپاتىنداعى دارىلەر بولىپ، تاعى دا تىڭ رەكورد جاراتتى. جاڭادان قوسىلعان ءدارى تۇرلەرى وسپە، سيرەك كەزدەسەتىن اۋرۋ، سوزىلمالى اۋرۋ، رۋحاني اۋرۋ قاتارلى كلينيكالىق جاقتان شۇعىل ەمدەۋدى قاجەت ەتەتىن اۋرۋلارعا قاتىستى سالالاردى قامتىدى. سونىمەن بىرگە، كلينيكالىق قۇنى شەكتى، ورنىن باسا الاتىن ءتىپتى دە جاقسى ءدارى – دارمەك بار نەمەسە تانىستىرۋ مازمۇنى كەمشىل، قامداي المايتىن 34 ءتۇرلى ءدارى – دارمەكتى تىزىمدىكتەن شىعارادى.

وسى رەتكى تىزىمدىكتى رەتتەۋ بارىسىندا، كلينيكالىق جاقتان پايداسى ايقىن، ەمدەۋ سالاسىنداعى بوستىقتى تولتىراتىن جاڭاشا دارىلەردى قامتاماسىزداندىرۋ كولەمىنە ەنگىزۋ باستى ءتۇيىن ەتىلگەن، سونىمەن بىرگە، سالماقتى ناۋقاستاردى ەمدەۋگە پايدالانىلاتىن ءدارى - دارمەكتەر، بالالار اۋرۋىن ەمدەۋگە پايدالانىلاتىن ءدارى – دارمەكتەر، قارتتاردىڭ سوزىلمالى اۋرۋلارىن ەمدەۋگە پايدالانىلاتىن ءدارى - دارمەكتەر قاتارلى حالىق تۇرمىسىنا شۇعىل قاجەت بولىپ وتىرعان ءدارى – دارمەكتەرگە دە ءمان بەرىلدى. مىسالى، ليمفا وسپەسىن ەمدەيتىن بۇرىنعى باعاسى ميلليون يۋاننان اساتىن CAR—T تۇرىندەگى ءدارى – دارمەك، شىلدەلىك اۋرۋىن ەمدەيتىن كوبەيتكىشسىز ءدارى – دارمەك تۇرلەرى نەگىزدىك ەمدەۋ قامسىزداندىرۋى تىزىمدىگىنە ءساتتى ەنگىزىلگەن.

بيىل دەنساۋلىقتى ساۋدالىق سيپاتتى قامسىزداندىرۋ بويىنشا جاڭالىق اشۋ جاعىنداعى ءدارى – دارمەكتەر تىزىمدىگىن رەتتەۋ جالعاستى قاتار ورىستەتىلىپ، 12 ءتۇرلى ءدارى – دارمەك جاڭادان ارتتىرىلعان. سونىمەن بىرگە، ساۋدالىق سيپاتتى قامتاماسىزداندىرۋ كولەمىندەگى جاڭالىق اشۋ جاعىنداعى ءدارى – دارمەكتەر تىزىمدىگى مەن نەگىزدىك ەمدەۋ قامسىزداندىرۋى كولەمىندەگى ءدارى – دارمەكتەر تىزىمدىگى اراسىندا ۇشتاستىرۋ مەحانيزمى ورناتىلعان، ساۋدالىق سيپاتتى قامسىزداندىرۋ كولەمىندەگى جاڭالىق اشۋ جاعىنداعى 2 ءتۇرلى ءدارى – دارمەك ەمدەۋ قامسىزداندىرۋى تىزىمدىگىنە ەنگىزىلگەن. رەتتەۋ جۇرگىزىلگەننەن كەيىن، 2026 – جىلعى ساۋدالىق سيپاتتى دەنساۋلىق قامسىزداندىرۋى كولەمىندەگى جاڭالىق اشۋ سيپاتتى ءدارى – دارمەكتەر تىزىمدىگىندە 28 ءتۇرلى ءدارى – دارمەك قامتىلادى.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى