- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ايەل – كەلىن بولماسا، كەرىم بولمايدى
2016.02.14 15:25
– اپا، نەگە وسى قازاقتىڭ كەلىندەرى ورامالسىز جۇرمەۋى كەرەك؟
– ە، جارىعىم! ايەل ورامال تاقپاسا – ارىن ۇمىتادى. كۇيەۋىنىڭ بارىن ۇمىتادى! شاشى تاماققا تۇسەدى، وزىنە كەلگەن قوناقتىڭ نازارى تۇسەدى...
– ال، سالەم سالماسا شە؟
– سالەم سالماسا ءوزىن سىيلايتىن قايىن اتا، قايىن اعادان ايىرىلادى، تەگىن باتادان قايىرىلادى!
– كەلىن مىندەتتى تۇردە ۋنيفورما (حالات، ۇزىن كويلەك، ورامال) كيىپ، كەلىن بوپ شاۋىپ ءجۇرۋى كەرەك پە؟
– قىز قالىپتان ايەل بولۋعا كوندىرەتىن ول – سالەمى، جات جۇرتتىڭ الدىنداعى ادەبى! قىز كۇنىن قيىپ، قىدىرۋىن تيعان – قاتىن بولادى! قاتىن بولعان ادام – قازانعا، وتقا جاقىن بولادى. قۇرساعىن كەڭىتىپ، بالا تاپقان – كەڭ بولادى! الپىس ەكى تامىرىن يىتكەن انا بولادى! باسقا سالعاننان وي ءتۇيىپ، تاعدىرىنا باس يگەنگە قۇداي ءوزى پانا بولادى! ۇلكەننەن كورگەنىن بويىنا ءسىڭىرىپ، ءوزى دە سول اۋلەتكە سىڭگەن كەلىن – دانا بولادى!..
– وي، قازىر جاستاردى ەمەس ۇلكەندەردى تاربيەلەۋ كەرەك سياقتى عوي!
– بۇركىت كوزىنە كورىنگەندى المايدى، كوڭىلدەگىسىن الادى. اقىلدى اتانىڭ بالاسى ەرەگىسپەي، تەكتىلىگىنە سالادى. كورگەنىڭە كوز جۇم دا،كوڭىلدەگىڭدى ىستە!
– ءبارىن ءبىر كەلىن بايعۇسقا جۇكتەيدى قازاق! – ە، بالام! جاقسى كەلىن اتا-ەنەسىن باعادى. اتا-اناسى ۇناتقاندى – وتاعاسى جىلاتپايدى! كەمىندە التى بالا تاپقاننىڭ نە ايتسا دا ءسوزىنىڭ قۇنارى بولادى، قامىقسا – قارايتىن «شىراعى» بولادى. از بالا تاپقاننىڭ تىپىرشىپ ايتار «ۇرانى» بولادى. كوپ بالاسى باردىڭ شولدەتپەيتىن بۇلاعى بولادى. ايەل – كەلىن بولماسا، كەرىم بولمايدى. انا بولماسا، ەنە بولمايدى. ەنە بولا الماسا – ادەپتى كەلىنى جانە بولمايدى!...
– ءبارى ايەلگە بايلانىستى ەمەس قوي. ەر ازامات تا جاردەم بەرۋى قاجەت!
– دۇرىس! ازامات تاپپاسا – اقشادا بەرەكە بولمايدى! دۇنيە تاپقانمەن، باققانى كوشە بولسا – ەكى دۇنيەدە سورلايدى! ەركەگى ۇيىنە قونبايتىن ءۇيدىڭ – قىزى ەتەگىن جاپپايدى، ەركىندىك ساقتايدى. قىلىق ساقتاپ، قىمسىنبايدى. اينالاسىن جينايىن دەپ ۇمسىنبايدى! ۇلى – ۇساقتاۋ، بادىك بولادى، قاتىنداردىڭ تىرلىگىنە قانىق بولادى! ايەلى اشىنىپ جۇرەدى، ءبىر ىسىپ، ءبىر سۋىپ، باسىلىپ جۇرەدى. كورشىمەن اڭگىمەشىل بوپ، ءۇيى بىقسىپ، شاشىلىپ جۇرەدى. ونداي ايەلدەن – ادەپ ساقتار جار، ساليقالى انا شىقپايدى....
ەركەكتى ەرىتەتىن دە – ايەل، جەرىتەتىن دە – ايەل! بەدەلىن بيىك قىپ، ابىرويىن كەمىتەتىن دە – ايەل! ايەل جۇمساق بولماسا – ەر دالاعا قاشادى. دالادا ءجۇرىپ كوپ بىلىققا ارالاسادى. ارالاسقان سوڭ – تاپا تال تۇستە ءسوز تاپپاي ساسادى، ارنارسەنى سىلتاۋ عىپ، وتىرىك عايبات شاشادى.
كەلۋ قاينارى: ىلە كەشى گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
