- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2016.02.15 14:19 كەلۋ قاينارى : حالىق تورابى
حالىق تورابى، 15 – اقپان، بەيجيڭ. مەملەكەتتىك كەڭەستىڭ زۇڭليى لي كىچياڭ 14 – اقپاندا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ءدارى – دارمەك سالاسىنىڭ دارەجەسىن جاسامپازدىقپەن كوتەرىپ، حالىق تۇرمىسىنا تيىمدىلىك جاراتۋعا، كىرىستىڭ ورنىقتى ارتۋىنا ءتپىتى دە جاقسى قىزمەت وتەۋدى ورنالاستىردى؛ جۇڭگوشا ءدارى – دارمەك كاسىبىن دامىتۋ شارالارىن بارىنشا جەبەپ، ءداستۇرلى مەديتسينا ابزالدىعىن ساۋلەلەندىرىپ حالىققا باقىت جاراتۋدى بەلگىلەدى؛ قىزمەت وتەۋدى، ساۋدانى جاسامپازدىقپەن دامىتۋ سىناق ءتۇيىنى قىزمەتىن ورىستەتىپ، سىرتقى ساۋدانىڭ فورماسىن وزگەرتۋ ارقىلى قىزمەت وتەۋ سالاسىنىڭ باسەكەلىك قۋاتىن نىعايتۋدى ۇيعاردى.
ماجىلىستە مىناۋ اتاپ كورسەتىلدى: ءدارى – دارمەك كاسىبى ــ تۇتاس حالىقتىڭ دەنساۋلىعىنا ساياتىن، بازار قاجەتى وراسان زور، ءارقايسى ەلدە ماڭىزدى ورنى بار كاسىپ. ءدارى – دارمەك، دەنساۋلىق ساقتاۋ ءتۇزىلىس رەفورماسىمەن ۇشتاستىرىپ، ەلىمىزدىڭ ءدارى – دارمەك كاسىبىنىڭ دامۋىن جەدەلدەتۋ بۇقارانىڭ ەمدەلۋ قاجەتىن بارىنشا قاناعاتتاندىرىپ، حالىقتىڭ دەنساۋلىعىن جاقسارتۋدا، ەكونوميكانىڭ ارتۋ كومەسكى كۇشىن اشۋدا كەلەلى مانگە يە. ماجىلىستە مىنالار بەلگىلەندى: بىرىنشىدەن، بۇقارانىڭ شۇعىل قاجەتىن ءدال تاۋىپ، اۋەلدە زەرتتەلگەن ءدارى، العاشقى ۇقساتپالى ءدارى، جۇڭگوشا ءدارى، جاڭاشا ءدارى دايىنداۋ، جوعارى ساپالى ەمدەۋ جابدىعى سياقتىلاردى زەرتتەپ اشۋدا جاڭالىق جاراتۋدى كۇشەيتۋ، وسپە، قانتتى نەسەپ اۋرۋى، جۇرەك مي قان تامىر اۋرۋلارى سياقتى قايتالانبالى اۋرۋلار مەن سيرەك كەزدەسەتىن اۋرۋلاردى ەمدەۋدەگى ماڭىزدى ءدارى – دارمەكتى كاسىپ سالالاندىرۋدى تەزدەتۋ كەرەك. پاتەنت العان ەلىمىزدە وندىرىلگەن اۋەلدە زەرتتەلگەن ءدارى مەن ماركالى ۇقساتپالى دارىلەرگە قاراتا حالىقارالىق جۇيەدە تىزىمدەپ تانۋ جاعىنان قولداۋ كورسەتۋ كەرەك. ەكىنشىدەن، حاۋىپسىزدىگىن باعالاۋ جانە ءونىمدى قاداعالاۋ جۇيەسىن كەمەلدەندىرۋ، ساپانى تۇتاس بارىس بويىنشا باقىلاپ – باسقارۋدى كۇشەيتۋ، حالىقارالىق وزىق ورەمەن سالىستىرىپ، ءدارى – دارمەك، ەمدەۋ اسپاپتارى ولشەمىن جوعارىلاتۋ قيمىلىن ورىستەتۋ، اسىرەسە، نەگىزدىك ءدارى – دارمەكتىڭ ساپاسىن جوعارىلاتۋ كەرەك. ۇشىنشىدەن، ەمدەۋ، ەمدەلۋ قامسىزداندىرۋى، ءدارى – دارمەك رەفورماسىن ۇشتاستىرىپ، كلينيكادا شۇعىل قاجەت بولاتىن ءدارى – دارمەك پەن ەمدەۋ اسپاپتارىن تەكسەرىپ باعالاۋ، تەكسەرىپ بەكىتۋ ىستەرىن تەزدەتۋ كەرەك. قازىنالىق باجى، باعا، ۇكىمەتتىك ساتىپ الۋ قاتارلى ساياساتتاردى كەمەلدەندىرىپ، كاسىپ قورى جاعىندا ىزدەنىس جاساپ، ءدارى – دارمەك سالاسىنىڭ كاسىپ سالالانۋىن جانە جاڭا ونىمدەردىڭ جالپىلاسۋىن قولداۋ كەرەك. ءدارى – دارمەك كاسىپورىندارىنىڭ بىرىگۋىن، قايتا قۇرالۋىن قولداپ، باستاماشى كاسىپورىنداردى جەتىلدىرىپ، كاسىپتەگى «شاعىن، بىتىراڭقى، الباتى بولۋ» ماسەلەلەرىن شەشۋ كەرەك. تورتىنشىدەن، قالالار مەن اۋىل – قىستاقتى شارپىعان وسى زامانعى ءدارى – دارمەك اينالىس تورابىن قۇرىپ، ءدارى – دارمەك ماتەريالدارى باعاسىن بىرتىندەپ جونگە سالۋ كەرەك. مەملەكەتتىك ءدارى – دارمەك ينفورماتسياسى الەۋمەتتىك قىزمەت وتەۋ تەكشەسىن قۇرىپ، باعا، ساپا سياقتى ينفورماتسيالاردى اشىق جاريالاپ، بۇقارانىڭ باقىلاۋىن قابىلداۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
