- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جەر شارىنىڭ حاۋىپسىزدىك جاعدايى قاتاڭ سايىسقا ءدوپ كەلدى
2016.02.17 15:25
52 – كەزەكتى ميۋنحەن حاۋىپسىزدىك كەڭەسى اقپاننىڭ 14 – كۇنى اياقتالدى. كەڭەسكە قاتىناسقان تاراپتار سيريا داعدارىسى، بوسقىندار ماسەلەسى جانە لاڭكەستىككە سوققى بەرۋ سياقتى تولعاقتى ماسەلەلەر توڭىرەگىندە تالقى وتكىزدى.
تالداۋشى قايراتكەرلەر مىنانى اتاپ كورسەتتى: جەر شارىنىڭ حاۋىپسىزدىك جاعدايىنىڭ كۇردەلىلەسكەنى شىندىق، ال سيريا داعدارىسىن قامتىلعان ەڭ باستى تولعاقتى ماسەلەلەردىڭ ارتىندا ءىرى ەلدەردىڭ بەلدەسۋى مەن باقتالاستىعى ايرىقشا كۇشەيدى.
كەڭەس ناتيجەسى ماردىمسىز
وسى كەزەكتى ميۋنحەن حاۋىپسىزدىك كەڭەسى اقپاننىڭ 12 – كۇنىنەن 14 – كۇنىنە دەيىن ءوتتى، كەڭەسكە قاتىناسقان ۋاكىلدەر ەكى جاقتى نەمەسە كوپ جاقتى كەڭەستەرگە قاتىناستى، كەڭەس مازمۇنى سيريا داعدارىسى، بوسقىندار داعدارىسى، لاڭكەستىككە سوققى بەرۋ، ۋكراينا داعدارىسى جانە كورەي تۇبەگىنىڭ يادرو ماسەلەسى سياقتى تاقىرىپتاردى قامتىدى، ونىڭ ىشىندە ايرىقشا نازارعا ىلىككەنى كەزەكتەگى سيريا داعدارىسى بولدى.
سيريانى حالىقارالىق قولداۋ گرۋپپاسىنىڭ 4 – رەتكى سىرتقى ىستەر مينيسترلەرىنىڭ كەڭەسى اقپاننىڭ 12 – كۇنى وتكىزىلدى، تاراپتار بىلاي دەپ كەلىستى: ءبىر اپتانىڭ ىشىندە قايىرىمدىلىق كومەك بەرۋ جولىن اشۋ؛ ءبىر اپتانىڭ ىشىندە سيريا تەرريتورياسىنداعى جاۋلاسۋ قيمىلدارىن جاپپاي توقتاتۋ ءارى ب م ۇ – نىڭ جەتەكشىلىگىندە ا ق ش، رەسەي سىندى ەلدەردەن ءبىر قىزمەت گرۋپپاسىن ۇيىمداستىرىپ، سوعىس توقتاتۋ جونىندە ناقتى كەڭەستەر وتكىزۋ؛ شۆەتساريانىڭ جەنەۆا قالاسىندا وتكىزىلگەن سيريا بەيبىتشىلىك كەلىسسوزىن تەزىرەك قالپىنا كەلتىرىپ، بەيبىتشىلىك كەلىسسوزدى جۇرگىزۋ جانە سوعىستى، زورلىق – زومبىلىقتى توقتاتۋ ءىسىن جەبەۋ كەرەك.
تاراپتار بۇل رەتكى سىرتقى ىستەر مينيسترلەرىنىڭ كەڭەسىندە قول جەتكىزىلگەن كەلىسىم سيريا داعدارىسىن ساياسي جولمەن شەشۋدەگى بەلسەندى ءبىر قادام. الايدا تالداۋشى قايراتكەرلەردە بۇل كەلىسىمدى سيريا ۇكىمەتى، ۇكىمەتكە قارسى توپ جانە باسقا دا قارۋلى ۇيىمدار مويىنداي ما، قابىلداي ما جانە وعان شىنايى سەنىم ارتالا الا ما، كەلىسىم جول ورتادا توقتاپ قالماي ما دەگەن الاڭداۋشىلىق باسىم. رەسەيدىڭ سىرتقى ىستەر مينيسترى راۆلوۆ اقپاننىڭ 14 – كۇنى ءبىر رەتكى تالقى كەڭەسىندە بىلاي دەدى: جۇرت سيرياداعى سوعىستى توقتاتۋ جونىندەگى تالقى اۋانىن رەسەي الدىمەن سيرياداعى اۋە شابۋىلدارىن توقتاتۋى ءتيىس دەگەنگە بۇرا بەرەدى، بۇل سيريا جونىندەگى كەلىسىمنەن ويداعىداي ناتيجە شىعا ما، جوق دەگەن كۇمانىمدى قويۋلاتا ءتۇستى.
سيريا ماسەلەسىنەن سىرت، بوسقىندار ماسەلەسى تاعى ءبىر ءتۇيىندى تاقىرىپقا اينالدى. گەرمانيانىڭ قورعانىس مينيسترى فودساين كەڭەستە ەۆروپانى بوسقىندار جونىندە ورتاق ساياسات بەلگىلەپ، بوسقىندار ماسەلەسىنە بىرگە توتەپ بەرۋگە ۇندەدى. الايدا ەۆروپا ەلدەرى ءوز مۇددەلەرىن ەسكەرە وتىرىپ بوسقىنداردى قابىلداۋ سالىستىرماسى ماسەلەسىندە مامىلەگە كەلۋى قيىن.
رەسەي مەن باتىس ەلدەرىنىڭ الاۋىزدىعى اۋىر
بۇل رەتكى ميۋنحەن حاۋىپسىزدىك كەڭەسىندە تەك رەسەيگە قاتىستى تالقىلاۋلاردا باتىس ەلدەرىنىڭ ۋاكىلدەرى رەسەيگە باعىتتاعان ايىپتاۋلارى قارشا بورادى، بۇل رەسەي مەن باتىس ەلدەرى اراسىنداعى سەنىمسىزدىك پەن الاۋىزدىقتى كورسەتەدى.
سيريا مەن ۋكراينا سياقتى تولعاقتى ماسەلەلەرگە رەسەيدىڭ كيلىگۋىنە باتىس ەلدەرى قاتتى وكپەلى. ناتونىڭ باس حاتشىسى يەنس ستولتەنبەرگ اقپاننىڭ 13 – كۇنى ناتو مەن رەسەي قاتىناسى جونىندە توقتالىپ بىلاي دەدى: رەسەيدىڭ قازىرگى ارەكەتى ەۆروپانىڭ حاۋىپسىزدىك تارتىبىنە ورنىقسىزدىق تۋدىرىپ وتىر. ناتو رەسەيمەن قارسىلاسۋدى، «قىرعي قاباق بولۋدى» قالامايدى، الايدا ءبىز «باتىل اڭىس بىلدىرۋىمىز ءتيىس».
رەسەيدىڭ زۇڭليى مەدۆەدەۆ بىلاي دەدى: باتىس ەلدەرى رەسەيدى قۇبىجىق ەتىپ كورسەتكىسى كەلەدى، رەسەي جونىنەن ايتقاندا، ناتونىڭ ساياساتى دوستىق نيەتتە ەمەس ءارى كۇڭگىرت، رەسەي مەن ناتو اراسىنداعى قاتىناس جاڭا قىرعي قاباقتىق سوعىس داۋىرىنە بەتالۋدا.
جۇڭگونىڭ حالىقارالىق ماسەلەلەر جونىندەگى مامانى چۇي شيڭ شينحۋا اگەنتتىگىنىڭ تىلشىسىمەن تەلەفون ارقىلى سۇقپات جۇرگىزگەندە مىنانى اتاپ كورسەتتى: رەسەي جۋىق جىلداردان بەرى ناتو شىعىسقا ىرگە كەڭەيتۋدە رەسەيدىڭ حاۋىپسىزدىگىن ەسكەرمەدى، سوندىقتان رەسەي ءوز مۇددەسى مەن حاۋىپسىزدىگىن قورعاۋ ءۇشىن پارمەندى شارا قولداندى دەپ قاراپ وتىر. رەسەيدىڭ ۋكراينا مەن سيريا ماسەلەسىندە كيلىگۋدى كۇشەيتۋى، باتىس ەلدەرىمەن اراداعى سەنىمسىزدىكتى ۇلعايتتى. حاۋىپسىزدىك جاعدايى ناشارلادى
ماجىلىسكە قاتىناسقانداردى جەرشارىنىڭ حاۋىپسىزدىك جاعدايىنا ۇمىتسىزدەنۋ كوڭىل كۇيى شىرمادى. ا ق ش - نىڭ مەملەكەت ىستەرى حاتشىسى كەرري ءسوز سويلەپ بىلاي دەدى: «ءبىز وسىنشالىق كوپتەگەن تولعاقتى تۇيىندەرگە ءبىر ۋاقىتتا توتەپ بەرۋ ماسەلەسىنە تاريحتا ەشقاشان جولىققان ەمەسپىز». مەدۆەدەۆ بىلاي دەدى: ەۆروپانىڭ كەزەكتەگى حاۋىپسىزدىك جۇيەسى دۇنيە جۇزىلىك 2 - سوعىستان كەيىن قۇرىلعان، بۇل ەۆروپانى 70 جىل بويى قاقتىعىستان ساقتاپ كەلدى. الايدا، قازىر بۇل جۇيەدەن ماسەلە شىقتى، ءتىپتى، ءوز رولىنان ايىرىلۋى دا مۇمكىن. «سوندا ءبىز قازىرگى كەزدەگى ەڭ قاجەتتىسى قارسىلاسۋ ەمەس، ىستەستىك ورناتۋ ەكەندىگىنە 3 - رەتكى جەرشارىندىق تراگەديانى باستان كەشىرۋ ارقىلى كوز جەتكىزۋىمىز قاجەت پە؟».
ورتا شىعىستاعى قاقتىعىستىڭ زاردابى بارىنشا ورشۋدە. گەرمانيا بونن ۋنيۆەرسيتەتىنىڭ جەرشارىن زەرتتەۋ ورتالىعىنىڭ مەڭگەرۋشىسى گۋ شۋە-ۋ پروفەسسور شينحۋا اگەنتتىگى ءتىلشىسىنىڭ سۇحپاتىن قابىلداعاندا بىلاي دەدى: بەيبىتشىلىك پەن ورنىقتىلىق جاعدايىن قايتادان قالپىنا كەلتىرۋ ءۇشىن، ءسوزسىز، 3 ساتىداعى ىستەستىك پەن راقايلاسۋدى بىرلىككە كەلتىرۋ كەرەك، ياعني ءبىرىنشى، ا ق ش پەن رەسەي سيريانىڭ بولاشاعى جونىندە، ءسوزسىز، ورتاق تانىمعا كەلۋى؛ ەكىنشى، ساۋد ارابياسى مەن يران اراداعى الاۋىزدىقتى دەرەۋ دوعارۋى؛ ءۇشىنشى، وسى نەگىزدە حالىقارالىق وداق قۇرىپ، اسكەري ىستەر جاعىندا «ءسىلام مەملەكەتى» ۇشقارى ۇيىمىن جويۋى كەرەك.
چۇي شيڭ بىلاي دەپ قارادى: كەزەكتەگى حالىقاراداعى تولعاقتى ماسەلەلەردى ءبىر جاقتى ەتۋدىڭ نەگىزى - دامۋ ماسەلەسىن شەشۋ. تەك ءارقايسى ەلدەردىڭ ەكونوميكاسى دامىپ، حالىقتىڭ تۇرمىس ورەسى جوعارىلاعاندا عانا لاڭكەستىكتى ءتۇپ تامىرىنان قۇرتىپ، كوپتەگەن بوسقىنداردىڭ سىرتقا اعىلۋىن تەجەۋگە بولادى.
چۇي شيڭ بىلاي دەدى: جۇڭگونىڭ ورتاعا قويعان ادامزاتتىڭ تاعدىرلاس ورتاق تۇلعاسىن قۇرۋ، جاڭاشا ءىرى ەل قاتىناسىن ورناتۋ سياقتى وي جەلىسى وسىبىر ساياسي ماسەلەگە قاراتقان شەشۋ شاراسى ءارى وڭاۋ كوزقاراسى بولىپ، «حالىقارانىڭ حاۋىپسىزدىك ورتاسىن» جاقسارتۋعا بارىنشا سەپتىگىن تيگىزەدى.
(شينحۋا اگەنتتىگى)
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
