- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك كەڭەس ءدارى – دارمەك كاسىبىندە جاڭالىق اشىپ، دەڭگەيىن جوعارىلاتۋ جونىندەگى ءتورت ءىرى باعىتتى ايقىندادى
2016.02.17 15:29
ءدارى – دارمەك كاسىبى جالپى حالىقتىڭ دەنساۋلىعىنا ساياتىن، بازار سۇرانىمى اسا جوعارى كاسىپ، اقپاننىڭ 14 – كۇنى اشىلعان مەملەكەتتىك كەڭەستىڭ ۇنەمىلىك ىستەر ماجىلىسىندە ءدارى – دارمەك كاسىبىنىڭ جاڭالىق اشىپ، دەڭگەيىن جوعارىلاتۋ ىستەرىن ىلگەرىلەتۋ قىزمەتى ورنالاستىرىلىپ، ءتورت ءىرى باعىتى ايقىندالدى.
ۇزاق ۋاقىتتان بەرى ءدارى – دارمەك كاسىبى ستراتەگيالىق سيپاتتى جاڭادان گۇلدەنگەن كاسىپتەردى جەتىلدىرۋ، دامىتۋدىڭ ءتۇيىندى سالاسى بولىپ كەلدى، ولار نەگىزىنەن حيميالىق ءدارى، جۇڭگوشا ءدارى، بيولوگيا تەحنيكاسىمەن جاسالعان ءدارى – دارمەك، ەمدەۋ اسپاپتارى، ءدارى – دارمەككە پايدالانىلاتىن ماتەريالدار، قوراپتاۋ ماتەريالدارى، ءدارى – دارمەك جاساۋ اسپاپتارى سياقتىلاردى قامتيدى. «12 – بەس جىلدىق» مەزگىلىندە ماكرولىق ەكونوميكا ورتا وزگەرىسىنىڭ اسەرىنە ۇشىراعان باعا، وزىندىك قۇن سياقتى فاكتورلاردىڭ جالپى ىقپالىمەن ەلىمىزدىڭ ءدارى – دارمەك كاسىبىندەگى پايدانىڭ ارتۋ قارقىنى باياۋلادى.
ماماندار كەزەكتە ءدارى – دارمەك كاسىبىندە ساقتالىپ وتىرعان باستى ماسەلەلەردىڭ مىنالاردى قامتيتىنىن اتاپ كورسەتتى: كاسىپتىڭ شوعىرلانۋ ورەسى تومەندەپ، بىتىراڭقىلىق ماسەلەلەرى ساقتالعان؛ زەرتتەپ اشۋعا جۇمسالاتىن قارجى جەتكىلىكسىز، ءدارى – دارمەك ونىمدەرىنىڭ قوسىمشا قۇنى تومەن؛ ءدارى – دارمەك كاسىبىندە ماركا جاراتۋ ساناسى كەمشىل؛ كاسىپ باسقارۋ دەڭگەيى بىركەلكى ەمەس.
«13 – بەس جىلدىق» جوسپاردا سالاماتتى جۇڭگو قۇرۋ ۇسىنىسى العا قويىلدى. ماماندار بىلاي دەپ قارادى: ءدارى – دارمەك كاسىبىندە جاڭالىق اشۋ، دەڭگەيىن جوعارىلاتۋدى جەبەۋ وزىندىك مانگە يە. چيڭحۋا داشۋەسى مەملەكەت جاعدايىن زەرتتەۋ ورنىنىڭ باستىعى حۋ انگاڭ بىلاي دەدى: مەملەكەتتىڭ دامۋ جوسپارى ادامنىڭ دامۋىن ءونىمدى جەبەپ، ادامداردىڭ قابىلەتىن جوعارىلاتادى. دەنساۋلىق ماڭداي الدى ورىنعا قويىلعان حالىق قاجەتى، دەنساۋلىق بولمايىنشا ءبارى دە بولمايدى.
بۇل رەتكى ماجىلىستە سالاماتتى جۇڭگو قۇرۋ بارىسىندا، بولاشاقتاعى ءدارى – دارمەك كاسىبىنىڭ جاڭالىق اشۋ، دەڭگەيىن جوعارىلاتۋدىڭ ءتورت ءىرى باعىتى ايقىندالدى:- حالىق بۇقاراسىنىڭ كوكەيتەستى قاجەتىن كوزدە ۇستاپ، جاسامپازدىققا يە جاڭا ءدارى، جۇڭگوشا ءدارى، جاڭاشا ءدارى – دارمەك، جوعارى تەحنيكالى ەمدەۋ اسپاپتارى سياقتىلارعا قاتىستى زەرتتەپ اشۋ، جاڭالىق جاراتۋ قىزمەتىن كۇشەيتۋ، وسپە، قانتتى نەسەپ اۋرۋى، جۇرەك – مي قان تامىرلار اۋرۋى سياقتى كوپ تۋىلاتىن اۋرۋلار مەن سيرەك كەزدەسەتىن سالماقتى اۋرۋلارعا قاتىستى ءدارى – دارمەكتەردى كاسىپ سالالاندىرىپ دامىتۋدى كۇشەيتۋ. پاتەنت ۇقىعىنا يە بولعان ەل ىشىندە وندىرىلگەن جاسامپازدىققا يە جاڭا ءدارى – دارمەكتەر مەن ايگىلى ماركاداعى ۇقساتىلمالى ءدارى – دارمەكتەر جونىندە حالىقارالىق تىزىمگە الدىرىپ كۋالاندىرۋ قىزمەتىنە قولداۋ كورسەتۋ؛
- حاۋىپسىزدىك سيپاتىن باعالاۋ مەن ءونىمنىڭ كەلۋ قاينارى جۇيەسىن اقاۋسىزداندىرىپ، جالپى بارىسىنا ساپا جاعىنان باقىلاۋ – باسقارۋدى كۇشەيتۋ، حالىقارالىق وزىق ورەنى ولشەم ەتۋ، ءدارى – دارمەك، ەمدەۋ اسپاپتارى ولشەمىن جوعارىلاتۋ، وتە – موتە، نەگىزگى ءدارى – دارمەكتەردىڭ ساپاسىن جوعارىلاتۋ. ءونىم ساپاسى، حاۋىپسىزدىگى جونىندەگى ىقتيارسىز ساۋدا قامسىزداندىرۋىن اتقارۋ قىزمەتىن زەرتتەۋ. ءدارى – دارمەك ءوندىرۋ بارىسىن ينتەلەكتتەندىرۋ، زالالسىزداندىرۋ؛
- ەمدەلۋگە، ەمدەۋ قامسىزداندىرۋىنا، ءدارى – دارمەك قوسىلا ارەكەتتەنۋ رەفورماسىنا ۇشتاستىرىپ، كلينيكاعا شۇعىل قاجەتتى ءدارى – دارمەكتەر مەن ەمدەۋ اسپاپتارى ونىمدەرىن ساراپقا سالۋدى تەكسەرىپ بەكىتۋدى جەدەلدەتۋ. قازىنا – باجى، باعا، ۇكىمەتتىڭ ساتىپ الۋى سياقتى ساياساتتاردى كەمەلدەندىرۋ، كاسىپ قورىنان پايدالانۋ سياقتى ادىستەردى زەرتتەپ، ءدارى – دارمەك كاسىبى مەن جاڭا ونىمدەردى جالپىلاستىرۋ قىزمەتىنە قولداۋ كورسەتۋ. ءدارى – دارمەك كاسىپورىندارىن بىرىكتىرىپ قايتا قۇرۋ قىزمەتىنە قولداۋ كورسەتۋ، جەتەكشى كاسىپورىنداردى باۋلۋ، كاسىپتەگى بىتىراڭقىلىق ماسەلەلەرىن شەشۋ؛ - قالا مەن اۋىلدى قامتىعان وسى زامانعى ءدارى – دارمەك اينالىم تورابىن قۇرىپ، ءدارى – دارمەككە جۇمسالاتىن ماتەريال باعاسىن العاشقى قادامدا جونگە سالۋ. مەملەكەتتىك ءدارى – دارمەك ينفورماتسياسى الەۋمەتتىك قىزمەت وتەۋ تەكشەسىن قۇرىپ، ءدارى – دارمەك باعاسى، ءدارى – دارمەك ساپاسى سياقتى ينفورماتسيالاردى جاريا ۇستاۋ، حالىق بۇقاراسىنىڭ باقىلاۋىن قابىلداۋ؛
ماماندار بىلاي دەپ قارادى: وسى ساياساتتىق شارالار ءدارى – دارمەك كاسىبىنىڭ قامداۋعا قاتىستى قۇرىلىم سيپاتتى رەفورماسىنا باعىتتالعان، ول ءدارى – دارمەك كاسىبىنىڭ قۇرىلىمدىق رەتتەۋى مەن ساپاسىن ارتتىرىپ دەڭگەيىن جوعارىلاتىپ، ەنەرگيانىڭ سارىپ ەتىلۋى جوعارى، ورتانى لاستاۋى اۋىر مەشەۋ كاسىپورىنداردى كۇشىنەن قالدىرۋعا، وزىندىك قۇنى جوعارى، باسەكەلىك قۋاتى كەمشىل كاسىپورىنداردى كۇشىنەن قالدىرىپ، باسەكەلىك قۋاتى جوعارى كاسىپورىنداردىڭ پايدا تابۋ اياسىن كەڭەيتىپ، ءدارى – دارمەك ونىمدەرىنىڭ قوسىمشا قۇنىن جوعارىلاتۋعا، جۇڭگو ءدارى – دارمەك ونىمدەرىنىڭ حالىقارالىق باسەكەلىك قۋاتىن ارتتىرۋعا، ەلىمىزدىڭ ءدارى – دارمەك كاسىبىنىڭ باياندى، اقاۋسىز دامۋىن جەبەۋگە ءتيىمدى.
(شينحۋا اگەنتتىگى)
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
