قازاقستاننىڭ ۇلى اقىنى اباي شىعارمالارىنىڭ حانزۋشاعا اۋدارىلعان جيناعىنىڭ تۇساۋكەسەرى بەيجيڭدە وتكىزىلدى
2020.12.14 14:44 كەلۋ قاينارى : حالىق تورابى
ايگىلى جازۋشى اكبار ءماجيت ۇلى اۋدارعان «اباي» اتتى جيناق باسپادان شىقتى. ياڭ چيان فوتوسى
حالىق تورابىنىڭ ءتىلشىسى ياڭ چياننىڭ 12 – ايدىڭ 11 – كۇنى بەيجيڭنەن بەرگەن حابارى. بيىل قازاقستاننىڭ ۇلى اقىنى، قازاق وسىزامان ادەبيەتىنىڭ نەگىزىن قالاۋشى، ويشىل، اعارتۋشى اباي قۇنانبايەۆتىڭ ومىرگە كەلگەنىنە 175 جىل تولدى. ۇلى فيلوسوفتىڭ ولەڭدەرىنىڭ حانزۋشا اۋدارمالار جيناعى «اباي» اتتى كىتاپتىڭ تۇساۋكەسەرى قازاقستاننىڭ جۇڭگوداعى باس ەلشىلىگىندە وتكىزىلدى.
بۇل كىتاپتى جۇڭگوداعى ايگىلى قازاق جازۋشى اكبار ءماجيت ۇلى اۋدارعان، كىتاپقا ابايدىڭ 148 ولەڭى جانە اۆتور وسىدان 26 جىل بۇرىن اۋدارعان «اباي اقىليالارى» ەنگىزىلگەن، بۇل كىتاپ ابايدىڭ دۇنيەگە كەلگەنىنىڭ 175 جىلدىعىنا جاسالعان ۇلكەن سي بولدى.
اباي قۇنانبايەۆتى حالىق قازاق ساحاراسىنىڭ رۋحاني «تەمىر قازىعى» دەپ ارداقتايدى، قازاقستان پرەزيدەنتى توقايەۆ بۇل كىتاپتىڭ العى ءسوزى «اباي مۇرالارى ادامزاتقا ورتاق» اتتى ماقالاسىندا: «ۇلى اقىن، فيلوسوف، ويشىل اباي قازاق ۇلتىنىڭ جاڭا ادەبيەتىنىڭ ىرگە تاسىن قالادى»، — دەپ جازعان.
اكبار ءماجيت ۇلى ءسوز كەزەگىندە بىلاي دەدى: اباي ولەڭدەرى مەن اقىليالارى قازاقستان حالقىنىڭ تۇرمىس بەت – بەينەسىن، ءتىل مادەنيەتىن جانە ۇلتتىق مىنەزىن جاندى بەينەلەپ، قازاقستان حالقىنىڭ دۇنيەگە كوزقاراسىن، ۇلتتىق مىنەزىن جانە رۋحاني بەت – بەينەسىن كەسكىندەپ، تەرەڭ تولعانىستار ارقىلى ابايدىڭ باي رۋحاني الەمىن قالىپتاستىرعان.
قازاقستاننىڭ جۇڭگوداعى ەرەكشە وكىلەتتى، تولىق ۇقىقتى باس ەلشىسى عابيت قويشىبايەۆ ءسوز كەزەگىندە بىلاي دەدى: ابايدىڭ ادەبي تۋىندىلارىن اۋدارۋ قيىننىڭ قيىنى، اكبار ءماجيت ۇلى مىرزا ورەلى ادەبي دەڭگەيمەن ابايدىڭ رۋحاني مۇرالارىن حانزۋ تىلىنە اۋدارىپ، ەكى ەلدىڭ دوستىعى ءۇشىن كەلەلى ۇلەس قوستى. بيىل 8 – ايدا قازاقستان پرەزيدەنتى توقايەۆ اكبار ءماجيت ۇلىنا 2 – دارەجەلى دوستىق وردەنىن تابىستاپ، ونىڭ ەكى ەلدىڭ دوستىق بارىس – كەلىسىن نىعايتۋعا جانە اباي مۇرالارىن ءناسيحاتتاۋعا قوسقان ۇلەسىن ماراپاتتادى.
ايگىلى جازۋشى ۋاڭ مىڭ، جۇڭگو جازۋشىلار وداعىنىڭ ورىنباسار ءتوراعاسى لي جيڭزى جەكە – جەكە ءسوز سويلەپ، اتالعان كىتاپتىڭ ادەبي قۇنىنا جوعارى باعا بەرىپ، اتالعان كىتاپ جۇڭگو – قازاقستان ەكى ەل حالقىنىڭ تىلەكتەستىگىن نىعايتۋعا ۇلەس قوسادى دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
