- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تايسالماي كۇرەس جۇرگىزىپ، باتىلدىقپەن ارمان قۋىپ، تارتىمدى داستان جازايىق
جاڭ چۇنشيان تۇتاس شينجياڭداعى ءار ۇلت، ءار سالانىڭ تاڭداۋلى جاس ۋاكىلدەرىمەن اڭگىمە ءماجىلىس وتكىزدى
2014.05.04 13:01 كەلۋ قاينارى : ءتاڭىرتاۋ تورابى
4 - مامىر جاستار مەرەكەسى قارساڭىندا، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 3 - مامىر كۇنى تۇستەن بۇرىن «مەنىڭ جۇڭگو ارمانىم − تالپىنعان جاستىق ەڭ اجارلى» تاقىرىبىندا وتكىزىلگەن شينجياڭداعى ءار ۇلت، ءار سالانىڭ جاس ۋاكىلدەر اڭگىمە ماجىلىسىنە قاتىناسىپ، ءار شەپتەگى تاڭداۋلى جاستارمەن پىكىر اۋىستىرىپ، كوپشىلىكتىڭ ارمان، قۇلشىنىس جونىندەگى جاستىق جىرىن تىڭدادى، وتانعا، شينجياڭعا دەگەن سۇيىسپەنشىلىكتەرىن اقتارىپ، تاريحي بورىش پەن ءداۋىر جۇگىن اڭگىمە ەتتى، اۆتونوميالى رايوندىق پارتكوم، ۇكىمەت اتىنان «شينجياڭ جاستارى 4 - مامىر وردەنىنە» يە بولعان تاڭداۋلى جاستارعا، تۇتاس شينجياڭداعى جۇڭگو كوممۋنيستىك جاستار وداعىنىڭ تاڭداۋلى مۇشەلەرىنە، جۇڭگو كوممۋنيستىك جاستار وداعى كادرلارىنا قۇتتى بولسىن ايتىپ، شينجياڭداعى ءار ۇلت، ءار سالا جاستارىنا مەرەكەلىك سالەم جانە تاماشا تىلەك جولدادى.
جاڭ چۇنشيان مىنانى باسا دارىپتەدى: جاستار دۇنيەگە، ومىرگە، قۇنعا دۇرىس كوزقاراس ورناتىپ، جاستىق كوكتەمدەرىن قاستەرلەپ، قاجىرلىلىقپەن ۇيرەنىپ، قۇلشىنا امالياتتان وتكىزىپ، جەكەنىڭ تولىسۋى مەن وتاننىڭ دامۋىن، ءداۋىردىڭ قاجەتىن، حالىقتىڭ باقىتىن تىعىز بىرلەستىرىپ، العا باسۋ جولىندا تايسالماي كۇرەس جۇرگىزىپ، باتىلدىقپەن ارمان قۋىپ، تارتىمدى داستان جازۋ كەرەك. اڭگىمە ماجىلىسىندە ءۇرىمجى باتىس ءوڭىر لۇييە بيوتەحنيكا شەكتى سەرىكتەستىگىنىڭ تەحنيكالىق باس باقىلاۋشىسى ايگۇل ابدىكەرىم، قارۋلى ساقشى شينجياڭ شەكارا قورعانىس باس اترەتى بۇراتالا موڭعۇل اۆتونوميالى وبلىسى شەكارا قورعانىس تارماق اترەتى چىندەل شەكارا قورعانىس ساقشى بولىمشەسىنىڭ ساقشىسى ليۋ زۇڭلين، شينجياڭ ەلەكتر سەرىكتەستىگى ءۇرىمجى ەلەكترمەن قامداۋ سەرىكتەستىگى ەلەكتر رەتتەۋ، تەكسەرۋ - جوندەۋ ءبولىمىنىڭ تەحنيكالىق باسقارۋشىسى ءابيبول ساتار، شينجياڭ 949 قاتىناس راديوسى «قان بەرۋشى قامقورلار بىرلەستىگى» ەرىكتىلەرىنىڭ ۋاكىلى لي جيانجۇن، شينجياڭ تيانيە اۋىل شارۋاشىلىق تەحنيكاسىن زەرتتەۋ ورنىنىڭ باستىعى چىن لين، شينجياڭنىڭ جىجياڭدا تۇراتىن وداق قىزمەت كوميتەتىنىڭ جاۋاپتىسى الىمجان ۇسەن، شونجى اۋدانى تيانشان حۇڭيە قۇرىلىس شەكتى سەرىكتەستىگىنىڭ نىسان مەڭگەرۋشىسى تاڭ شيڭيان، التاي قالاسى شىرىكشي اۋىلىنىڭ اقچاپپا قىستاعىنداعى ءوز كۇشىنە سۇيەنىپ شارۋاشىلىق قۇرعان ستۋدەنت ليۋ جيا، كۇيتۇن سايا «قوس تىلدە» كاسىپتىك تەحنيكاعا تاربيەلەۋ مەكتەبىنىڭ باستىعى باعدانا ءادىلحان قىزى، شينجياڭ مەديتسينا ۋنيۆەرسيتەتى جۇڭگوشا ەمدەۋ ينستيتۋتىنىڭ وقۋشىسى حۇڭ چين، اۆتونوميالى رايوندىق قوعام حاۋىپسىزدىگى مەڭگەرمەسى 16 - باسقارماسىنىڭ ساقشىسى ءدىلشات حايۇم قاتارلى ءار سالادان كەلگەن 11 تاڭداۋلى جاس ۋاكىل سوزگە شىقتى.
كوپشىلىكتىڭ ءسوزىن تىڭداعاننان كەيىن جاڭ چۇنشيان ماڭىزدى ءسوز سويلەدى. ول بىلاي دەدى: 95 جىلدىڭ الدىندا تۋىلعان «4 - مامىر» قوزعالىسى جۇڭگونىڭ جاڭا دەموكراتيزم توڭكەرىسىنىڭ شىمىلدىعىن اشتى. «4 - مامىر» قوزعالىسىنان بەرگى تاريح بىزگە مىنانى ۇعىندىردى: جاستار پارتيانىڭ باسشىلىعىنا تاباندى بولىپ، ءداۋىر تىنىسىن يگەرىپ، تاريحي بورىشتى ارقالاپ، جەكە ارمانىن جالپى حالىقتىڭ ورتاق ارمانىمەن توعىستىرىپ، جەكەنىڭ قۇلشىنىسىن جالپى حالىقتىڭ توپتىق قۇلشىنىسىنا سىڭىرگەندە عانا، ءومىردىڭ قۇنىن ىسكە اسىرىپ، جاستىق جالىنىن ماڭگى ساقتاي الادى. جاقىندا باس شۋجي شي جينپيڭ شينجياڭدا تەكسەرۋ - زەرتتەۋ جۇرگىزىپ، قىزمەتكە جەتەكشىلىك ەتكەندە، شينجياڭنىڭ ءتۇرلى قىزمەتتەردە قول جەتكىزگەن جەتىستىكتەرىن تولىق تۇراقتاندىرىپ، شينجياڭنىڭ ماڭىزدى ستراتەگيالىق ورنىن قايتالاي دارىپتەپ، شينجياڭ قىزمەتىن جان - جاقتى ويداعىداي ىستەۋ جونىندە تالاپتار ورتاعا قويدى. شينجياڭنىڭ ءار سالا، ءار كاسىبىندەگى جاس دوستار باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن جەتەكشى ەتىپ، جاۋاپكەرشىلىك سەزىمىن، بورىشتىلىق سەزىمىن اناعۇرلىم ارتتىرىپ، بەكىمدى كۇشەيتىپ، سەنىمدى نىعايتىپ، باتىلدىقپەن العاباسىپ، قاجىرلىلىقپەن ىستەپ، جالىندى قوسىن جانە اتويشى بولۋداي رولىن تولىق ساۋلەلەندىرىپ، شينجياڭنىڭ رەفورما، دامۋ، ورنىقتىلىق ىستەرىنە زور ۇلەس قوسۋى كەرەك.
جاڭ چۇنشيان مىنانى باسا دارىپتەدى: ءار ۇلت جاستارى لاڭكەستىككە قارسى تۇرىپ، ورنىقتىلىقتى قورعاۋ بارىسىندا باتىلدىقپەن اۋىر جۇك ارقالاپ، شينجياڭنىڭ باياندى تىنىشتىعىن جەبەۋگە ۇلەس قوسۋى كەرەك. قاتاڭ دا كۇردەلى كۇرەس الدىندا پارتيا ورتالىق كوميتەتىمەن جانە اۆتونوميالى رايوندىق پارتكوممەن سانالى تۇردە وسكەلەڭ ءبىر اۋىزدىلىقتى ساقتاپ، «ءۇش ءتۇرلى كۇشپەن» باتىل كۇرەسۋى كەرەك. قاتە يدەيالارعا، ساندىراقتارعا ىرىقتىلىقپەن تويتارىس بەرىپ، ءدىني ۇشقارى يدەيالاردىڭ ىقپالىن جانە جالبىزلاپ كىرۋىن سانالىلىقپەن تەجەپ، وزىق مادەنيەتتى ساۋلەلەندىرۋشى، قوعام ورنىقتىلىعىن قورعاۋشى، ۇشقارى يدەياعا قارسى تۇرۋشى بولۋى كەرەك. ءار ۇلت بۇقاراسىن زاڭ ۇيرەنۋگە، زاڭعا بويسۇنۋعا، زاڭنان پايدالانۋعا جەتەكشىلىك ەتىپ، ءار ۇلت بۇقاراسىمەن بىرگە لاڭكەستىككە قارسى حالىقتىق سوعىس جۇرگىزىپ، ورنىقتىلىقتى قورعاۋدىڭ قۇرىش قورعانىن سوعۋى كەرەك. ءوز كۇشىنە سۇيەنىپ شارۋاشىلىق جۇرگىزۋ يدەياسىن ورناتىپ، كاسىپتەنۋ، شارۋاشىلىق قۇرۋ قابىلەتتەرىن ۇشتاپ، شارۋاشىلىقتارىن كەڭەيتە ءتۇسۋى كەرەك. كاسىپتەنۋ كوزقاراسىنا شىنايى بۇرىلىس جاساپ، شارۋاشىلىق قۇرۋ تانىمىن كۇشەيتىپ، شارۋاشىلىق قۇرۋدىڭ اتويشىسى بولۋعا تالپىنۋى كەرەك.
جاڭ چۇنشيان مىنانى اتاپ كورسەتتى: ءار ۇلت جاستارى ۇلتتار ىنتىماعىن باستاماشىلدىقپەن قورعاپ، ۇلتتار ىنتىماعى العاباسارلىعى ءىسىن جەبەۋگە ۇلەس قوسۋى كەرەك. ءىس جۇزىندىك ارەكەتتەرى ارقىلى ۇلتتار ىنتىماعىن باستاماشىلدىقپەن قورعاپ، ءار ۇلتتىڭ وزىق مادەنيەتىن باستاماشىلدىقپەن ۇيرەنۋى كەرەك. ءار ۇلت جاستارى، اسىرەسە، زيالى جاستار بۇقارانىڭ دۇرىس پەن بۇرىستى ايىرۋ قابىلەتىن كۇشەيتۋىنە بەلسەنە كومەكتەسىپ، شينجياڭ تاريحىن بۇرمالايتىن ءسوز - ارەكەتتەردى تەجەۋى كەرەك. قالىڭ حالىققا ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرگى شينجياڭدا تۋىلعان زور وزگەرىستەردى بارىنشا ۇگىتتەۋى، ءتۇرلى فورماداعى ۇلتتار ىنتىماعى ۇگىت - تاربيە قيمىلدارىنا بەلسەنە ات سالىسىپ، باستاماشىلدىق رولدارى ارقىلى ۇلتتار ىنتىماعىن جەبەۋگە ۇلەس قوسۋى كەرەك. ءار ۇلت جاستارى تاماشا سالتقا مۇراگەرلىك ەتىپ جانە ونى ساۋلەلەندىرىپ، نەگىزگى ساتىنىڭ نەگىزدىك قۇرىلعىلار قۇرىلىسىن كۇشەيتۋگە كۇش قوسۋى كەرەك. امالياتتان وتكىزۋگە ءمان بەرىپ، ساپانى جوعارىلاتىپ، سوتسياليستىك وزەكتى قۇن كوزقاراسىن ىرىقتىلىقپەن امالياتتان وتكىزىپ، قوعامدىق سالتقا جەتەكشىلىك ەتەتىن اتويشى بولۋعا تالپىنۋى كەرەك. 2 - توپتاعى تاربيە جانە امالياتتىق قيمىلىمەن بىرلەستىرىپ، جاس پارتيالى كادرلاردى تاربيەلەۋدى كۇشەيتۋ، جاستار «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا بەلسەنە قاتىناسىپ، قيمىلدىڭ تىڭعىلىقتى، ءونىمدى ورىستەتىلۋىنە مۇمكىندىك جاساۋى كەرەك. ءار ۇلت جاستارى قابىلەتتەرىن ءوسىرىپ، وسىزامانداندىرۋ قۇرىلىسىنا جارامدى دارىندى بولىپ جەتىلۋى كەرەك.
جاڭ چۇنشيان مىنانى تالاپ ەتتى: جاڭا ءداۋىردىڭ جاڭا ساتىسىندا، تۇتاس شينجياڭداعى ءار دارەجەلى كوممۋنيستىك جاستار وداعى ۇيىمى رەفورما جاساۋ، جاڭالىق اشۋ رۋحىمەن قىزمەتتەردى جانە ءوز قۇرىلىسىن جەبەپ، دۇرىس ساياسي بەتالىس پەن ساياسي مايدانعا تاباندى بولىپ، شينجياڭ قىزمەتىنىڭ جالپى جاعدايىن تياناق ەتىپ، قىزمەتتىڭ كىرىسۋ ءتۇيىنى مەن توعىسۋ ءتۇيىنىن ءدال تاۋىپ، جاستاردى شينجياڭنىڭ قوعام ورنىقتىلىعى مەن باياندى تىنىشتىعىن قورعاۋ، قارىشتاپ دامۋدى ىسكە اسىرۋ امالياتىنا بەلسەنە كىرىسۋگە جەتەكشىلىك ەتۋى كەرەك. ۇشقارىلىقتى الاستاۋ قىزمەتىنە، جاستارعا قىزمەت وتەۋ تانىمى مەن قابىلەتىن جوعارىلاتۋعا، قىزمەت تاسىلىنە جاڭالىق ەنگىزۋگە، وداقتىڭ نەگىزگى ساتى نەگىزىن بەكەمدەۋگە كۇش سالىپ، وداق كادرلار قوسىن قۇرىلىسىن كۇشەيتۋى كەرەك. ءار دارەجەلى پارتكومدار مەن ۇكىمەتتەر جاستار قىزمەتى مەن كوممۋنيستىك جاستار وداعى قىزمەتىنىڭ اسا ماڭىزدىلىعىن جەتە تانۋلارى، ءار دارەجەلى باسشى كادرلار ءار ۇلت جاستارىن ءوز بالالارىنداي ايالاپ، كوممۋنيستىك جاستار وداعىنا باسشىلىقتى شىنايى كۇشەيتىپ، كوممۋنيستىك جاستار وداعىنىڭ قىزمەتىن قولداپ، وداق كادرلارىنىڭ تولىسۋىنا كوڭىل ءبولۋى كەرەك.
اڭگىمە ماجىلىسىنەن بۇرىن جاڭ چۇنشيان اڭگىمە ماجىلىسىنە قاتىناسقان 13 - كەزەكتى «شينجياڭ جاستارى 4 - مامىر وردەنىنىڭ» يەگەرلەرىمەن كەزدەستى.
اۆتونوميالى رايوندىق پارتكومنىڭ تۇراقتى مۇشەسى ەركىنجان تۇراحۇن اڭگىمە ءماجىلىستى باسقاردى.
اۆتونوميالى رايوننىڭ جانە بيڭتۋاننىڭ باسشىلارىنان نۇر باكىر، چى جۇن، باي جىجيە، ەركىن تۇنياز، ابىلەز نياز ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
