- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2015.07.30 15:29 كەلۋ قاينارى : حالىق تورابى
شينحۋا اگەنتتىگى، 29 – شىلدە، بەيجيڭ. مەملەكەتتىك كەڭەستىڭ زۇڭليى لي كىچياڭ 28 - شىلدەدە مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، قالالاردىڭ جەر استى قۇبىر - كاريدور جالپىلىق قۇرىلىسىن تەزدەتىپ، الەۋمەتتىك ونىمدەرمەن قامداۋدى زورايتىپ، جاڭاشا قالا – قالاشىقتاندىرۋ ساپاسىن جوعارىلاتۋدى ورنالاستىردى؛ ساياحاتتاعى قارجى قوسۋ جانە تۇتىنۋ ساياساتتىق شاراسىن جەبەۋ، كىرىستى ارتتىرىپ، قۇرىلىمدى رەتتەپ، حالىق تۇرمىسىنا تيىمدىلىك جاراتۋدا جاڭا سۇيەنىش قالىپتاستىرۋ بەلگىلەندى؛ «جۇڭحۋا حالىق رەسپۋبليكاسىنىڭ وتباسى زورلىق – زومبىلىعىنا قارسى تۇرۋ زاڭى (جوبا)» ماقۇلداندى.
ماجىلىستە مىناۋ اتاپ كورسەتىلدى: قالالاردىڭ نەگىزدىك قۇرىلعى قۇرىلىسى ناشار بولۋ سىندى ۇزاقتان بەرگى كورنەكتى ماسەلەگە قاراتا، ەلىمىزدىڭ جاعدايىن شىعار ءتۇيىن ەتىپ، حالىقاراداعى وزىق تاجىريبەدەن ۇلگى الىپ، قالالاردا ەلەكتر، حابارلاسۋ، راديو – تەلەۆيزيا، سۋ ىعىستىرۋ، جىلۋمەن قامداۋ، جانار گاز سياقتى قۇبىر – جەلىلەرگە ءبىر تۇتاس پايدالانىلاتىن جالپىلىق قۇبىر – كاريدور جۇيەسىن قۇرۋدى مەملەكەت ءتۇيىندى قولدايتىن حالىق تۇرمىسى ينجەنەرياسى ەتۋ كەرەك. بۇل – قالالاردىڭ نەگىزدىك قۇرىلعى قۇرىلىسىندا جاڭالىق جاراتۋداعى ماڭىزدى شارا، وسىلاي بولعاندا ءبىر جاعىنان، كوشەلەر قىم - قۋىت بولۋ، باعانا باستارى، عيمارات قابىرعالارى ورمەكشى تورىنداي كورىنۋ ماسەلەلەرىن شەشىپ، جەر استىنداعى بوستىقتان پايدالانىپ، قالانىڭ جالپىلىق كوتەرىمدىلىك قۋاتىن جوعارىلاتۋعا، حالىق تۇرمىسى قاجەتىن قاناعاتتاندىرۋعا، ءبىر جاعىنان، ءونىمدى قارجى قوسۋدى جەبەپ، الەۋمەتتىك ونىممەن قامداۋدى ارتتىرۋعا، جاڭاشا قالا – قالاشىقتاندىرىپ دامىتۋ ساپاسىن جوعارىلاتۋعا، ەكونوميكانى دامىتۋدىڭ جاڭا قوزعاۋشى كۇشىن قالىپتاستىرۋعا بولادى.
ماجىلىستە مىناۋ بەلگىلەندى: ءبىرىنشى، قالالاردىڭ ۇكىمەتتەرى قالانىڭ دامۋ بولاشاعى جونىندە جان – جاقتى وي جۇگىرتىپ، الدىمەن پىلانداپ، ونان سوڭ قۇرىلىس سالۋ پرينسيبى بويىنشا، جەر استى جالپىلىق قۇبىر – كاريدور قۇرىلىسى ارناۋلى پىلانىن جاساپ، جىلدىق قۇرىلىستا الدىمەن ورنالاستىرۋ جاساۋى ءارى جەر استى بوستىعىن قالدىرىپ وتىرۋى، مەڭگەرۋى كەرەك. ەكىنشى، مەملەكەت كولەمىندە ءبىر توپ جەر استى جالپىلىق قۇبىر – كاريدور قۇرىلىسى ۇلگى ءتۇيىنىن قۇرىپ، ىزدەنۋ، تاجىريبە جيناۋ نەگىزىندە قالانىڭ جاڭا رايونىندا، ءتۇرلى باقشا رايونىندا، اشىلاتىن بولەكتەرىندە جاڭا جول جاساۋدا جەر استى جالپىلىق قۇبىر – كاريدور قۇرىلىسىن بىرگە جۇرگىزۋ، كونە قالا رايونىندا كونە قالانى جاڭارتۋمەن، جولداردى وزگەرتۋمەن، وزەن جولدارىن وڭاۋمەن ۇشتاستىرىپ جەر استى جالپىلىق قۇبىر – كاريدور قۇرىلىسىن جۇرگىزۋ كەرەك. جەر استى جالپىلىق قۇبىر – كاريدور قۇرىلىسى جاسالعان وڭىرلەردە بارلىق قۇبىر، لەنيا كاريدورعا ەنگىزىلۋى كەرەك؛ قۇبىر – كاريدوردان تىس جەردە جاڭا قۇبىر، لەنيا جۇرگىزۋگە بولمايدى. قالانىڭ قازىرگى ەلەكتر تورى، حابارلاسۋ تورى سياقتى جەر بەتىندە تارتىلعان سىمداردى جەر استى ينجەنەرياسىنا ەنگىزۋ كەرەك. ءۇشىنشى، جەر استى جالپىلىق قۇبىر – كاريدور قۇرىلىسى مەن سىلكىنىسكە توتەپ بەرۋ، اپاتتان ساقتانۋدىڭ ولشەمىن كەمەلدەندىرۋ، ينجەنەريانىڭ پىلانداۋ، قۇرىلىس سالۋ، اينالىسقا ءتۇسۋ سياقتى جاقتارىنداعى ساپا، حاۋىپسىزدىك تۇلعالىق جاۋاپكەرلىگىن تياناقتاندىرۋ، ومىرلىك جاۋاپكەرلىك جانە ماڭگىلىك بەلگى ءتۇزىمىن ورناتۋ، ينجەنەريانىڭ ساپاسىنا جانە حاۋىپسىز اينالىسىنا كەپىلدىك ەتۋ، قوعامنىڭ باقىلاۋىن قابىلداۋ كەرەك. ءتورتىنشى، قارجىلاندىرۋ مەحانيزمىندە جاڭالىق جاراتۋ، قازىنالىق ۇسىنىلىمدى ارتتىرۋمەن بىرگە، ارنايى رۇقسات ەتىلگەن تيجارات، قارجىلاندىرۋ قوسىمشاسى، قارىز وسىمىنە كومەك بەرۋ سياقتى تاسىلدەرمەن قوعامدىق كاپيتالدىڭ جەر استى جالپىلىق قۇبىر – كاريدور قۇرىلىسىنا قوسىلۋىنا شابىت بەرۋ كەرەك. قۇبىر – كاريدور جۇيەسىنە ەنگەن ورىندار ۇيلەسىمدى ەنۋ اقىسىن جانا داعدىلى قورعاۋ اقىسىن تاپسىرىپ، نىساننىڭ ورنىقتىلىعىن كەپىلدەندىرۋى كەرەك. اشۋ سيپاتىنداعى فينانستىڭ رولىن ساۋلەلەندىرىپ، جەر استى جالپىلىق قۇبىر – كاريدور قۇرىلىسىن ارنايى فينانستىق قارىزبەن قولداۋ كولەمىنە ەنگىزۋ، جەر استى جالپىلىق قۇبىر – كاريدور قۇرىلىسىنا قارجى قوسۋشى كاسىپورىنداردى قارىز جاعىنان قولداۋ كەرەك. قالالاردىڭ شوعىرلى، ءونىمدى، حاۋىپسىز دامۋى ارقىلى حالىقتىڭ باقىت كورسەتكىشىن جوعارىلاتۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
